Inside

All Time Top 50 News

रूसमा आदिकविको प्रतिमा अनावरण र 'भानु संग्रहालय' को स्थापना PDF Print E-mail
Share
User Rating: / 0
PoorBest 
Written by आदिकवि भानुभक्त आचार्य द्विशतवार्षिक समारोह समिति, मास्को   
Monday, 16 June 2014 15:10

Special: 3 photos: मास्को- रूस दिवस (जुन १२ तारिख) को उपलक्ष्यमा मास्कोबाट ९० किलेमिटर टाढा रहेको 'नृवंश–लोक' (एत्नोमिर) अन्तरगत निर्मित 'नेपाली घर' मा आदिकवि भानुभक्त आचार्यको आवक्ष प्रतिमाको अनावरण समारोह सम्पन्न भएको छ। सो अबसरमा 'भानु संग्रहालय' कोसमेत शिलान्यास भएको छ ।

 

Nepal's foremost poet Adikavi Bhanubhakta Acharya's bust was installed in Nepal Ghar in Russia on June 12, 2014. Photos courtesy: Krishna P. Shrestha

रूसमा आदिकवि आचार्यको द्विशतवार्षिक समारोह मनाउने क्रममा मास्को आएका मदन पुरस्कार विजेता नेपाली साहित्यकारद्वय कृष्ण धरावासी तथा अमर न्यौपाने, 'एत्नोमिर' का प्रमुख रुस्लान बैरामोभ र मूर्तिकार अलेक्सेइ लिओनोभकासाथै आदिकवि भानुभक्त आचार्य द्विशतवार्षिक समारोह समितिक संरक्षक, रुसकालागि नेपाली राजदूत डा. रविमोहन सापकोटा कोपिलाज्यूले आदिकवि भानुभक्त आचार्यको आवक्ष प्रतिमाको अनावरण गरेका थिए।

आदिकवि भानुभक्त आचार्य द्विशतवार्षिक समारोह समितिका सदस्य-सचिव डा. मणिराज पोखरेलले समारोहको सञ्चलन गर्दै रूसमा भानुभक्त आचार्यको द्विशतवार्षिक समारोह मनाउन नेपाल सरकारको संस्कृति, पर्यटन तथा नागरिक उड्डयन मन्त्रालयबाट रूसकालागि संयोजक नियुक्त कृष्णप्रकाश श्रेष्ठको अध्यक्षतामा आदिकवि भानुभक्त आचार्य द्विकतवार्षिक समारोह समिति गठन गरिएको उल्लेख गरे र रूसमा बसोवास गरिरहेका नेपालीहरुका सबै सामाजिक संस्थाहरुको प्रतिनिधित्वसहित सबै साहित्यानुरागी  नेपालीहरू समावेश भएको उक्त समारोह समितिमा मधुकृष्ण श्रेष्ठ 'माधुर्य', गोविन्दप्रसाद गौतम, कोषाध्यक्ष डिल्ली खरेल 'सुमन र सदस्य-सचिव डा मण्रिज पोखरेल रहेको जानकारी गराए। समारोह समितिले तय गरेको सप्ताहव्यापी कार्यक्रमअन्तर्गत 'नेपाली घर' मा आदिकविको प्रतिमा स्थापना समारोहमा उपस्थित नेपालीहरु तथा रसियाली मित्रहरूप्रति अभिवादन व्यक्त गर्दै रूसमा भानुभक्तको प्रतिमा स्थापनाको विचारलाई मूर्तरूप दिन उपस्थित सबैप्रति हार्दिक धन्यवाद ज्ञापन गरे।

Nepal's foremost poet Adikavi Bhanubhakta Acharya's bust was installed in Nepal Ghar in Russia on June 12, 2014. Photos courtesy: Krishna P. Shrestha

कालुगा अञ्चलस्थित 'एत्नोमिर' का प्रमुख रुस्लान बैरामोभले संसारका विभिन्न जनजातिहरूको विविध संस्कृतिको प्रतिनिधित्व गर्ने यस थलोमा नेपालका कविको शालिग स्थापनाको सन्दर्भमा नेपालबाटसमेत साहित्यकारहरू आएकोमा हर्ष प्रकट गर्दै प्रतिमा अनावरण समारोहका सहभागी सबैको हार्दिक स्वागत गरे।

नेपाली राजदूत डा. रविमोहन सापकोटा कोपिलाले नेपालीहरूकालागि आदिकविको विवादरहित महत्वकोबारेमा संक्षेपमा प्रकाश पार्दै भानुभक्तलाई सर्वमान्य र सर्वकालिक व्यक्तित्वकोरूपमा चित्रण गरे। राजदूत डा. कोपिलाले यूरोपका देशहरुमध्ये सर्वप्रथम रूसको भूमिमा भानुभक्तको प्रतिमा अनावरण गर्ने सुअवसर पाइएकोमा विशेष हर्ष प्रकट गरे।

रुस महासंघमा आदिकवि भानुभक्त आचार्य द्विशतवार्षिक समारोह समितिको अध्यक्षको कृष्णप्रकाश श्रेष्ठले रूसमा स्थापित भानुभक्तको प्रतिमामा भावसुमन अर्पण गर्दै अन्तरिक्ष चिन्त्तनका प्रवर्तक त्सिआलकोभ्स्कीको जन्मथलोमा नेपाली आदिकविको हस्तनिर्मित स्मारक स्थापना भएकोमा हर्षविभोर भएको उल्लेख गरे।

Nepal's foremost poet Adikavi Bhanubhakta Acharya's bust was installed in Nepal Ghar in Russia on June 12, 2014. Photos courtesy: Krishna P. Shrestha

गैरआवासीय नेपाली संघ केन्द्रीय निवर्तमान अध्यक्ष जीबा लामिछानेले छोटो समयमै भानुभक्तको प्रतिमा स्थापना गर्ने विचार कसरी साकार भएको थियो भन्ने विषयमा प्रकाश पार्दै मूर्तिकार अलेक्सेइ लेओनोभ तथा 'एत्नोमिर' का प्रमुख रुस्लाम बैरामोभप्रति कृतज्ञता ज्ञापन गरे।

गैरआवासीय नेपाली संघ रूसका अध्यक्ष डा. मधुकृष्ण श्रेष्ठ 'माधुर्य' ले रूसमा भानुभक्तको प्रतिमा स्थापना भएकोमा उद्गार प्रकट गर्दै नेपालबाट मुर्धन्य साहित्यकारद्वय कृष्ण धरावासी तथा अमर न्यौपानेको समेत सहभागितामा प्रतिमा अनावरण सम्पन्न भएकोमा यसको व्यवस्था मिलाउने सबैप्रति कृतज्ञता ब्यक्त गरे।

विश्व नेपाली साहित्य महासंघ रूस शाखाका अध्यक्ष गोविन्दप्रसाद गौतमले रूसमा हरेक वर्ष भानुजयन्ती मनाउने परम्परा बसिसकेको स्मरण गराउँदै आदिकविको द्विशताब्दीय जन्मजयन्तीको उपलक्ष्यमा महासंघकोतर्फबाट भानुका कविताहरुलाई रुसी भाषामा समेत अनुवाद गरी 'लोकको गरूँ हित भनी' संग्रह प्रकाशमा ल्याइएको र भविष्यमा पनि यो क्रम जारी राखिने सदीक्षा व्यक्त गरे।

नेपालको कैयौंपल्ट यात्रा गरिसकेका र हालै नेपलयात्राबाट स्वदेश फर्केका 'इन्भेष्ट ब्याङ्क' का निर्देशक एभ्गेनी कोजोरेजोभले नेपाललाई अति माया गर्ने दागेस्तानी कवि रासुल हाम्जातोभद्वारा रचिएका नेपाल विषयक काव्यकृतिहरु 'जीवनचक्र' र 'जीवित देवी कुमारी' नेपालीमा कृष्णप्रकाश श्रेष्ठको अनुवादसहित यसै साल प्रकाशमा ल्याइएको सचित्र त्रिभाषिक (आभार, रूसी र नेपाली) संयुक्त ग्रन्थ 'दुई देवताप्रति' तथा इभान कोजेरेजोभको नेपालका छविचित्रहरूको रङ्गीन अल्बमको प्रदर्शन गरेर 'एत्नोमिर' लाई उपहार दिए भने प्रो. सेर्गेइ मुर्तुलिजाएभ तथा कृष्णप्रकाश श्रेष्ठको संयुक्त प्रयासबाट संक्षेपमा दागेस्तान र नेपालको सर्वांगिण परिचय दिने 'ककेशिया चुलीदेखिन् हिमाली उच्चतातक' शीर्षकको ग्रन्थ 'एत्नोमिर' तथा 'भानु संग्रहालय' लाई पनि उपहार दिए ।

नेपाली अतिथि मदन पुरस्कार विजेता साहित्यकार कृष्ण धरावासीले विश्वविख्यात रुसी लेखकहरुका कृतिहरु पढेर धेरै पहिलेदेखि नै रूसबारे गरिने कल्पना भानुभक्तको द्विशतवार्षिक समारोहको सन्दर्भमा साकार भएकोमा हर्ष प्रकट गर्दै एशिया (भारत र नेपाल) बाहेक अन्यत्र कतै पनि भानुभक्तको शालिक स्थापना नभएको परिप्रेक्ष्यमा अमेरिकामा शालिक स्थापना गर्ने तरखर भइरहेको जनाउ दिंदै रूस नै यस क्षेत्रमा पहिलो देश बन्न पुगेको अभिव्यक्ति दिए र साहित्यको निम्ति देशको सीमाना तगारो बन्न नसक्ने जनाउँदै भानुभक्तको मातृभाषा नेपालीका अनुपम साहित्यिक कृतिहरुको अंग्रेजीमा अनुवाद गर्ने अभियानको थालनी गर्ने आफ्नो योजना बताए ।

'सेतो धरती' उपन्यासकालागि गतः वर्षको मदन पुरस्कार विजेता साहित्यकार अमर न्यौपानेले नेपाली साहित्यको विकासमा सम्पन्न रूसी साहित्यको सकारात्मक प्रभाव परेको जनाउ दिंदै रूस जस्तो पवित्र देशमा पदार्पण गर्ने र मास्कोमा आदिकवि भानुभक्तको द्विशतवार्षिक समारोहमा भाग लिने सम्भावना प्रदान गरिएकोमा रूसवासी सम्पूर्ण साहित्यानुरागी नेपालीहरुप्रति कृतज्ञता व्यक्त गरे।

आदिकवि भानुभक्त आचार्य द्विशतवार्षिक समारोह समिति
मास्को, रूस महासंघ

Comments

Please login to post comments or replies.
 

Be the first to know

Member Login





OUR COMMITMENT

USNepalOnline.Com is a New York-based popular community news portal dedicated to the Nepalese community in New York and around the world. We bring news and views from Nepal and from the Nepalese Diaspora. We are committed to providing a wide array of international features relating to Nepalese politics, people, lives, culture and so on. Our dedicated editors, representatives, and contributors in New York, Nepal and from elsewhere work to bring Nepal and the Nepalese into the cyber-world as it happens. We operate as a primary news source that touches the lives of the Nepalese community in ways that matter most to our readers. Our mission is to provide quality news and educational resources about Nepalese culture and its people within and beyond the Nepalese-American community.