दलितलाई रक्षा बन्धनको धागा नबाध्दा जेल, दैलेखका ब्राम्हणहरुले कर्मकाण्ड नगर्ने घोषणा

दलितलाई रक्षा बन्धनको धागा नबाध्दा जेल, दैलेखका ब्राम्हणहरुले कर्मकाण्ड नगर्ने घोषणा

Written by Geban Mijhar

Wednesday, 22 April 2009 23:58

दैलेख- गत साउन ३२ गते रक्षा वन्धन चाडमा एक ब्राम्हणले दलितलाई रक्षा बन्धनको धागा नवाधेर विभेद गरेको भन्ने मुद्दामा जिल्ला अदालत दैलेखले ३ महिना कैद र १ हजार रुपैंयाँ नगद जरिवाना गरेको सर्न्दर्भलाई जोडेर पञ्चकोशी वैदिक सनातन धर्म सेवा समाज दैलेखले बुधवारदेखि सम्पूर्ण कर्मकाण्डको काम रोक्ने निर्णय गरेको छ ।

आजापूजा, विवाह, वर्तवन्ध, कृयाकर्म, आदि शुभ-अशुभ कार्यमा गरिने वैदिक कर्मकाण्डको काम बुधवारदेखि रोक्ने र कुनै ब्राम्हणले आफू खुशी कसैको विवाहर्-वर्तबन्ध लगायत शुभ-अशुभ कार्यममा कर्मकाण्ड गरेमा ब्राम्हणलाई कार्वाही गर्ने चेतावनी पञ्चकोशी वैदिक सनातन धर्म सेवा समाज दैलेखका अध्यक्ष माधवप्रसाद उपाध्याय र सचिव आत्मप्रसाद उपाध्यायद्वारा संयुक्त हस्ताक्षर गरी मंगलवार प्रकाशित प्रेस विज्ञप्तीमा जनाइएको छ ।

पञ्चकोशी वैदिक सनातन धर्म सेवा समाज दैलेखका अध्यक्ष माधवप्रसाद उपाध्यायको अध्यक्षतामा मंगलवार नै बसेको बैठकले बुधवारदेखि सम्पूर्ण वैदिक कर्मकाण्डको काम बन्द गर्ने निर्णय गरेपछि यो विज्ञप्ती प्रकाशित गरिएको हो ।

सदरमुकाम दैलेख बजारको गणेश मन्दिरमा भएको भेलामा ब्राम्हण र तागाधारीलाई मात्र प्रवेश दिइएको थियो ।

हिन्दूहरुको महान चाड रक्षा बन्धनको दिन जातका आधारमा विभेद गर्दै दलितलाई रक्षा वन्धनको धागा बाध्न इन्कार गर्ने दैलेखको रुम गाउँ विकास समिति वडा नं. ७ निवासी दीपक उपाध्यायलाई चैत ३० गते जिल्ला अदालतका जिल्ला न्यायाधीश ठाकूरप्रसाद शर्माको इजलासले ३ महिना कैद र १ हजार नगद जरिवाना गराएको थियो ।

हिन्दू भएर पनि आफूलाई जातका कारण पण्डित दीपक उपाध्यायले रक्षा बन्धन नबाँधेको भन्दै नारायण नगरपालिका-२ का जनकलाल सुनार र रुम गाविस-१ का नन्दबहादुर बिकले गत असोज १ गते जिल्ला अदालत दैलेखमा जातीय भेदभाव विरुद्धको मुद्दा दर्ता गराएका थिए ।

-Geban Mijhar in Surkhet

Find us at: http://www.facebook.com/usnepalonline

http://twitter.com/usnepalonline

Read our exclusive reporting on: