काठमाडौ- संविधान सभा अन्र्तगतको राज्य पुनरसंरचना तथा राज्यशक्तिको बाँडफाँड समितिमातहतको उपसमितिले संघीय नेपालको राजधानी काठमाडौंबाट चितवन सार्ने प्रस्ताव गरेको छ ।

प्रदेशको नाम, सीमा र राजधानीलगायत विषयमा टुङ्गो लगाउन गठित उपसमितिका संयोजक हितमान शाक्यले समितिका सभापति लोकेन्द्र विष्ट मगरलाई बुझाएको प्रतिवेदनमा नारायणीलाई केन्द्र शासित प्रदेशमा राख्न प्रस्ताव गरिएको हो ।

उपसमितिले बुझाएको प्रतिवेदनमा तराईमा ३ वटा सहित १४ प्रदेशको प्रस्ताव गरिएको छ भने त्यसको विकल्पमा तराईमा २ वटा सहित ६ प्रदेश सिफारिस गरिएको छ ।

प्रस्तावित १४ प्रदेशको प्रस्तावमा लिम्बुवान, किराँत, ताम्सालिङ, नेवाः, मगराँत, तमुवान र थरुहट गरी ७ वटा प्रदेशको नाम जाति र समुदायको आधारमा राखिएको छ ।

गत साता गोदावरीमा बसेको ५ सदस्यीय उपसमितिले आज बुझाएको प्रतिवेदनमा भोलीदेखि समितिको बैठकमा छलफल सुरु हुने र बुधबारसम्ममा टुङ्गो लगाइने समितिका सभापति लोकेन्द्र विष्ट मगरले जानकारी दिए ।

-Santa Bagam in Kathmandu

Comments

Name *
Email (For verification & Replies)
URL
Code   

Submit Comment