जेनेभामा आदिवासी जनजातिहरुको अधिकार सम्वन्धी विशेषज्ञ संयन्त्रको दोश्रो बैठक दोश्रो बैठक सुरु

जेनेभामा आदिवासी जनजातिहरुको अधिकार सम्वन्धी विशेषज्ञ संयन्त्रको दोश्रो बैठक दोश्रो बैठक सुरु

Written by Fatik Thapa Magar

Tuesday, 11 August 2009 08:40

जेनेभा - आदिवासी जनजातिहरुको अधिकार सम्वन्धी विशेषज्ञ संयन्त्र (Expert mechanism) को दोश्रो बैठक जेनेभामा अगस्त १० देखि १४ सम्म चल्दैछ ।

मानव अधिकार उच्च आयुक्त नाभानेदेभ पिलायी बोल्दै नीलो कपडामा Photo: Rajubikram Chamling

संयुक्त राष्ट्र संघ अन्तरगतको मानव अधिकार परिषदमा भएको प्रावधान बमोजिम आदिवासी जनजातिहरुको अधिकार सम्वन्धी विशेषज्ञ संयन्त्रको सत्रमा भाग लिन दुनियाँका विभिन्न मुलुकका आदिवासी जनजातिहरु र उनीहरुका संस्थाका प्रतिनिधिहरुले बर्षेनी भाग लिने गर्दछन् र यस पटक ३७० जना सहभागीहरुले आफ्नो सहभागिता जनाइरहेका छन् ।

नेपालवाट बिमला सुनुवार, सुनुवार सेवा समाज; लीला सिङ्घक, किराँत याक्थुम चुम्लुङ्ग; अजय कुमार प्रजा, आदिवासी जनजाति विकासका लागि संजाल; राजु बिक्रम चाम्लिङ्ग, किराँत युवा समाज र फटिक थापा मगर, मगर अध्ययन केन्द्रले भाग लिइरहेकाछन् ।

IP leaders in Geneva. Photo: Fatik

जेनेभा स्थित संयुक्त राष्ट्र संघ भवनमा सुरु भएको सो कार्यक्रममा उद्घाटन मन्तव्य ब्यक्त गर्दै मानव अधिकार उच्च आयुक्त नाभानेदेभ पिलायीले विश्वका आदिवासी जनजातिहरुको हक, हित र अधिकारका लागि आफूले जुनसुकै सहयोग गर्ने बताइन् । पहिलो चरणको कार्यक्रम सकिए पछि अन्तरराष्ट्रिय श्रम संगठनको आयोजनामा अन्तराष्ट्रिय विश्व आदिवासी दिवस समेत एक समारोहका वीच मनाइयो । सो अवसरमा विभिन्न मुलुकहरुवाट आएका आदिवासी जनजातिहरुले विभिन्न सँस्कृति तथा परम्परा झल्किने नाँच गीतहरु प्रस्तुत गरे।

दिउँसो सुरु भएको अर्को चरणको कार्यक्रममा सहभागीहरुले आआफ्नो विचार व्यक्त गरेका थिए । सो अवसरमा जेनेभा स्थित संयुक्त राष्ट्र संघ र अन्तरराष्ट्रिय संगठनहरुको निम्ति नेपालको स्थायी नियोगका उप स्थायी प्रतिनिधि भरतराज पौड्यालले नेपालको अन्तरिम संविधानले मुलुकका सम्पूर्ण जातिहरुको भाषा तथा संस्कृतिको विकासको ग्यारेण्टी गरेको र त्यहाँको पाठ्यक्रम विकास केन्द्रले मगर, सुनुवार, लिम्बू लगातका १५ मातृभाषाहरुमा प्राथमिक विद्यालयका लागि पाठ्यसामग्री तयार पारेको वताए ।

-Fatik Thapa Magar in Geneva.

Read our related news at: