नेपालमा वार्षिक ६ करोड २९ लाख कण्डमको माग, आपूर्ति कम

Written by Rajbahadur Gurung

Tuesday, 21 July 2009 09:17

पोखरा - नेपालमा वार्षिक ६ करोड २९ लाख कण्डमको माग रहेको भएपनि चार करोड कण्डममात्र आपूर्ति भएको छ ।

सुनौलो परिवार नेपाल मेरी स्टोप्स् सेण्टरले उत्पादन गरेको जोडी गोल्ड प्रीमियम कण्डम बजारमा आएको छ। नेपाली उत्पादनका रुपमा रहेको यो कण्डम पाकेटको २५ रुपिया बजार मूल्य कामय गरिएको छ । पाकेटमा चार वटा कण्डम रहने कम्पनीको भनाई छ ।

बजारमा आउने अन्य कण्डमको तुलनामा जोडी गोल्ड सरल र सुगन्धयुक्त भएको कम्पनीले दावी गरेको छ । अन्र्तराष्ट्रिय मापदण्ड अनुसार तयार गरिएको यो कण्डम डटेट भएको सेण्टर पोखराका क्षेत्रीय प्रवन्धक सुरेशकुमार गिरिले जानकारी दिनुभयो । गिरिका अनुसार नेपालमा अझै पनि कण्डको मागअनुसार पूर्ति हुन सकेको छैन । वहाले दिएको जानकारी अनुसार नेपालमा वार्षिक ६ करोड २९ लाख कण्डमको माग रहेको भएपनि चार करोड कण्डममात्र आपूर्ति भएको छ ।

सेण्टरले यसअघि बजारमा ल्याएको जोडी कण्डमलाई परिमार्जित गर्दै थप सन्तुष्टि दिने गरी तयार गरिएको यो कण्डमको आइतबारदेखि पोखरामा बजारीकरण सुरु गरिएको हो । सभासद् कृष्णकुमारी परियारले हालै आयोजित एक औपचारिक कार्यक्रमकाबीच डटेट कण्डमको सार्वजनिक गर्दै बजारीकरण सुरु भएको घोषणा गर्नु भयो । वहाले कण्डमको प्रयोगले एचआईभी लगायत अन्य यौनजन्य संक्रमणबाट जोगिन र जन्मान्तर राख्न सकिने भएकाले कण्डमको उपयोगिताबारे गाउदेखि शहरसम्म जनचेतनामूलक कार्यक्रम सञ्चालन गर्न आग्रह

गर्नुभयो ।

कार्यक्रममा मेरी स्टोप्स् सेण्टर पोखराका इञ्चार्ज सरोजन्द्र न्यौपानेले बजारीकरण सुरु भएको जोडी गोल्ड प्रीमियम कण्डमप्रति प्रयोगकर्ताहरुको आकर्षण बढ्ने विश्वास गर्नुभयो । कार्यक्रममा नेपाल पत्रकार महासंघका केन्द्रीय सदस्य पुण्य पौडेल, जिल्ला जनस्वास्थ्य कार्यालय कास्कीका निमित्त प्रमुख पदमवन्धु पोखरेल लगायतका वक्ताहरुले कण्डमको सही सदुपयोग भएमात्र यौनजन्य संक्रमणबाट बच्न सकिने भएकाले त्यसतर्फ ध्यान दिन प्रयोगकर्ताहरुलाई आग्रह गर्नु भयो । जन्मान्तरका लागि महिलाहरुले खाने परिवार नियोजनको उच्चरीय तथा भरपर्दो खाने चक्की फेमनील मेरी स्टोप्स्को अर्को उत्पादन हो । फेमनील चक्की विगत वर्षहरुदेखि नै बजारमा आएको हो ।

डा. मेरी स्टोप्स्को नामबाट बेलायतबाट सुरु भएको मेरी स्टोप्स् सेण्टरका हालसम्म विश्वमा करिव ४३ वटा सेण्टर रहेका छन् भने नेपालमा विभिन्न जिल्लामा यसका ६१ वटा सेण्टरहरु स्थापना भइसकेका छन् । सबै सेण्टरबाट सुरक्षित गर्भपतन सेवा, परिवार नियोजनाका स्थायी वन्ध्याकरण सेवा तथा अस्थायी परिवार नियोजन सेवा, किशोर किशोरीहरुका लागि यौन तथा प्रजनन् स्वास्थ्यका बारेमा स्वच्छिक परामर्श सेवा प्रदान गर्दै आएको छ ।

-Rajbahadur Gurung in Pokhara