सुर्खेत- मध्यपश्चिम तथा सुदुरपश्चिम लगायतका तराईका क्षेत्रमा औलो रोग उच्च जोखिम रहेको तथ्याङ्क सार्वजनिक गरेको छ ।

बिश्व औलो दिवसको अवसरमा 'औलो रोग हटाउन दिन गन्ती सुरु गरौ' भन्ने मुल नाराका साथ क्षेत्रिय स्वास्थ्य निर्देशनालय सुर्खेत, क्षेत्रिय स्वास्थ्य निर्देशनालय कैलाली र इपिडिमियोलोजी तथा रोग नियन्त्रण महाशाखा टेकुले छुट्टाछुट्टै स्थानमा शनिबार आयोजना गरेको पत्रकार अन्तरक्रियामा यस्तो तथ्याङ्क सार्वजनिक गरीएको हो ।

मध्यपश्चिम क्षेत्रका विभिन्न स्थानमा गरि २ सय ३६ जना र  सुदुरपश्चिममा ५ सय ४२ जना औलोको बिरामी भएको तथ्याङ्क सार्वजनिक भएको छ।

कार्यक्रममा निर्देशनालयका औलो रोग सम्बन्धि फोकल परसन श्याम आचार्यले औलो रोगका बिभित पक्षबारे प्रकाश पार्नु भएको छ ।
उहाले औलो रोगबाट बच्न सकिने उपाय, यसका लक्षण लगाएतका बिषयमा सबैमा चेतना पुग्नु पर्ने बाताउदै यसका लागी बिभिन्न संचार माध्यम र संघसंस्थाले सहयोग गर्नु पर्नेमा जोड दिनु भयो ।

मध्यपश्चिम क्षेत्रका सुर्खेत बाके, बर्दिया र दाङ जिल्ला यो रोगबाट उच्च जोखिममा रहेको बताउदै आचार्यले यी ठाउमा सरकाले बिषेश योजना ल्याउन लागेको जानकारी दिनु भयो ।

यस्तै, कार्यक्रममा निर्देशनालयका क्षेत्रिय निर्देशक खेमराज उपाध्याय, जिल्ला स्वास्थ्य कार्यालय सुर्खेतका निमित्त प्रमुख गंगाप्रसाद घिमिरे लगाएतले औलो रोगले मानिसको ज्यान लिन सक्ने भएकाले यसबाट सबै बच्नु पर्नेमा जोड दिनु भयो ।

यसै गरि, धनगढीको कैलालीमा गरेको एक अन्तरक्रियामा सुदुरपश्चिममा ५ सय ४२ जना औलो रोगी भएको तथ्याङ्क सार्वजनिक गरेको हो ।

विश्व औलो दिवसको अवसरमा जिल्ला जनस्वास्थ्य कार्यलयले शनिबार धनगढीमा गरेको अन्तरक्रियामा यस्तो जानकारी दिइएको हो ।

कैलाली जनस्वास्थ्य प्रमुख हरिशचन्द्र शाहले सन् २००९ मा कैलालीमा ५ सय ४२ जनामा औलो रोग देखिएको, यो संख्या ४ वटा विकास क्षेत्रकोभन्दा बढी भएको बताउनु भयो ।

उहाँले मध्यपचिमका बाँके, बर्दिया तथा सुदुर पश्चिमका कैलाली, डडेल्धुरा र  कंचनपुरसहित देशभरका १४ जिल्ला औलाको जोखिममा रहेको जानकारी दिनुभयो ।

औलो भित्रिनुको मुख्य कारण खुला सिमा, बसाइ सराइ, सबै स्वास्थ्य केन्द्रमा औलो नियन्त्रण कार्यक्रम ल्याउन कठिन लगायतका कारण कैलालीमा औलोका बिरामी बढ्दै गएको उहाँको भनाइ छ ।

औलो प्रभावित ११ गाउँ विकास समितिमा यसपाली १ लाख सुपानेट झुल बितरण गरिने जनस्वास्थ्य प्रमुख शाहले बताउनु भयो ।

-Geban Mijhar in Surkhet

Comments

Name *
Email (For verification & Replies)
URL
Code   

Submit Comment