काठमाडौं- नेपाल र भारतका सांसदहरु सम्मिलित युवा सांसद मन्च गठन हुने भएको छ ।

दुई देशका सांसदहरुबीच अनुभव आदान प्रदान तथा युवा सांसद मन्च गठनकालागि नेपालका युवा सांसदहरु विहीबार भारततर्फ लागेका छन् । पछिल्लो समयमा भारतसँग सम्बन्ध बिग्रेपनि भारत भ्रमणको टोलीमा एकिकृत माओवादीका दुई जना सभासदहरुसमेत सहभागी भएका छन् ।

भारत जान लागेको टोलीमा एमाओवादीका दुई सभासदहरु हरि श्रीपाली र पुरन राना थारु, नेपाली कांग्रेसका नबिन्द्रराज जोशी, सीता गुरुङ्ग, गगन थापा र महेन्द्र यादव, एमालेका नारदमुनि रानाथारु, नेकपा (संयुक्त) का सुनिलबाबु पन्त, राप्रपा नेपालकी कुन्ती शाही, मधेशी जनअधिकार फोरमका राजकिशोर यादव र फोरम (लोकतान्त्रिक) का प्रमोद गुप्ता छन् ।

भारतीय दूतावासले विज्ञप्ती जारी गरी जनाएअनुसार, युवा सांसद अनुभव आदान प्रदान तथा युवा सांसद मन्च गठनकालागि उनीहरु भारतको भ्रमणमा गएका हुन् । यो टोलीले भारतीय लोकसभाका सभामुख, अर्थमन्त्री बिपक्षी दलका नेता, विदेश सचिवलगायतको टोलीसँग भेटघाट र छलफल गर्नेछ । उनीहरुका साथमा भारतीय संसदका युवा सदस्यहरु हुनेछन् ।

-Sitaram Baral in Kathmandu

Comments

Name *
Email (For verification & Replies)
URL
Code   

Submit Comment