पाल्पा- २०६५ सालको एसएलसी परिक्षामा विशिष्ट श्रेणी र प्रथम श्रेणीमा उत्तीर्ण ६० जना विद्याथीहरुलाई एक कार्यक्रमको आयोजना गरि सम्मान गरिएको छ ।

 

 

 

पाल्पा जिल्लाका निजी तथा सरकारी विद्यालयहरुबाट: सागर सारुमगर, विथ्या थापामगर, विजय बुढा मगर, अमर रानामगर र दिपेश थापामगर गरि ५ जना विशिष्ट र अरु प्रथम श्रेणीमा उत्तिर्ण भएकाहरुलाई सम्मान गरेको नेपाल मगर विद्यार्थी संघ पाल्पाका अध्यक्ष कुल थापा मगरले जानकारी दिनुभयो । सम्मानित विद्यार्थीहरुलाई प्रमाण पत्र र तक्कमा दिएर सम्मान गरिएको थियो ।

कार्यक्रममा बोल्दै प्रमुख अतिथि एवं नेपाल मगर विद्याथी संघका केन्द्रिय कोषाध्यक्ष रिखीराम रानामगरले सम्मान सम्मानका लागि मात्रै नभएर योग्यता र परिश्रमको कदर एवं आफु जन्मेको समाज र राष्ट्र विकासको लागि पनि यसले काम गर्न सक्नु पर्ने बताउनुभयो । उहाँले भन्नुभयो -'लाहुरे र विदेश जाने प्रथाले हाम्रो मगर एंव आदिवासी जनजातिहरुले अरुको देशलाई मात्रै होईन आफनो समाज र राष्ट्र निर्माण लागि पनि लाग्नु पर्ने हुन्छ जुन यो सम्मान कार्यक्रममा प्रदान गरेको प्रमाण पत्र र तक्माले सदैव झक-झकाई रहने छ ।'

 

 

 

त्यसगरि संघका प्रमुख सल्लाहकार टोप अस्लामीले मगर लगायत आदिवासी जनजातिहरुको गुमेको हक अधिकार प्राप्तिका लागि यि सृजनसील व्यक्तिहरुले आफु को हो भन्ने पहिचान गर्न सकेमा र त्यही अनुरुप एउटै झण्डामा आउन सके यस मुलुकमा हाम्रो पुर्खाले गर्दै आएको आन्दोलनले सार्थकता पाउन सक्ने बताउनुभयो । 'हाम्रो योग्य र दक्ष जनशक्तिले राजनैतिक, सामाजिक, सांस्कृतिक, आर्थिक र शैक्षिक लगायतका कुराहरुलाई बुझेर त्यसलाई समात्न सकेमा मात्र छिटो सकारात्म परिवर्तन आउन सक्छ' सल्लाहकार अस्लामीले थप्नुभयो ।

नेपाल मगर विद्यार्थी संघ पाल्पाका अध्यक्ष कुल थापा मगरको अध्यक्षता सचिव दशरथ अस्लामी मगरको सचालनमा भएको उक्त कार्यक्रममा नेपाल मगर संघका कन्द्रिय सदस्य लालु राना मगर, नेपाल आदिवासी जनजाति महासंघ पाल्पाका अध्यक्ष गम बहादुर थापा मगर, नेपाल मगर संघ पाल्पाका अध्यक्ष बल बहादुर राना मगर, नेपाल मगर महिला संघ पाल्पाका अध्यक्ष विष्णु थापा मगर, नेपाल मगर विद्यार्थी संघ त्रिभुव बहुमुखि क्यापस पाल्पाका संस्थापक अध्यक्ष ओम घर्ती मगर, नेपाल आदिवासी जनजाति विद्यार्थी महासंघ पाल्पाका अध्यक्ष राजकुमार आलेमगर, नेपाल मगर विद्यार्थी संघ लुम्विनी अंचल सचिव सन्तोष थापा मगर, आदिवासी जनजाति पत्रकार संघ पाल्पाका सचिव हरि बहादुर सारु मगर, अभिभावक पुष्पा थापा मगर, त्रिभुवन बहुमुखि क्याम्पस पाल्पाका स्ववियू सभापति हरिबोल भट्टराई लगायतले सम्मानित विद्यार्थीहरुलाई बधाई तथा शुभकामना दिएका थिए ।

-Haribahadur Saru Magar in Palpa