आदिवासी जनजातिहरुको सरकारले पुन: सुचिकरण गर्ने

Written by Khagendra Makhim

Monday, 20 April 2009 10:44

काठमाण्डौं, नेपाल सरकारले यसअघि पहिचान गरेको ५९ आदिवासी जनजाति सुचिमा सबैलाई नसमेटिएको माग आएपछि सरकारले पुन: सुचिकरण गर्ने काम आईतबारदेखि सुरु भएको छ।

असी भन्दा धेरै जातिहरुले सुचिकृत गर्न माग गरेपछि गठित आदिवासी जनजाति सूचि परिमार्जन उच्चस्तरीय कार्यदलले आईतबारदेखि सुचिकरणको काम सुरु गरेको हो ।

स्थानीय विकास मन्त्रालयमा आईतबार बिहान बसेको कार्यदलको पहिलो बैठकले सुचिकरणका लागि आवेदन दिन सार्वजनिक आहृवान गर्ने निर्णय गर्दै काम थालेको छ ।

कार्यदलका अध्यक्ष डा. ओम गुरुङ्का अनुसार सुचिकरणका लागि जातिको नाम संकलन गर्ने काम पहिलो चरणमा हुनेछ । त्यसपछि दोस्रो चरणमा वैज्ञानिक आधार तय गरेर संकलित जातिहरुको क्षेत्रगत अध्ययन गरिने छ ।

तेस्रो चरणमा विभिन्न आदिवासी जनजाति संघसंस्थासंग छलफल गर्ने कार्यक्रम रहेको गुरुङ्ले बताउनुभयो । त्यसपछि आवश्यक छलफल तथा संवाद मार्फत सुचिकरण तय गरिने उहाले जानकारी दिनुभयो ।

नेपाल सरकारले यसअघि ५९ आदिवासी जनजातिलाई सुचिकृत गरिसकेको छ । तर त्यस्मा नसमेटिएको भन्दै केहि आदिवासी जनजाति समुदायले सुचिकरणको माग गर्दै आएका थिए ।

-Khagendra Makhim in Kathmandu

Comments

< Prev		Next >

Inside

Comments

Most Popular News Links: Top 100

Member Login

Members Data

You Vote!