काठमाडौं- वर्षौंदेखि माटोका भाँडा बनाउँदै आएका भक्तपुरका कुमाल समुदायले माटोको भाँडा बनाउने प्रविधिमा परिवर्तन गरेका छन् ।

गोलो काठको चक्कालाई बल प्रयोग गरी लट्ठीले घुमाउँदै माटोको भाँडा बनाउने ९५ प्रतिशत कुमालेले यो प्रविधि छोडी विद्युत्को स्वीच अन गर्ने बित्तिकै फनन घुम्ने आधुनिक प्रविधिको विद्युतीय चक्रको प्रयोग गरी भाँडा बनाउन थालेका छन् ।

भक्तपुर नगरपालिका र थिमी नगरपालिकामा रहेका करिब दुई सय परिवार कुमालेले काठ र टायरको चक्र चलाउँदा निकै मेहनत पर्ने तर विद्युतीय चक्रले काममा सजिलो भएको राष्ट्रिय प्रजापति समाजका अध्यक्ष गणेशराम प्रजापतिले बताए ।

यसको प्रयोगले सानो ठाउँमा कम मेहनतमै धेरै काम गर्न सकिने र कम समयमा धेरै भाँडा बनाउन सकिने भएपछि अधिकांश कुमाले यसतर्फ आकर्षित भएका हुन् । माटोको फिल्टर, दही जमाउने कतारो, कप र गमलाको माग उच्च रहेको छ । तर विद्युत्को अभावका कारण व्यवसाय सचालनमा समस्या आएको उनीहरुले बताएका छन् ।

अर्को तिर प्लास्टीकका भाँडाले पनि माटोबाट बनेका भाँडालाई विस्थापित गर्न थालेको छ जसका कारण यस परम्परागत पेशामा असर पारेको छ ।

-Santa Bagam in Kathmandu

Comments

Name *
Email (For verification & Replies)
URL
Code   

Submit Comment