काठमाडौं- नेवाः स्वायत्त राज्य मंकाः सङ्घर्ष समितिले मङ्सिर १७ र १८ गते राष्ट्रिय राजनीतिक सम्मेलन गर्न लागेको छ ।

समितिद्वारा मंसिर १५ गते राजधानीमा आयोजित पत्रकार सम्मेलनमा देशभर छरिएर रहेका नेवारहरु एकै स्थानमा भेला भएर एकै ठाउँमा बस्न सकिने आधार तयार पार्नकालागि राष्ट्रिय राजनीतिक सम्मेलन गर्न लागेको बताइएको छ ।

नेवार समुदाय विभिन्न पार्टी विभाजित हुँदा आफ्नै समुदायकालागि केहि गर्न नसक्ने भएपछि एकजुट हुन लागेको आयोजकले जनाएको छ । नेवाः राज्यभित्रका नेवारहरु मात्र नभइ अन्य भागहरुमा पनि उनीहरु बस्दै आएकाले सङ्घीय राज्यभित्र सम्पूर्ण नेवारहरुको हक अधिकार संरक्षण गर्न नयाँ संविधानमा राखिने आफ्ना सामूहिक एजेन्डाहरु भेलाले चयन गर्ने भएको छ । समितिका अध्यक्ष नरेन्द्रभक्त हाडाले नेवारहरु आफ्नो हक अधिकारकालागि एकजुट भएर संविधानमा आफ्ना एजेण्डाहरु तय गर्न गरिने उल्लेख गरे ।

आयोजककाअनुसार सम्मेलनमा ५० जिल्लाका ५०० जना प्रतिनिधिको सहभागिता रहनेछ । बालकुमारी, भक्तपुर ठिमीमा हुन लागेको सम्मेलनले खासगरी राजनीतिक अधिकार सम्बोधन गर्ने समितिका अध्यक्ष हाडाले पत्रकार सम्मेलनमा जानकारी दिए ।

-Santa Bagam in Kathmandu

Comments

Name *
Email (For verification & Replies)
URL
Code   

Submit Comment