न्यू योर्ककि साहित्यकार गीता खत्री महासचिब उम्मेद्वार
Exclusive: न्यू योर्क- अन्तरराष्ट्रिय नेपाली साहित्य समाज (INLS) को सन् २०१०-१२ कोलागि आगामी जुन २८ देखी जुलाई १० बिच हुन लागेको केन्द्रिय समितीको निर्वाचनमा समाजको न्यू योर्क च्याप्टरकि पूर्व अध्यक्ष गीता खत्री महासचिब पदको उम्मेद्वार बन्नु भएको छ भने उनका प्रतिद्वन्दीको रुपमा कतारका दिपक भेट्वाल र ब्रुनाइका विश्व दिप तिगेला लिम्बुले आ-आफ्नो उम्मेद्बारी दिनुभएको छ।

समाजको १९ औं साधारण सभा तथा भानु जयन्तीको अबसर पारेर नयाँ कार्य समितीको निर्वाचन हुन लागेको हो।  समाजको आगामी चुनावमा झन्डै २०० जना सदस्यहरुले मतदान गर्नेछन्। मतदानमा भाग लिन समाजको आजीवन सदस्यता शुल्क अमेरिकि डलर १०० या ट्रस्टी शुल्क अमेरिकि डलर १००० सदस्यता शुल्क तिर्नु पर्दछ।

निर्वाचन प्रकृया समय तालिका

उम्मेद्बारीकालागि अन्तिम मनोनयन दर्ता गर्ने मिती जुन ५ रहेको थियो भने उम्मेद्वारहरुले जुन १० तारिखसम्म दाबी बिरोध र उम्मेद्बारी फिर्ता लिन सक्नेछन्। जुन १२ तारिख उम्मेद्वारहरुको अन्तिम नामावली प्रकासित गर्ने तय गरेको छ। जुन २५ सम्म समाजको सदस्यता लिएर मतदाता बन्न सकिने ब्यबस्था गरिएको छ। मतदाताहरुको अन्तिम नामावली प्रकाशन जुन २८ तारिख गरिनेछ भने जुन २८ बाट नै निर्वाचन शुरु गरी जुलाई १० तारिखसम्म जारी रहने छ। जुलाई ११ मा निर्वाचनको परिणाम सार्वजनिक गरिने समाजले जनाएको छ।

को को ? कुन कुन पदमा भिड्ने भए?

समाजको यसपालीको निर्वाचनमा बिशेष गरी दुई समुह अमेरिकाको कोलोराडो राज्यका साहित्यकार ज्ञानेन्द्र गदाल समुह र न्यू योर्ककि साहित्यकार कमला प्रसाइ समुह बिच टक्कर पर्ने देखिएको छ।

अध्यक्षको उम्मेद्बारी दिएका साहित्यकार ज्ञानेन्द्र गदालको समुहबाट बरिस्ठ उपाध्यक्ष पदमा बर्तमान महासचिब बेल्जियमका कृष्ण बजगाइले उम्मेद्बारी दिनु भएको छ। महासचिबमा समाजको न्यू योर्क च्याप्टरकि पूर्व अध्यक्ष तथा गीतकार, कबयित्री गीता खत्री चुनाबी मैदानमा खडा हुनु भएको छ।

अध्यक्ष पदका उम्मेदवार कोलोराडोका गदालका प्रतिद्वन्दी न्यू योर्ककि कमला प्रसाइ र रसियाका डा. मधु श्रेष्ठ खडा हुनु भएको छ।

INLS Presidential candidates: Gyanendra Gadal (Colorado, USA), Kamala Prasai (New York, USA) & Dr. Madhu Shrestha (Mosco, Russia). Photos courtesy: Gadal & Prasai & Dr. Shrestha's facebook profiles

त्यस्तै, बरिस्ठ उपाध्यक्ष पदका उम्मेद्वार बेल्जियमका बजगाइका बिरुद्ध प्रसाइ समुहका अमेरिकाको नर्थ क्यारोलिना राज्यका साहित्यकार नगेन्द्र न्यौपानेले उम्मेद्बारी दिनुभएको छ ।

Senior VP candidates: Krishna Bajagai (Belgium) & Nagendra Neupane (USA). Photos courtesy: SahityaGhar.com

महासचिब पदमा खत्रीसंग प्रसाइ समुहका कतारका साहित्यकार दिपक भेट्वाल र ब्रुनाइका विश्वासदीप तिगेला लिम्बुले प्रतिस्पर्धा गर्दै हुनुहुन्छ।

Candidates for INLS General Secretary: Gita Khatri (New York, USA), Deepak Bhetwal (Doha, Qatar) & Bishwasdeep Tigela Limbu (Brunei). Photos courtesy: Gita & Bhetwal & SahityaGhar.com

न्यू योर्ककि साहित्यकार गीता खत्री समाजको न्यू योर्क च्याप्टरको सन् २००५ देखी २००९ सम्म अध्यक्ष हुनुहुन्थ्यो भने सन् २००८ मा समाजको केन्द्रिय समितीद्वारा निरन्तर रुपमा बिभिन्न साहित्यिक कार्यक्रमहरु सम्पन्न गरेर साहित्यिक योगदान पुर्याएबापत "Best INLS President Award" पाउनु भएको थियो।

Best President then and now Becoming Best General Secretary? Gita Khatri. Photo: eEyeCam.com for USNepalOnline

"श्रीजनाका यात्रामा गीता" नामक कविता र गिती पुस्तक र "स्विक्रिती" संगित एल्बमकि लेखिका खत्री युएस नेपाल अनलाइनको आजीवन सदस्य पनि हुन्।

गदालको समुहका तर्फबाट उम्मेद्बारी दिने अन्य साहित्यकारहरुमा क्षेत्रीय उपाध्यक्ष युरोप पदमा बेलायत कि जयन्ती राइ, क्षेत्रीय उपाध्यक्ष ओसियाना र अफ्रिकाको पदमा साउथ अफ्रिका कि साहित्यकार रन्जना उदास हुनुहुन्छ। उहाँहरुसंग प्रतिस्पर्धा गर्नेमा क्रमश: बेल्जियमका बिमल गिरी र अस्ट्रलियाका दिपक बिष्ट हुनुहुन्छ।

यस अघी उम्मेद्बारी दिने अन्तिम मिती जुन ५ तारिख अन्य उम्मेद्बारी नपरेपछि निर्बिरोध निर्बाचित हुने साहित्यकारहरुमा क्षेत्रीय उपाध्यक्ष एसिया पदमा जापान कि पुनम छेत्री, क्षेत्रीय उपाध्यक्ष नर्थ अमेरिका पदमा न्यू जर्सी, अमेरिकाका अनन्त रिसाल, सचिब पदमा इज्राएलका हरी मानन्धर र कोशाध्यक्ष पदमा म्यान्मारका क्रिशु छेत्री हुनुहुन्छ।

समाजको निर्वाचनमा एउटै परिवारका दुई जना निर्बिरोध निर्बाचित !

कस्तो संयोग ! क्षेत्रीय उपाध्यक्ष एसिया पदमा निर्बिरोध निर्बाचित हुन सफल जापान कि साहित्यकार पुनम छेत्रीका श्रीमान समाजका पूर्व केन्द्रिय अध्यक्ष तथा हाल नेपाली दूताबास जापानमा मिनिस्टर कन्सुलर साहित्यकार दुबसु छेत्री हुनुहुन्छ। यिनै साहित्यकार कन्सुलरका साख्खै भाई क्रिशु छेत्री जो नेपाली दूताबास म्यान्मार (बर्मा) मा त्रितिय सचिब छन्, समाजको कोशाध्यक्ष पदमा निर्बिरोध निर्बाचित भएका छन्।

समाजको स्थापना

Founding President Homnath Subedi and current President Dr. Kumar Basnet. Photos courtesy: eEyeCam.com & NepalJapan.com

सन् १९९१ को जनवरी ११ मा अमेरिकाको वासिङ्गटन डिसीमा स्थापना भएको समाजको संस्थापक अध्यक्ष अमेरिका निवासी साहित्यकार होमनाथ सुबेदी हुन् भने बर्तमान अध्यक्ष जापानका लेखक डा. कुमार बस्नेत हुन्।

२६ देशमा ६० शाखाहरु

समाजको विश्व भरका २६ देशमा ६० शाखाहरु रहेको छ । समाजको अमेरिकामा २६ वटा शाखाहरु छन् भने भारतमा ४ वटा, अस्ट्रालिया र क्यानाडामा २/२ वटा शाखाहरु छन्।

यस बाहेक एउटा मात्र राष्ट्रिय समिती रहेका राष्ट्रहरुमा बङ्गलादेश, भुटान, चिन, हङ्कङ, नेपाल, जापान, मलेसिया, पाकिस्तान, कतार, साउदी अरबिया, युएइ, अस्ट्रालिया, न्यूजिल्यान्ड, साउथ अफ्रिका, बेल्जियम, जर्मनी, नेदर्ल्यान्ड, पोर्चुगल, रसिया, स्कट्ल्यान्ड, युके र इज्राएल छन्।

-Pradeep Thapa Magar in New York. Comments? 917-570-1098. Or   This e-mail address is being protected from spambots. You need JavaScript enabled to view it This e-mail address is being protected from spambots. You need JavaScript enabled to view it

Find us at: http://www.facebook.com/usnepalonline

http://twitter.com/pradeepthapa

निर्वाचन अप्डेटकोलागि हाम्रो साहित्य सेक्सन हेर्दैजानुहोला:

http://www.usnepalonline.com/literature/

Read our exclusive reporting on:

संघीयता | राजतन्त्र? | महिला | NRN | दलित | न्यू योर्क नेपाली+USA | प्रबास | आदिवासी | साहित्य

Not enough of reading us? Visit our multi-media channels:

Comments

Name *
Email (For verification & Replies)
URL
Code   

Submit Comment