Muna Belbase: कविता: मेरी जननी जन्म भुमि

Written by Muna Belbase

Friday, 08 January 2010 21:05

वारी पारी मात्र होइन, म भित्र बस्न सक्ने
व्याख्या नगर्दै कसैले, मलाई बुझ्न सक्ने
अद्रिश्य रहेर पनि, अभिन्न हुन सक्ने
जस्तै परे पनि, मेरो घनिस्ट हुन सक्ने
पुकार नगर्दै मेरो, आवाज सुन्न सक्ने
स्पर्श बिनै मेरो, मुटु छुन सक्ने
भगवानभन्दा पुज्य मेरी जननी जन्म भुमि,
तिमीलाई मेरो प्रणाम
अनि तिम्रा नेत्रित्वकर्ता हाम्रा,
महामहिम राजदुतज्यूलाई मेरो सलाम
प्रभात आओस् अमृतको, सागर नै बनी
जीवनको अनमोल, सुगन्धलाई छानी
साँझ आओस् पुर्णिमाको, सितलतालाई बोकी
नरम स्पर्शी झील्-मील आँचल्, तिम्रैलागि होकी!
बर्षातका भेल तिम्रा, चिन्ता पखाल्न
पवनका बेग सधैं, प्रेरणा संगाल्न
नेपालमा तिम्रा पाइला, अझै छंदै छन्
सुबसिला फूल बनि, बाटो हेर्दा छन्
गर्व गरोस् हिमालले, आफ्नो उचाइ बढाइ
प्रगतिमा नेपाल आमा, आशिर्वादै खनाइ
हामी पनि हृदयदेखि, स्वागत गर्छौं तिम्रो
गरिमामय परिचय बन, यसै गरि हाम्रो ।

-मुना बेलबासे

-Muna Belbase in New York

Poet Muna Belbase. Photo: eEyeCam.com

Copyrights and acknowledgements: All literary works published in this site are copyrighted material of respective publisher and author/poet. If you wish to reuse or republish any of the material from this site please read our copyright policy and terms of service/use for details.