कथाकार देवकुमारी थापाप्रति अनेसासद्वारा समबेदना ब्यक्त

Written by INLS

Tuesday, 10 May 2011 02:25

कोलोराडो- नेपाली भाषा-साहित्यकी अथक साधक बरिष्ट कथाकार देवकुमारी थापाको ८४ वर्षको उमेरमा यहि मई ५, २०११ का दिन निधन भएको समाचारले हामी सबैलाई स्तब्ध पारेको छ ।

स्व. थापाको निधनबाट नेपाली साहित्य जगतले एउटा सशक्त एवं विद्वान महिला साहित्यकार गुमाएको छ । यसबाट नेपाली साहित्यको क्षेत्रमा पर्न गएको अपुरणीय क्षतिको गम्भीर महशुस गर्दै अन्तराष्ट्रिय नेपाली साहित्य समाज, केन्द्रिय कार्यसमिति एवं सम्पूर्ण अनेसास परिवार यस घटनाप्रति गहिरो शोक प्रकट गर्दछ । यस दुखद घडीमा शोक-सन्तप्त सबैप्रति धैर्य-धारण गर्ने शक्ति प्राप्त होस् भन्दै स्व. थापाको आत्माको चिर-शान्तिको कामनासमेत गर्दछौं ।

सन् १९२७ मा भारतको खारसंगमा जन्मिएर नेपाललाई कर्मथलो बनाएकी साहित्यकार थापाले पुर्वान्चलबाट बिराटनगर साहित्य संस्थानको अगुवाई गर्दै समग्र नेपाली साहित्यलाई नै हराभरा पार्ने शुभ-काम गर्नुभएको थियो । वहाँका धेरै लोकप्रिय कथा संग्रह, निबन्ध र बाल साहित्य आदि नेपाली साहित्य जगतमा उर्बर छन् ।

ज्ञानेन्द्र गदाल
अध्यक्ष, अनेसास केन्द्रिय कार्यसमिति
एवं सम्पूर्ण अनेसास परिवार

Read our exclusive reporting on: