काठमाडौं- काठमाडौंबाट जनकपुरतर्फ जाँदै गरेको जीप मकवानपुरको भीमफेदी गाविस जुरीखेतमा शुक्रबार अपरान्ह दुर्घटना हुँदा तराई-मधेस लोकतान्त्रिक पार्टीका केन्द्रीय कोषाध्यक्षसहित ४ जनाको मृत्यु भएको छ ।

जिल्ला प्रहरी कार्यालय मकवानपुरका अनुसार तमलोपाका केन्द्रीय कोषाध्यक्ष श्रीकृष्ण यादवसहित महोत्तरीका अरुणकुमार यादव, जनकपुरका परमेश्वर शाह र महोत्तरीका भोला यादवको मृत्यु भएको हो । उनीहरु सबै तमलोपा कार्यकर्ता हुन् ।

पार्टी कामको शिलशिलामा काठमाडौंबाट जनकपुर हिँडेका तमलोपा कार्यकर्ता चढेको बा २ प १२६९ नम्बरको निशान गाडी अपरान्ह बाटोबाट झण्डै पाँचसय मिटर तल खसेर दुर्घटना भएको हो ।

लामो समय इन्जिनियरिङ्ग पेशामा संलग्न श्रीकृष्ण यादव सम्बिधान सभा निर्वाचनमा बर्तमान राष्टपति रामबरण यादबसँग झिनो मतले पराजित भएका थिए । यादव राष्ट्रपतिमा निर्वाचित भएपछि सो क्षेत्रमा भएको उपनिर्वाचनमापनि उनी पार्टीको तर्फबाट प्रतिस्पर्धी थिए ।

राष्ट्रपति यादवसँग उनी जम्मा ४ सय मतान्तरले पराजित भएका थिए भने उपनिर्वाचनमा एमाले उम्मेदवार रघुबीर महासेठबाट करिव ३ सय मतान्तरले पराजित भएका थिए । उपनिर्वाचनमा उनी पराजित हुनुमा एमाले उम्मेदवार महासेठले गरेको धाँधलीलाई मानिएको छ ।

यसैगरी, पूर्वपश्चिम राजमार्ग अन्तर्गत अमलेखगाज-७ स्थित २ नम्बर पुल नजिकै आज ट्याङ्करको ठक्करबाट मोटरसाईकल चालकको मृत्यु भएको छ । हेटौँडाबाट वीरगाज गइरहेको ना २ ख १७९७ नम्बरको ट्याङ्करले वीरगाजबाट हेटौँडा आउँदै गरेको ना ५ प ४३३५ नम्वरको मोटरसाईकललाई ठक्कर दिँदा चालक पर्साको ठोरी गाविस- ८ गौतमनगरका पशुपति आचार्यको मृत्यु भएको हो ।

-Santa Bagam & Sitaram Baral in Kathmandu

Comments

Name *
Email (For verification & Replies)
URL
Code   

Submit Comment