सदभावना पार्टीका सभासद श्यामसुन्दर गुप्ताको सभासद पद खारेज

Written by Santa Bagam

Sunday, 17 April 2011 21:09

काठमाडौं- नेपाल सदभावना पार्टीका सभासद श्यामसुन्दर गुप्ताको सभासद पद खारेज भएको छ ।

संविधान सभा अध्यक्ष सुवासचन्द्र नेम्वाङ्गले वैशाख ४ गते बसेको संविधानसभा वैठकमा गुप्तालाई सभासदबाट हटाइएकाले उनको स्थान रिक्त रहेको सुनाएका हुन् ।

सर्वोच्च अदालतले गत माघमा गुप्तालाई पदमुक्त गर्नुपर्ने फैसला गरेको थियो । पूर्व मन्त्रीसमेत रहेका गुप्ता २६ जनाको मनोनीत कोटाबाट सभासद बनेका हुन् । संविधान सभा निर्वाचनमा प्रत्यक्षतर्फबाट पराजित गुप्ता पूर्व प्रधानमन्त्री स्व. गिरिजाप्रसाद कोइरालासँगको आत्मीय सम्बन्धकै कारण मनोनित भएका थिए । संविधान सभामा रहेका सभासद मध्ये गुप्ता, एमाले वरिष्ठ नेता माधवकुमार नेपाल र तमलोपा अध्यक्ष महन्थ ठाकुर मात्रै यस्ता सभासद हुन् जसले प्रत्यक्ष निर्वाचनमा पराजय भएर पनि सभासद बन्ने मौका पाएका थिए ।

Shyamsundar Gupata. Photo file: Santa

विवादै विवादका विच सदभावना पार्टीले भने खुशीलाल मण्डललाई सभासद बनाउन सिफारिस गरेको थियो । नितान्त सत्ता र शक्तिकैलागि टुक्रा टुक्रा बनेको सदभावनाको अहिले सरिता गिरी र मोतिलाल दुगध सभासद छन् । संविधान सभा निर्वाचनमा भने दुबै सभासदको भूमिका शुन्य थियो । निर्वाचिन आयोगमा गुप्ता पक्षले समानुपातिकको सुचि पठाएका कारणले गिरी निर्वाचनमा निश्क्रीय थिइन् ।

मधेशवादी नेता स्व. गजेन्द्रनारायण सिँहले संघीयता र मधेशी समुदायको पहिचानसहितको अधिकारकालागि स्थापित सदभावना पार्टी नेताहरुको स्वार्थकालागि दर्जनौं पटक टुक्रा टुक्रा परेको छ ।

-Santa Bagam in Kathmandu

Read our exclusive reporting on: