मधेसी लोकतान्त्रिक संघ (एमाले) को प्रथम राष्ट्रिय सम्मेलन सम्पन्न

Written by Sitaram Baral

Saturday, 30 April 2011 13:25

काठमाडौँ- सिँचाईमन्त्री रघुबीर महासेठ सत्तारुढ नेकपा (एमाले) को जातीय संगठन मधेसी लोकतान्त्रिक संघको अध्यक्षमा निर्वाचित भएका छन् ।

उनको गृह जिल्ला धनुषाको जनकपुरमा सम्पन्न संघको पहिलो राष्ट्रिय सम्मेलनले महासेठलाई अध्यक्षमा निर्वाचित गरेको हो । उनी संघको संस्थापक संयोजक हुन् ।

संघको उपाध्यक्षमा बंशीधर मिश्र, रामप्रित पासवान र फर्मुद अन्सारी निर्वाचित भएका छन् भने महासचिवमा गोपाल ठाकुर चुनिएका छन् । सचिवमा युगनारायण पाठक, रामचन्द्र प्यासी र रामदयाल मण्डल छानिएका छन् ।

८५ सदस्यीय संघको केन्द्रीय समितिमा सम्मेलनले जम्मा ५६ जनालाई छनौट गरेको छ । बाँकी सदस्यहरु मनोनयन प्रकृयाबाट छनौट गरिने जानकारी नवनिर्वाचित अध्यक्ष महासेठले दिएका छन् ।

-Sitaram Baral in Kathmandu

Read our exclusive reporting on: