Inside

All Time Top 50 News

नारायणहिटी दरवार संग्रहालयको प्रधानमन्त्री खनालद्वारा अवलोकन PDF Print E-mail
Share
User Rating: / 0
PoorBest 
Written by Sitaram Baral   
Thursday, 25 August 2011 13:11

'यो किन भत्काइएको रहेछ ?'- प्रधानमन्त्री झलनाथ खनाल
Special: 3 photos:
काठमाडौ- आफू पदमा छँदा छानविन चैँ नगर्ने पदबाट हटेपछि वा हट्ने भएपछि चाहिँ दरवार हत्याकाण्डको छानविन गर्नुपर्थ्यो भन्नेमा प्रधानमन्त्री झलनाथ खनालले पनि आफ्नो नाम दर्ज गरेका छन् ।

Shah Royal Throne at the museum. Photos: Sitaram

यसअघिका प्रधानमन्त्रीहरु पुष्पकमल दाहाल (प्रचण्ड) र माधब नेपाललेपनि पदमा छँदा दरवार हत्याकाण्डको छानविन गरिनुपर्ने बताएका थिए । तर उनीहरु आफू प्रम हुँदा यसतर्फ कुनै कदम चालेनन् ।

काम चलाउ भैसकेका प्रधानमन्त्री खनाल विहीबार नारायणहिटी दरवार संग्रहालयको अवलोकनकालागि गएका थिए । 'नारायणहिटी संहारको उक्त घटना लाई अत्यन्तै दर्दनाक र रहस्यपूर्ण छ' दरवार हत्याकाण्डको छानविनबारे सोधिएको प्रश्नमा उनले भने- 'मेरो कार्यकालमा छानबिन गर्ने विचार थियो, तर अब समय बाँकी रहेन यसको गम्भीरतापूर्वक अध्ययन र छानबिन गरिनु आवश्यक छ ।'

गणतन्त्र स्थापनापछिका पहिला प्रम प्रचण्ड र दोश्रा प्रम माधब नेपालले पनि दरवार हत्याकाण्डको छानविन गरिनुपर्ने बताएका थिए । २०६५ फागुन १५ गते प्रमका हैसियतले दरवार संग्रहालयको शुभारम्भ गर्दे प्रचण्डले भनेका थिए- 'नेपालमा सबैभन्दा ठूलो दण्डहीनताको सुरुवात यहीँबाट भएको थियो । संघीय गणतन्त्रको पहिलो निर्वाचित प्रमको हैसियतले त्यो नरसंहारको पुन छानविन गर्ने इच्छा र पहलकदमी लिने प्रतिबद्धता व्यक्त गर्दछु ।'


Prime Minister Jhalanath Khanal inspecting Narayanhiti Royal Museum. Photos: Sitaram

त्यसपछिका प्रम माधब नेपालले २०६६ साउन ७ गते नारायणहिटी दरवार संग्रहालयको अवलोकन गरेका थिए । त्यसक्रममा उनलेपनि दरवार हत्याकाण्डको छानविन गरिने बताएका थिए । तर न त प्रचण्डको कार्यकालमा दरवार हत्याकाण्डबारे छानविन समिति गठन भयो,न त माधब नेपालको पालामा नै । खनालले त आफूले छानविन गर्न चाहेको तर आफ्नो कार्यकाल सकिएर अव यो काम आफूबाट हुन नसक्ने संकेत नै गरे । सर्वसाधारणमा चाहिँ दरवार हत्याकाण्डबारेको जिज्ञाशा अझै मेटिएको छैन ।

आजको अवलोकनका क्रममा प्रम खनालले दरवारभित्र रहेका विभिन्न कक्षको अवलोकन गरेका थिए । उनले २०४७ सालको अन्तरिम सरकारमा आफैले कृषि मन्त्रीको सपथ लिएको कास्की बैठकबाट अवलोकन प्रारम्भ गरेका थिए । त्यसपछि उनी त्यहाँ रहेका म्याग्दी, पर्वत, रुकुम, दैलेख, बैतडी, अछाम, बाजुरा, जुम्ला, हुम्ला, डोल्पा, गोरखा, मुगु, धनकुटा, गुल्मी, धादिङ, लमजुङ, धनुषा र सर्लाही बैठक कक्षहरुमा पुगेका थिए । संग्रहालयमा राजसिँहासन रहेको स्थानप्रति विशेष अभिरुचि राखेका थिए ।

अवलोकनकै क्रममा प्रधानमन्त्री खनालले संग्रहालयमा रहेको आगन्तुक पुस्तिकामा आफ्नो धारणा लेख्दै  संग्रहालयमा रहेका सामाग्रीहरुको सुरक्षामामा प्राथमिकता दिनुपर्ने बताएका छन् । 'यो दरबार नेपाल र नेपालीको अत्यन्त महत्वपूर्ण धरोहर हो, राष्ट्रिय सांस्कृतिक सम्पदा हो उनले पुस्तिकामा लेखेका छन्' यसको संरक्षण-सम्बद्र्धन गर्न हामीले उच्च महत्व र प्राथमिकता दिनु जरुरी छ, यो हाम्रो लागि चुनौति हो ।'

PM Jhalanath Khanal signing on Visitor's Book at Narayanhiti Royal Museum in Kathmandu. Photos: Sitaram

०५८ जेठ १९ को नारायणहिटी-संहार भएको तर ०६२ सालमा भत्काइएको त्रिभुवन सदन अवस्थित क्षेत्रको पनि उनले निरीक्षण गरेका थिए । हत्याकाण्डस्थल पुगेपछि उनको प्रश्न थियो- 'यो किन भत्काइएको रहेछ ?' त्यस क्रममा उहाँले राजा वीरेन्द्र रक्ताम्य भई ढलेको त्रिभुवन सदनको विलियर्ड हल, अधिराजकुमार निराजनको शव भेटिएको शालिक छे,उ युवराज दीपेन्द्रको भत्काइएको एकतल्ले निवास र दीपेन्द्रको शव भेटिएको सानो पोखरी रहेको क्षेत्र, रानी ऐश्वर्यको शव भेटिएको स्थान आदिको भ्रमण गरे ।

प्रधानमन्त्री खनालले संग्रहालयको ऐतिहासिक पक्षको जीवन्तरुपमा संरक्षण पुनरनिर्माण र व्यवस्थापन गर्न तथा कार्यरत जनशक्तिको दक्षता अभिबृद्धि एवं तालिम र वृत्तिविकासमा पनि उचित ध्यान पुर् याउन जरुरी रहेको आवश्यकता औँल्याएका थिए । 'यस दरबारबाट नेपालको इतिहासको महत्वपूर्ण कालखण्ड संचालित रह्यो, विभिन्न तन्त्र र राजनीतिक परिपाटीहरु बदलिनु स्वभाविक हो' उनले भने- 'तर यस्ता महत्वपूर्ण सम्पदाहरुको संरक्षण र सम्बद्र्धनको सम्पूर्ण काम राष्ट्रले नै गर्नुपर्दछ ।'

-Sitaram Baral in Kathmandu

Read our exclusive reporting on:

संघीयता | राजतन्त्र? | महिला | NRN | दलित समस्या | न्यू योर्क नेपाली | प्रबास | India

Not enough of reading us? Visit our multi-media channels:

 

Be the first to know

Member Login





OUR COMMITMENT

USNepalOnline.Com is a New York-based popular community news portal dedicated to the Nepalese community in New York and around the world. We bring news and views from Nepal and from the Nepalese Diaspora. We are committed to providing a wide array of international features relating to Nepalese politics, people, lives, culture and so on. Our dedicated editors, representatives, and contributors in New York, Nepal and from elsewhere work to bring Nepal and the Nepalese into the cyber-world as it happens. We operate as a primary news source that touches the lives of the Nepalese community in ways that matter most to our readers. Our mission is to provide quality news and educational resources about Nepalese culture and its people within and beyond the Nepalese-American community.