राजावादीहरुद्वारा राजधानीमा शंखघोश: 'शान्ति र प्रजातन्त्रकालागि नयाँ चुनाव'

Nepal's Royal Family & Its Politics

Late King Birendra Bir Bikram Shah with his family members: Queen Aishwarya Rajya Laxmi Devi Shah, Crown Prince Dipendra, Princes Shruti and Prince Nirajan.

राजावादीहरुद्वारा राजधानीमा शंखघोश: 'शान्ति र प्रजातन्त्रकालागि नयाँ चुनाव'

Written by Sitaram Baral

Friday, 29 April 2011 12:36

काठमाडौँ- इतिहासमै पहिलो पटक राजावादीहरुले राजधानीको शहीद खुल्ला मन्चमा सभा गरेका छन् ।

RPP rally in Kathmandu. Photos: Sitaram

गणतन्त्रलाई अस्वीकार गर्दै राजतन्त्र र हिन्दू अधिराज्यको माग गरेको कमल थापा नेतृत्वको राप्रपा नेपालले शहीद मन्चमा पहिलो पटक सभाको आयोजना गरेको हो ।

बहुदलीय व्यवस्थाको पुनस्र्थापनापछि पुराना पन्चहरुले राष्ट्रिय प्रजातन्त्र पार्टीको स्थापना गरेपनि शहीद मन्चमा आफ्नोतर्फबाट यसरी सभा चाहिँ गर्न सकेका थिएनन् ।

जानकारीअनुसार, यसअघि पुराना पन्च नेताहरु नेपाली कांग्रेस, एमालेलगायतका दलहरुले शहीद मन्चमा आयोजना गर्ने सभाहरुमा अतिथिको रुपमा जाने गरेका थिए । 'तर आफ्नै बलबुतामा चाहिँ कार्यक्रम आयोजना गरिएको थिएन' राप्रपा नेपालका युवा नेता मोहन श्रेष्ठले भने- 'आफ्नै आयोजनामा शहीद मन्चमा कार्यक्रम भएको यो नै पहिलो पटक हो ।' 'शान्ति र प्रजातन्त्रकालागि नयाँ चुनाव' भन्ने नारासहित आन्दोलनमा उत्रेको आन्दोलनको कार्यक्रम अन्तर्गत सभा आयोजना गरेको हो ।

करिव पाँच हजारको उपस्थिति रहेको सभाकालागि राप्रपा नेपालले विभिन्न जिल्लाबाट सर्वसाधारणलाई राजधानी ल्याएको थियो । खासगरी तराईको जिल्लाबाट समर्थक जनतालाई ल्याइएको थियो । शहीद मन्चमा पहिलो पटक सभाको आयोजना गरिएकाले होला नेता र कार्यकर्ताहरु निकै उत्साहित देखिन्थे । सभालाई पार्टी अध्यक्ष कमल थापाले सम्बोधन गर्दै तोकिएको समयमा सम्बिधान बनाउन नसक्ने सम्बिधान सभा खारेज गर्नुपर्ने माग गरेका थिए ।

-Sitaram Baral in Kathmandu