छोरी सुजाताको पितृभोजका कारण स्व. कोइरालाको सार्वजनिक बृहद श्रद्धान्जली सभा दुई दिन पछि सर्यो

छोरी सुजाताको पितृभोजका कारण स्व. कोइरालाको सार्वजनिक बृहद श्रद्धान्जली सभा दुई दिन पछि सर्यो

Written by Sitaram Baral

Tuesday, 23 March 2010 16:22

काठमाडौं- नेपाली राजनीतिका शिखर पुरुष गिरिजाप्रसाद कोइरालाको निधनमा नेपालीमा कांग्रेसले आगामी १९ गते गर्ने भनेको बृहद श्रद्धान्जली सभा दुई दिनकालागि पर सारेको छ । कोइराला पुत्री सुजाता कोइरालाले यो कार्यक्रम सार्न अनुरोध गरेपछि मंगलबार बसेको कांग्रेस पदाधिकारी बैठकले यो निर्णय गरेको हो ।

कोइरालाको अन्त्येष्ठीपछि बसेको पदाधिकारी बैठकले १३ दिनको पुन्यतिथिमा राजधानीको शहीद मन्चमा श्रद्धान्जली सभा राख्ने निर्णय गरेको थियो । त्यो श्रद्धान्जली सभालाई अहिलेसम्मकै ठूलो सभा बनाउने निर्णयपनि बैठकले गरेको थियो । तर स्व. कोइरालाकी छोरी सुजाताले सोही दिन पिताको स्मृतिमा पितृभोज गर्ने भन्दै स्थगन गर्न अनुरोध गरेकी थिइन् ।

पशुपति क्षेत्रको मृगस्थली क्षेत्रमा सुजाताले पिताको स्मृतिमा पितृभोज कार्यक्रम आयोजना गर्दैछिन् । सो पितृभोज कार्यक्रमपनि निकै बृहद हुने बताइएको छ । व्यक्तिगत तवरमा गरिने सो कार्यक्रममार्फत सुजाताले कांग्रेसभित्र आफ्नो पकड बलियो पार्न खोजेको श्रोतको दावी छ । सुजाताको अनुरोधपछि कांग्रेसले कोइरालाको श्रद्धान्जली सभा २१ गतेलाई सारेको छ ।

काठमाडौं, भक्तपुर र ललितपुर जिल्ला समितिका तर्फबाट राजधानीमा गरिने श्रद्धान्जली सभा दुई दिन सारिएपनि जिल्ला जिल्लामा गरिने भनिएको १९ गतेको श्रद्धान्जली सभाहरु भने यथावत राखिएका छन् । सबै जिल्लामा हुने श्रद्धान्जली सभामा कोइरालाको अस्तु नदीहरुमा विसर्जन गरिने कार्यक्रम छ । कोइरालाको अस्तु खरानी कांग्रेस केन्द्रीय कार्यालयले प्रत्येक जिल्ला समितिलाई बाँड्न सुरु गरिसकेको छ ।

-Sitaram Baral in Kathmandu

Read our related news:

-बिभिन्न क्षेत्रका नेपालीहरु स्वर्गिय कोइरालाबारे के सोच्छन्?

-न्यू योर्क र वासिङ्गटनस डिसीमा स्वर्गिय कोइरालालाई यसरी सम्झियो

-'उहाँ नेपालकै अभिभावक हुनुहुन्थ्यो, उहाँको निधनबाट हामीले दक्षिण एसियाकै उच्च नेता गुमाएका छौं'- भारतीय जनता पार्टीका पूर्व अध्यक्ष राजनाथ सिँह

-ॠषि धमलाको रिपोर्टर्स क्लबद्वारा 'लोकनायक गिरिजाप्रसाद कोइराला पत्रकारिता पुरस्कार' को स्थापना

-३ दिने राष्ट्रिय शोकमा देश र जनता अझै शोक मग्न

-संविधान सभा बैठकद्वारा पूर्वप्रधानमन्त्री गिरिजाप्रसाद कोइरालाको निधनप्रति शोक प्रस्ताव पारित

-शिखर पुरुष गिरिजाप्रसाद कोइरालाको अन्तेस्टी यसरी भयो

-शान्ति प्रकृयाका महानायक स्वर्गीय गिरिजाप्रसाद कोइरालाप्रति हजारौं नेपालीहरुद्वारा श्रद्धान्जली अर्पण

-Pay tribute to late Girija Prasad Koirala, former Prime Minister of Nepal

-"राष्ट्रपिता" नेताको खोजी, कस्ले ओगट्ला गिरिजा बाबुको स्थान?

-नेपाली राजनीतिका शीर्ष पुरुष गिरिजाप्रसाद कोइरालाप्रति समबेदनाको ओइरो