जातीय नाराले देशमा बिखण्डन निम्तने नेकां सभापति गिरिजाप्रसाद कोइरालाको चेतावनी

जातीय नाराले देशमा बिखण्डन निम्तने नेकां सभापति गिरिजाप्रसाद कोइरालाको चेतावनी

Written by Anand Gurung

Monday, 10 August 2009 06:20

काठमाडौं - नेपाली कांग्रेसका सभापति गिरिजाप्रसाद कोइरालाले प्रजातन्त्रमा संकट उत्पन्न भएको बताउनुभएको छ ।

ललितपुरमा प्रजातान्त्रिक प्रबद्र्धन केन्द्रको १७ औं बार्षिक साधारण सभामा कोइरालाले प्रजातन्त्रमा संकट उत्पन्न भएकाले यसको संरक्षण र सम्बद्र्धनमा सहयोग गर्न सबैलाई आग्रह गर्नुभयो । कोइरालाले नेपालको स्थिति निकै तरल अवस्थामा रहेको पनि बताउनुभयो ।

कोइरालाले अहिलेको अवस्था आफूलाई बिचित्र लागेको टिप्पणी पनि गर्नुभयो । संविधानको मस्यौदा तयार भइरहेको बताउंदै कोइरालाले प्रजातान्त्रिक संविधान बनाउनुपर्ने बताउनु भयो । प्रजातान्त्रिक संविधानका लागि माओवादी अध्यक्ष प्रचण्डसंग पनि कुराकानी गरेको कोइरालाले खुलासा गर्नुभयो । कांग्रेस सभापति कोइरालाले जातियताका आधारमा संघीयतामा जान नहुने बताउनुभयो । जातिय आधारमा संघियतामा गए राजनीतिक दलहरुको अस्तित्व पनि समाप्त हुने कोइरालाको तर्क छ । कोइरालाले जातिय नाराले देशमा बिखण्डन निम्तने चेतावनी पनि दिनुभयो ।

यसैगरी कांग्रेसका कार्यबाहक सभापति शुशील कोइरालाले प्रजातान्त्रिक मुल्य मान्यतामा कांग्रेस अडिग रहेको बताउनुभयो ।

-Anand Gurung in Kathmandu

Read our related news at: