'जातीय स्वशासन, स्वायत्तता र आत्मनिर्णयको अधिकार, संघीय लोकतान्त्रिक गणतन्त्र नेपाल निर्माणको मूल आधार'

'जातीय स्वशासन, स्वायत्तता र आत्मनिर्णयको अधिकार, संघीय लोकतान्त्रिक गणतन्त्र नेपाल निर्माणको मूल आधार'

Written by Smita Magar

Sunday, 09 August 2009 13:05

आदिवासी दिवसमा जनप्रदर्शनी सुरु

काठमाडौं- आदिवासी जनजातिले संविधानमा आफ्नो अधिकार सुनिश्चित गर्न आइतवार मुलुकभर जनप्रदर्शनीको सुरु गरेका छन्।

विश्व आदिवासी दिवसको अवसरमा उनीहरुले 'जातीय स्वशासन, स्वायत्तता र आत्मनिर्णयको अधिकार, संघीय लोकतान्त्रिक गणतन्त्र नेपाल निर्माणको मूल आधार' को मूल नाराका साथ राजधानीका विभिन्न ठाउँबाट जन प्रदर्सनीको तयारी गरेका हुन् ।

यसपटकको विश्व आदिवसी दिवसमा आन्दोलनकै हिस्साको रुपमा दिवस मनाउन लागिएकाले जनप्रदर्शनको तयारी भएको नेपाल आदिवासी जनजाती महासंघका अध्यक्ष पासाङ शेर्पाले बताए ।

आदिवासीहरुले नयाँ संविधानमा जातीय स्वशासनसहितको स्वायत्तता र आत्मनिर्णयको अधिकार आवश्यक रहेको बताउँदै आएका छन् । 'हामीले यस वर्ष नाचगान र रमाइलोभन्दा पनि संघर्षको एउटा रुपमा दिवस मनाउने निर्णय गर्यौं' शेर्पाले थपे ।

जनप्रदर्शनका लागि नेपाल आदिवासी जनजाति महासंघ, विभिन्न राजनीतिक दलसँग सम्बद्ध जनजातिको संगठन, महिला, विद्यार्थी तथा विभिन्न जातीय संस्थाले तयारी गरेका छन् । त्यसमा माओवादी, कांग्रेस, एमाले, नेकपा एकीकृतलगायतका पार्टी सम्बद्ध जनजाति संगठन छन् ।

आयोजक समितिका अनुसार जनप्रदर्शन काठमाडौं, झापाको विर्तामोड, सुनसरीको इटहरी, उदयपुरको गाइघाट, सर्लाहीको लालबन्दी, चितवनको नारायणगढ, रुपन्देहीको बुटवल, तनहुँको

दमौली, बाग्लुङ बाँकेको नेपालगन्ज र कैलालीको धनगढीमा बिहान दश बजेदेखि सुरु भैसकेको छ ।

-Smita Magar in Kathmandu

Read our related news at: