काठमाडौं- गृह राज्यमन्त्री मोहम्मद रिजवान अन्सारीले आफ्नो पदबाट राजिनामा दिएका छन् ।
अन्सारीले फागुन २६ गते राजिनामा दिएपछि सरकारमा एमालेबाट प्रधानमन्त्रीसहित कोही पनि निर्वाचित मन्त्री छैन । प्रधानमन्त्री माधवकुमार नेपालले अन्सारीको राजिनामा स्विकृतसमेत गरीसकेका छन् ।

शान्ति सुरक्षा बहाल हुन नसकेको भन्दै गृह राज्यमन्त्री अन्सारीले पदबाट राजीना दिएको जनाएका छन् । यद्यपि फागुन २५ गते प्रधानमन्त्री नेपालले नै अन्सारीको राजिनामा माग गरेपछि उनले राजिनामा दिएका हुन् । उनी सर्लाही क्षेत्र नम्बर २ बाट निर्वाचित सभासद हुन् ।

संचार उद्यमी जमिम शाह र अरुण िसंघानियाको हत्यापछि अन्सारीले सार्वजनिक रुपमै गृहमन्त्री भिम रावललाई पनि नैतिकताको आधारमा पद त्याग गर्न सुझाव दिँदै आएका थिए । वास्तवमा गृह मन्त्री रावलले अन्सारीलाई कुनै पनि अधिकार नदिएपछि उनले राजिनामा दिने चर्चा यसअघि नै चलेको थियो ।

-Santa Bagam in Kathmandu

Comments

Name *
Email (For verification & Replies)
URL
Code   

Submit Comment