काठमाडौं- नेपाली काङ्ग्रेसका नेताहरुले १२ औं महाधिवेशनले पार्टीलाई एकताबद्ध गर्ने बताएका छन् ।

महाधिवेशन प्रचार-प्रसार समितिद्वारा पार्टी केन्द्रीय कार्यालय सानेपामा भदौ २३ गते आयोजित पत्रकार भेटघाटमा कार्यबाहक सभापति तथा सभापतिका उम्मेदवार सुशील कोइरालाले चूनौतीपूर्ण राजनीतिक अवस्थामा हुन लागेको महाधिवेशन रणनीतिक महत्वको भएको बताएका छन् ।

सभापतिका अर्का उम्मेदवार काँग्रेस वरिष्ठ नेता शेरबहादुर देउवाले महाधिवेशनलाई सहयोग गर्न सन्चारकमी लगायत सबैलाई आग्रह गरेका छन् । पूर्वप्रधानमन्त्रीसमेत रहेका देउवा र कोइराला दुबैले चुनावी अभियानलाई तीव्र पारेका छन् ।

नेपाली काङ्ग्रेसको १२ औं महाधिवेशन आउँदो असोज १ देखि ५ गतेसम्म काठमाडौंमा हुँदैछ । महाधिवशेनमा सहभागी हुन देशभरबाट प्रतिनिधिहरु राजधानीमा आउने क्रम जारी छ । यसपालीको महाधिवशेनमा ३ हजार ८८ जना महाधिवेशन प्रतिनिधि सहभागी हुने प्रचार-प्रसार समितिका संयोजक कृष्णप्रसाद सिटौलाले जानकारी दिए ।

यसैवीच, कार्यक्रममा उपसभापति तथा संसदीय दलका नेता रामचन्द्र पौडेलले प्रधानमन्त्री निर्बाचनमा आफूलाई हारेको भनेर प्रचार गरिएकोमा सन्चार माध्यमहरुप्रति असन्तुष्टि जाहेर गरे । हार्नलाई एउटाले जित्नुपर्ने भन्दै उनले दुवै उम्मेदवारले स्पष्ट बहुमत नल्याएको अबस्थामा हारेको भनेर चित्रित गर्न नमिल्ने बताए ।

-Santa Bagam in Kathmandu

Comments

Name *
Email (For verification & Replies)
URL
Code   

Submit Comment