Inside

All Time Top 50 News

डाँडाकाँडा कुरुप पार्ने टेलिफोन टावरहरुलाई नियन्त्रण गर्ने प्रयास PDF Print E-mail
Share
User Rating: / 0
PoorBest 
Written by Sitaram Baral   
Monday, 28 September 2009 00:13
काठमाडौं- शहरका घर घरमा जहाँ हेर्यो त्यहीं अग्ला टावरमात्र । कुनै टावर एफएम रेडियो स्टेशनका त कुनै टावर टेलिफोन सेवा प्रदायक कम्पनीका । अब त शहरमामात्र होइन गाउँ गाउँका डाँडाकाँडामासमेत यस्ता टावरहरु बग्रेल्ती देखिन थालिसके ।

करिव आधा दर्जन टेलिफोन सेवा प्रदायक कम्पनीहरुको स्थापनाहरु र ग्राहकहरुलाई सेवा दिन उनीहरुबीच चलेको तीब्र प्रतिस्पर्धाका कारण शहर र गाउँका डाँडाहरुको सुन्दरतालाई नै कुरुप पार्ने गरी यसरी टावरहरु स्थापना गर्ने क्रम बढिरहेका बेला टावरहरुको संख्यालाई नियन्त्रण गर्ने प्रयास सुरु भएको छ ।

जसअनुसार सबै टेलिफोन सेवा प्रदायक कम्पनीहरुले मिलेर संयुक्त रुपमा एक ठाउँमा एउटामात्र टेलिफोन टावर प्रयोग गर्नेछन् । सबैभन्दा ठूलो टेलिफोन सेवा प्रदायक कम्पनी नेपाल टेलिकमले यससम्बन्धी प्रस्ताव अन्य टेलिफोन प्रदायक कम्पनीहरुसँग राख्ने भएको छ । यस सम्बन्धी प्रस्तावबारे टेलिकमले आन्तरिक रुपमा छलफल गरिरहेको छ । टेलिकम श्रोतले बताए अनुसार, यस सम्बन्धी प्रस्ताव नेपाल टेलिकमको सन्चालक समितिमा राखिसकिएको छ ।  टेलिकमले खर्च कम गर्न यस्तो प्रस्ताव राख्ने भएको हो ।

जानकारी अनुसार, आगामी दुई बर्षभित्र करिव १५ सय वटा नयाँ टावर बनाउने योजनामा नेपाल टेलिकम छ । सबै टेलिफोन कम्पनीहरु मिलेर साझा टावर बनाउन सके खर्चपनि कम हुने र शहर एबं गाउँका डाँडाकाँडाको सुन्दरतासमेत नष्ट नहुने ठहर गर्दै टेलिकम संयुक्त रुपमा टेलिफोन टावर निर्माण गर्ने निष्कर्षमा पुगेको हो । शहरी क्षेत्रमा एउटा टावर निर्माण गर्नमात्र करिव ३० लाख रुपैयाँ लाग्छ । अझ दुर्गम स्थानमा टावर राख्नकालागि प्रति टावर १ करोड रुपैयाँसम्म लाग्छ । शहरी इलाकामा टावर राख्ने स्थानकालागि मासिक २० हजार जग्गाधनी वा घर धनीलाई दिनुपर्ने अवस्था छ ।

एउटै टावरलाई विभिन्न कम्पनीहरुले संयुक्त रुपमा प्रयोग गरेमा निर्माण खर्च कम हुनुका साथै हाल प्रयोगमा आएभन्दा स्तरीय टावरहरु निर्माण गर्न सक्नेछन् । एउटै टावरमा करिव ३ वटासम्म टेलिफोन प्रदायक कम्पनीका उपकरणहरु राख्न सकिने बताइन्छ । नेपाल टेलिकमका अलवा स्पाइस नेपाल युटिएल एसटिएम नेपाल स्याटेलाइट र स्पार्क नेपालले सेवा विस्तारकालागि थप टावर निर्माणगर्ने योजना बनाइरहेका बेला नेपाल टेलिकमको प्रस्तावले एकातिर खर्च कटौति हुने देखिन्छ भने अर्कातिर सुन्दरता सुरक्षित हुनुका साथै टावरबाट हुने सुरक्षा जोखिमपनि कम हुनेछ ।

-Sitaram Baral in Kathmandu

Comments

Please login to post comments or replies.
 

Be the first to know

Member Login





OUR COMMITMENT

USNepalOnline.Com is a New York-based popular community news portal dedicated to the Nepalese community in New York and around the world. We bring news and views from Nepal and from the Nepalese Diaspora. We are committed to providing a wide array of international features relating to Nepalese politics, people, lives, culture and so on. Our dedicated editors, representatives, and contributors in New York, Nepal and from elsewhere work to bring Nepal and the Nepalese into the cyber-world as it happens. We operate as a primary news source that touches the lives of the Nepalese community in ways that matter most to our readers. Our mission is to provide quality news and educational resources about Nepalese culture and its people within and beyond the Nepalese-American community.