एमाले मुटु माथी ढुंगा राखेर पनि हासी हासी अगाडी बढन तयार

Written by Haribahadur Saru Magar

Wednesday, 17 June 2009 00:47

पाल्पा- नेकपा एमालेका महासचिव ईश्वर पोखरेलले नागरिक सर्वोच्चतालाई माओवादीले अप व्याख्या गरेको बताउनु भएको छ।

UML Gen. Secretary Ishwar Pokhrel in Palpa. Photos: Hari

उहाले एकिकृत नेकपा माओवादीले सहमतिको कुशल यात्रा प्रदर्शन गर्न नसक्दा आफै सरकारबाट हट्नु परेको पनि बताउनु भयो।

पाल्पाको सदरमुकाम तानसेनमा नेकपा एमाले पाल्पाको छैठौ जिल्ला अधिवेशनमा उहाले सो कुरा व्यक्त गर्नु भएको हो। उद्घाटन सत्रमा बोल्दै महासचिव पोखरेलले नागरिक सर्वोच्चताको विगुल फुकेर सर्वसाधरण जनता माथी धम्कि, अपहरण, हत्या हिंसा अझ कायमै राखेकाले नयाँ संविधान निर्माण प्रक्रियामा बाधा पुग्ने बताउनु भयो। उहाँले विगतमा भएको सहमतिको कार्यन्वयन र अन्तरिम संविधान भित्र रहेर काम गर्नु नै नागरिक सर्वोच्चा भएको बताउदै नियम कानुन मिचेर शासन सत्ता चलाउन खोज्ने माओवादीले नै नागरिक सर्वोच्चतालाई नमानेको दावी समेत गर्नुभयो।

नेता पोखरेलले संविधान सभा निर्वाचनमा बढी सिट लाएकोले र जनआकांक्षा अनुरुप माओवादीलाई सरकार सञ्चालन गर्न दिदा पनि जनचाहना विपरित कामहरु भएका कारण नै आफै सरकारबाट हट्नु परेको पनि स्पष्ट पार्नुभयो। उहाले भन्नुभयो माओवादी अव राष्ट्रिय सहमति अनुसार चल्न जरुरी छ।

प्रधानसेनापतिको सम्वन्धमा एमालेले न्यायिक आयोग अथवा संसदीय समिती बनाएर छानविन गर्न सुझाव दिएको तर माओवादीले एकलौटी रुपमा गर्न खोजेको हुदा एमालेले समर्थन नजनाएको उहाले बताउनुभयो। संकटका बेला एमालेको काधमा जिम्मेवारी आउने बताउदै उहाले एमाले मुटु माथी ढुंगा राखेर पनि हासी हासी अगाडी बढन तयार रहेको भन्दै दक्षिणपन्थी यथास्थिती चिन्तन लिएका नेपाली काग्रेस र हिंसात्मक विद्रोही माओवादीलाई सहमति र सहकार्य अनुरुप साथै लिएर मुलुकको समग्र निकासको जिम्मेवरी पनि एमाले कै काधमा आएको बताउनुभयो। उहाले भन्नुभयो सहमतिको राष्ट्रिय राजनितिबाट एमाले विमुख हुन मिल्दैन।

UML representatives. Photos: Hari

महासचिव पोखरेलले जनआन्दोलन–२ को प्रमुख म्याडेड संविधान निर्माण, दिगो शान्ति र राज्य पुनर्संचनाको विषयमा एमाले गम्भिर रहेको समेत बताउनुभयो। एमालेको नेतृत्वको सरकारलाई विदेशीको ईशरामा चलेको बताउने माओवादी नेता प्रचन्डले आफु प्रधानमन्त्री हुदाँ हप्ताको पाँच सात पटक विदेशीको दैलोमा गई गुहार मागेको कुरा नभुल्न सवैलाई आग्रह समेत गर्नुभयो।

त्यसैगरि अर्का केन्द्रिय सदस्य तथा सभासद दल बहादुर रानामगरले पार्टी नेत्तृवमा गुटबन्दी भएमा जिल्ला र गाउ तहका कार्यकर्ताहरुले खवरदारी गर्नु पर्नेमा जोड दिनुभयो। त्यस्तै अर्का वैकल्पिक सदस्य तथा युवा नेता ठाकुर गैरेले पार्टीका नेता प्रधानमन्त्री र मन्त्री हुदैमा पार्टी बलियो नहुने भन्दै कार्यकर्तालाई संगठनात्मक रुपमा जनताको बहुदलिय जनवादको प्रशिक्षणबाट मात्र पार्टी बलियो हुने बताउनुभयो। कार्यक्रममा बोल्दै केन्द्रिय लेखा परिक्षण आयोगका सदस्य धनेन्द्रराज घिमिरेले मुलुकलाई निकास दिन राष्ट्रिय सहमतिमा जोड दिनु पर्ने बताउनुभयो।

नेकपा एमाले पाल्पाका जिल्ला सचिव राधाकृष्ण कँडेलको अध्यक्षतामा भएको उक्त कार्यक्रममा सभासदहरु नारायणी शर्मा, कुलप्रसाद नेपाल, छिमेकी जिल्लाहरु रुपन्देही, गुल्मी, अर्घाखाँची, कपिलबस्तुका जिल्ला सचिवहरु, राजनैतिक दलका पार्टी प्रमुख तथा प्रतिनिधिहरु, सरकारी तथा गैर सरकारीका प्रतिनिधिहरु लगायतले जिल्ला अधिवेशनको सफलताको शुभकामना दिएका थिए। नेकपा एमाले पाल्पाको छैठौं जिल्ला अबिधेसनले पूर्व सांसद यादवबहादुर रायमाझीलाई पार्टीको जिल्ला अध्यक्षमा निर्वाचित गरेको छ। यस्तै उपाध्यक्षमा नारायण आचार्य र सचिवमा देवी बस्याल निर्वाचित हुनु भएको छ।

-Haribahadur saru Magar in Palpa

Comments

< Prev		Next >

NEWS: बिबिसी नेपाली सेवा ::

Inside

Comments

Most Popular News Links: Top 100

Member Login

Members Data

You Vote!