न्यू योर्कमा नेपाली आदिबासी जनजातिहरुले मनाएर विश्व आदिबासी दिवस

Written by Prathaa Magar

Monday, 10 August 2009 05:59

15 photos न्यू योर्क- अमेरिकामा बसोबास गर्ने नेपालका बिभिन्न आदिबासी जनजातिहरुको साझा संगठन नेपाली आदिबासी जनजाति महासंघ अमेरिका (फिप्ना) को आयोजनामा न्यू योर्कको कुइन्स शहरस्थित थकाली किचन रेस्टुरेन्ट सभा कक्षमा १५ औं विश्व आदिबासी दिवस एक बिशेष समारोह बिच मनाइयो।

FIPNA President Karma G. Sherpa speaking at the 15th International Indigenous Peoples Day celebration program in New York. Photos: eEyeCam

समारोहमा बिभिन्न संस्थाका बक्ताहरुले आदिबासी दिवसको महत्वमाथि प्रकाश पार्दै नेपालमा आदिबासी जनजातिहरुको नयाँ संबिधानमा हक अधिकार सुनिस्चित गर्न अमेरिकाबाट सक्दो सहयोग पुर्‍याउनु पर्ने औचित्य उपर जोड दिए।

Aditya Maharjan, Board member, FIPNA and President of Newa Guthi New York, welcoming the guests at the program.

समारोहमा बक्ताहरुले आदिबासी जनजातिहरु बिच एकता र जागरणको आवश्यकतामाथि फिप्नाले बिशेष जोड दिनु पर्ने सुझाब दिए।

Pemba Yolmo, President of Yolmo Sociaty of America. Photos: eEyeCam

बक्ताहरुले यही सेप्टेम्बर २३-३० मा हुने संयुक्त राष्ट्र संघको ६४ औं साधारण सभामा भाग लिन आउनु हुने नेपालका प्रधानमन्त्री माधवकुमार नेपालको प्रमुख आतिथ्यमा महासंघले कार्यक्रम राखी नेपाली-अमेरिकी आदिबासी जनजातिहरुको मागहरुको बारेमा स्पस्ट जानकारी गराउदै महासंघ सम्बद्ध १३ संघ संगठनहरुबाट सुझाइने मागहरुको ज्ञानपन पत्र बुझाउनु पर्ने आवश्यकता औंल्याए। उता महासंघका अध्यक्ष कर्मा ग्याल्जेन शेर्पाले आफुले फिप्नाको तर्फबाट यस बिषयमा संरासंका लागि नेपाली स्थाई नियोग प्रतिनिधि तथा महामहिम राजदूत मधुरमण आचार्यलाई मौखिक अनुरोध गरी सकेको जानकारी गराए।

उहाँले यो पनि भने कि 'हामी महासंघमा १३ वटा संघ संस्थाहरु आबद्ध छौं। हाम्रो माग र आवाज भनेको नेपालको ३७ प्रतिसत आदिबासी जनजातिहरुको अमेरिकास्थित महासंघले प्रतिबिम्बित र प्रतिनिधित्व गरेको माग हो।'

Lawyer Suresh Chamling ar the program. Photos: eEyeCam

बक्ताहरु ह्योल्मो सोसाइटी अफ अमेरिकाका अधयक्ष पेम्बा ह्योल्मो, युनाइटेड शेर्पा किदुग युएस्एका महासचिब लाक्पा गेलु शेर्पा, युनाइटेड किरात राइ सोसाइटी अफ अमेरिकाका न्यू योर्क च्याप्टर का अध्यक्ष प्रभाकर राइ, किरात याक्थुङ चुम्लुङ नेपाल कि पूर्व केन्द्रिय सचिब इन्दिरा चोङ्बाङ, किरात याक्थुङ चुम्लुङ युएस्एस का पूर्व महासचिब दिपेश लिम्बु, किरात राइ सोसाइटी अफ अमेरिका न्यू योर्क च्याप्टर अध्यक्ष मणी बाङ्देल, बंशलाल तामाङ, मुनिन्द्र नेम्बाङ, वकिल सुरेस चाम्लिङ र प्रदिप थापामगरले आ-आफ्ना भनाइहरु राख्दै आदिबासी दिवसको अबसरमा शुभ-कामना ब्यक्त गर्नु भएको थियो।

MC and FIPNA Vice-President Binod Pomo Limbu.

फिप्नाका अध्यक्ष कर्मा ग्याल्जेन शेर्पाको सभापतित्वमा आयोजित समारोहमा नेवा गुठी न्यू योर्कका अध्यक्ष तथा फिप्नाका बोर्ड मेम्बर आदित्य महर्जनले स्वागत गर्नु भएको थियो। समारोहको सन्चालन फिप्नाका उपाध्यक्ष बिनोद पोमोले गर्नु भएको थियो।

-Prathaa Magar in New York. Comments? 917-570-1098. Or, This e-mail address is being protected from spambots. You need JavaScript enabled to view it