न्यू योर्क- अन्तर्राष्ट्रिय नेपाली साहित्य समाजको आयोजनामा आगामी अगस्ट १५ मा पहिलो अन्तर्राष्ट्रिय नेपाली साहित्य सम्मेलन हुने भएको छ।

 

1st Internatioal Nepali Literary Conference in New York. Photo courtesy: iLoveNY.com. Illustration: eEyeCam 

 

उक्त सम्मेलन न्यू योर्क शहरको चियान फेडेरेसन, अस्टोरियामा हुने छ।

अन्तर्राष्ट्रिय नेपाली साहित्य समाज केन्द्रिय समिती र समाजको न्यू योर्क च्याप्टरको संयुक्त आयोजनामा हुने उक्त सम्मेलन सफल पार्न साहित्यकर्मी र अनुरागीहरुको बिबिध समितीहरु निर्माण गरिएको समाजले जनाएको छ।

जस अनुसार, समाजकि केन्द्रीय उपाध्यक्ष भारती गौतमको संयोजकत्वमा मूल आयोजक समिति गठन गरेको छ। आयोजक समितिको सह संयोजकमा सुमन तिम्सिना, उप संयोजकमा ज्ञानेन्द्र गदाल र सचिवमा शिव प्रकाश रहनु भएको छ। आयोजक समितिमा समाजका केन्द्रीय अध्यक्ष डा. कुमार बस्नेत अर्थ संकलन समित संयोजक, समाजकी केन्द्रीय कोषाध्यक्ष  कमला प्रसाइ सह-संयोजकको संयोजकत्वमा आर्थिक व्यवस्थापन तथा संकलन गरिने छ। पुष्प शर्मा, मणि वाङ्देल, मीठू थापा, संजय थापा र सीता खरेल सदस्य रहेको उपसमिति निर्माण गरिएको छ।

 

परिता राजभण्डारीको संयोजकत्वमा बसोबास ब्यबस्थापन, मिलन शाहीको संयोजकत्वमा साँस्कृतिक, नर्मदा क्षेत्रीको संयोजकत्वमा खानपिन व्यवस्थापन हुने छ भने आगन्तुक रजिष्ट्रेशन व्यवस्थापन पुनम काफ्ले, उपहार तथा व्याज व्यवस्थापन विनोद रोका र राजेन्द्र श्रेष्ठले गर्नु हुने छ।

त्यसैगरी, मोहन सिटौला (कार्यपत्र मस्यौदा), होमनाथ सुवेदी (अतिथि आमन्त्रण तथा सत्कार), गीता खत्री (कार्यक्रम तयारी तथा व्यवस्थापन), निलम कार्की (प्रतियोगिता संचालन तथा निर्णयक), पुरुषोत्तम सुवेदी (प्रविधि तथा प्रचार व्यवस्थापन), प्रकाश पौडेल (प्रकाशन) समितिका संयोजक रहनु भएको छ भने प्रकाशन समितिका अन्य सदस्यहरुमा मणी वाङ्देल, सहदेव पौड्याल र प्रदीप थापा रहनु भएको छ।

 

सल्लाहकारमा डा. शिव गौतम, डा. श्याम कार्की, डा. तारा निरौला, डा. विजय शर्मा, डा. मधु माधर्य, रोहिणी शर्मा, दुवसु क्षेत्री, खगेन्द्र जीसी, सीता पाण्डे, गोविन्दसिंह राउत, ज्ञानेन्द्र गदाल, विनोद रोक्का, वसन्त श्रेष्ठ, गोविन्द गिरी प्रेरणालाई चयन गरिएको छ।

उक्त सम्मेलनमा नेपाली भाषा-साहित्यका वारेमा विभिन्न छलफल, कार्यपत्रहरुको प्रस्तुती गरिनुका साथै कविता, कथा, गजल, गीत आदि बाचन गरिने छ। कार्यक्रमको अन्त्यमा साँस्कृतिक कार्यक्रमको आयोजना गरिने छ।

अमेरिका लगायत नेपाल, भारत, क्यानाडा र युरोपका नेपाली साहित्यकारहरुको सहभागीता रहने समाजले जनाएको छ।

-Prathaa Magar in New York. Comments? 917-570-1098. Or, This e-mail address is being protected from spambots. You need JavaScript enabled to view it

 

-http://conference.inls.org

 

-न्यू योर्कमा श्रृजनाका यात्राहरुको ५ औं श्रृंखला, कथाकार मधुबन पौडेलको बिदाइ

-ग्रेटर डि.सी. मेट्रो क्षेत्रमा दोश्रो नेपाली कबिता महोत्सव सम्पन्न 

"हाम्रो भाषा हाम्रो साहित्य, सेवा र संरक्षण हाम्रो दायित्व !"

अन्तराष्ट्रिय नेपाली साहित्य समाज (अनेसास) बाट अमेरिकाको न्यूयोर्कमा पहिलोपटक अन्तराष्ट्रिय नेपाली साहित्य सम्मेलन आयोजना गर्न लागेका छौँ । आगामी अगष्ट १५ तारिकका दिन अस्टोरिया, सी.एन. फेडरेशनमा आयोजना हुने सो सम्मेलनमा सहभागी भै दिन सम्पूर्ण नेपाली भाषाभाषी तथा समुदायलाई हामी हार्दिक अनुरोध गर्दछौँ। नेपाली भाषा र साहित्यलाई सर्म्बर्धन गर्दै अन्तराष्ट्रिय जगतमा यसको पर्रवर्द्धन गर्ने उदेश्यले "हाम्रो भाषा हाम्रो साहित्य, सेवा र संरक्षण हाम्रो दायित्व भन्ने उद्घोषकासाथ आयोजना हुन लागेको सो सम्मेलनमा अमेरिका लगायत अन्य देशमा रहेका नेपाली साहित्यकारहरुको सहभागिता रहने छ।

 

नेपालबाट उल्लेख्य रुपमा नेपाली साहित्यकारहरुको उपस्थिति रहने छ। त्यसैगरी भारत तथा मूख्य रुपमा सिक्किममा रहेका नेपाली भाषी साहित्यकारहरुको सहभागिता हरने अनुमान गरिएको छ नेपाली डायस्पोरा साहित्य, विद्यूतीय संचार माध्यम र नेपाली भाषा साहित्यको विकास लगायत विषयमा छलफल तथा कार्यपत्र प्रस्तुत हुने यो सम्मेलनमा विषेश गीत, गजल तथा कविता गोष्ठी, सेमिनार र साँस्कृतिक कार्यक्रमको पनि आयोजना हुनेछ।

 

अमेरिका लगायत विभिन्न मूलुकमा गरी झण्डै ५८ च्याप्टरहरु रहेको यस सँस्थाले सम्मेलन सम्पन्न गर्नका लागि समाजका केन्द्रीय उपाध्यक्ष श्रीमती भारती गौतमको संयोजकत्वमा मूल आयोजक समिति गठन गरेको छ। आयोजक समितिको सह संयोजकमा सुमन तिम्सिना, उप संयोजकमा ज्ञानेन्द्र गदाल र सचिवमा शिव प्रकाश रहनु भएको छ। आयोजक समितिमा समाजका केन्द्रीय अध्यक्ष डा. कुमार बस्नेत तथा कमला प्रसाइ (अर्थ संकलन समित संयोजक तथा सह संयोजक), मोहन सिटौला (कार्यपत्र मस्यौदा), होमनाथ सुवेदी (अतिथि आमन्त्रण तथा सत्कार), गीता खत्री (कार्यत्रम तयारी तथा व्यवस्थपन), निलम कार्की (प्रतियोगिता संचालन तथा निर्णयक) पुरुषोत्तम सुवेदी (प्रविधि तथा प्रचार व्यवस्थापन), प्रकाश पौडेल (प्रकाशन) समितिका संयोजक रहनु भएको छ भने अन्य सदस्यमा प्रदीप थापा, मणी वाङ्देल र सहदेव पौड्याल हरनु भएको छ।

 

त्यसैगरी सल्लाहकारका रुपमा अमेरिका लगायत विभिन्न मुलुकमा रहेर नेपाली भाषा र साहित्य तथा समुदायमा सक्रिय रहेका व्यक्तिहरु डा. शिव गौतम, डा. श्याम कार्की, डा. तारा निरौला, डा. विजय शर्मा, डा. मधु माधर्य, रोहिणी शर्मा, दुवसु क्षेत्री, खगेन्द्र जीसी, सीता पाण्डे, गोविन्दसिंह राउत, ज्ञानेन्द्र गदाल, विनोद रोक्का, वसन्त श्रेष्ठ, गोविन्द गिरी प्रेरणालाई सम्मेलन आयोजक समितिले सल्लाहकारका रुपमा चयन गरेको छ। सन् १९९१ मा साहित्यकार होमनाथ सुवेदीको अध्यक्षतामा गठन भएको यस समाजले अन्तराष्ट्रिय जगतमा नेपाली भाषा साहित्यको विकास र विस्तारमा महत्वपूर्ण योगदान दिदैं आएको छ।

नेपाली भाषा र साहित्यका क्षेत्रमा अन्तराष्ट्रिय जगतमा सबैभन्दा ठूलो छाता संस्थाको रुपमा रहेको यो संगठनले पहिलो पटक नेपाल बाहिर नेपाली भाषा र साहित्यका बारेमा छलफल गर्ने उदेश्यले आयोजना गर्न लागेको यो नै सबैभन्दा बृहद् सम्मेलन हो।