न्यू योर्कमा नयाँ नेपाल बनाउन साङ्गितिक साँझको आयोजना

Written by Prathaa Magar

Saturday, 09 May 2009 16:35

न्यू योर्क- हिमालयन फाउण्डेसनले न्यू योर्कको अस्टोरियास्थित चियान फेडेरेसन भवनमा नेपालको गाउँमा बिद्यालय सहयोगार्थ साङ्गितिक साँझ सम्पन्न गरेको छ।

"...जे भने नि हुन्छ हजुर हामी नेपाली" -गायीका कुन्ती मोक्तान

"...फेरी पनि मेरो केही गुनासो छैन"- नायक भुवन केसी

नेपालका चर्चित गायिका कुन्ती मोक्तान, सुपर स्टार अभिनेता भुवन केसीको बिशेष प्रस्तुती रहेको उक्त साँझमा न्यू योर्क नेपाली समाजका बिभिन्न कलाकारहरुले रमाइलो साङ्गितिक कोशेली पस्किएका थिए।

Singer Kunti Moktan. Photos: eEyeCam

अन्य कलाकारहरुमा Sapana Shree, Dharambir Lama, Sanjog Lama, Pabita Bagchand, Basanti Rai, Sumi Paudel, Yashoda Khaling Rai, Gambo Sherpa, Sonam Lama, Norbu Sherpa, Wakasa Bantawa Rai, Jenny Yonjan-Tamang लगायतका थिए।

Actor Bhuwan KC. Photos: eEyeCam

न्यू योर्क कै चिर परीचित होस्ट सोनाम लामा र गायक राजेश थापा मगरको जोशिलो उद्घोषणबाट सन्चालित कार्यक्रमको प्रारम्भमा सिन्धुपाल्चोक जिल्लाको दुवाचल गाउँमा सन्चालित बाल सुन्दर हाइ स्कुललाई प्रदान गरिएको सहयोगबारे डकुमेन्ट्री प्रस्तुत गरिएको थियो।

यज्ञलाल श्रेष्ठ अध्यक्ष रहेको हिमालयन फाउन्डेसनका अन्य पदाधिकारी र सदस्यहरु निम्नअनुसार रहेको छ: 1st Vice President: Surya Gurung, 2nd VP: Dawa Sherpa, Treasurer: Tshing Yansung, Secretary: Rensen W. Sherpa, Asst. Secretary: Ang Kami Sherpa, Executive Members: Thing Ley, Prabin Moktan छन्‌ ।

Dharambir Lama and Basanti Rai. Photos: eEyeCam

अमेरिकामा सन्‌ २००२ देखी २००७ सम्म १५ वटा म्याराथन दौड प्रतियोगितामा भाग लिएर नेपाल र नेपालीलाई अमेरिकि खेलकुद जगतमा चिनाउन सफल म्याराथन धावक यज्ञलाल श्रेष्ठ अध्यक्ष रहेको हिमालयन फाउन्डेसन, न्यू योर्कले सिन्धुपाल्चोक जिल्लाको दुवाचल गाउँमा सन्चालित बाल सुन्दर हाइ स्कुललाई कम्प्युटर, माईक्रोस्कोप प्रदान गर्नुका साथै बिद्यालय मर्मतमा सहयोग र ६ अनाथ बिद्यार्थीलाई छात्रबृत्ती प्रदान गरिसकेको छ।

२४ पटक नेपाल पुगी सकेका फाउन्डेसनका प्याट्रोन डा. मिलर सन २००७ मा आँफै उक्त स्कुलमा पुगेर फाउन्डेसनको तर्फबाट ४ वटा कम्प्युटर हस्तान्तरण गरेका थिए। आजको साँझमा डा. मिलर उपस्थित थिए।