कृष्णकुमारी गुरुङको अझै (3:45 pm EST) अत्तोपत्तो लागेको छैन

Written by Pradeep Thapa magar

Saturday, 06 June 2009 14:40

Update: गत शुक्रबार बिहानदेखी न्यू योर्कको कुइन्स उडसाइस शहरदेखी हराएकी कृष्णकुमारी गुरुङको अझै (3:45 pm EST) अत्तोपत्तो लागेको छैन।

कान्छी छोरी बबिताकाअनुसार कृष्णकुमारीलाई अझैसम्म भेटिएको छैन। खोज्ने क्रमलाई तिब्र पारीएको छ। उनिहरु बस्ने क्षेत्र उड साइडको ६२ स्ट्रिट वरपर, ज्यक्सन ब्लुबर्ड, नर्थन ब्लुबर्ड एरियामा कृष्णकुमारीको फोटो टास्ने काम गरिएको छ।

पूर्ण विवरण पढ्न यो लिङ्कमा थिच्नुहोस्

"अधिकार" को निशुल्क अङ्ग्रेजी लेख पढ् गर्न सिकाउने अभियान

कृष्णकुमारी जस्तै अङ्ग्रेजीमा लेख पढ् र बोल्न नजान्ने नेपाली दिदी-बहिनीहरुलाई कुइन्स कै उड साइडको ३९-६ ६२ स्ट्रिटमा कार्यालय रहेको अधिकार सस्थाले बिगत एक बर्षदेखी अङ्ग्रेजी नन फर्मल शिक्षा पढाई निशुल्क सेवा प्रदान गर्दै आएको छ।

अधिकार कि कम्युनिटी ओर्गनाइजर नर्बदा छेत्रीकाअनुसार अहिलीसम्म झन्डै १०० जना नेपाली, तिब्बतियन र भुटानिज (नेपाली बोल्न जान्ने) महिलाहरु यो सेवाबाट लाभान्बित भएका छन्। अहिले ८ हप्ते शिक्षा र तालिम सिकाइन्छ। बुधवार र आइतबार ११ बजेदेखी १ र १ देखी ३ बजे कक्षा चालु छ।

नर्बदाले भनिन्- "हामीले पढ्न, लेख्न र बोल्न मात्रै होइन सर्ब प्रथम घरको फोन नं र ठेगाना रटाउने र ट्रेन स्टेसनमा गएर कसरी सववे टिकाट काट्ने भन्ने सिकाउँछौ। किन कि यो नै न्यू योर्कमा यात्रा गर्ने सुगम र सस्तो माध्यम हो। यो काम नेपालीहरुले आ-आफ्ना नब आगन्तुक आफन्तहरुलाई घर मै यि कुरा सिकाउने बानी बसाल्नु जरुरी छ ।

अप्टाउन र डाउन्टाउन थाहा नहुँदा माथितिर जानु पर्ने मान्छे तलतिर गएर अलपत्र परेको कयौ घटना पनि छन्, त्यसैले हामीले बेसिक अङ्ग्रेजी पढाईकासाथै पहिले न्यू योर्क बस्दा चाहिने 'बेसिक' जानकारी सिकाउँछौ।"

अधिकारमा अहिले सेन्ट्मेरिज स्कुल नेपाल कि पूर्व शिक्षिका भारती राइ, र निमु जोशीले भोलुन्टियर रुपमा पढाउँछन् भने अधिकार कि इन्टर्न्स स्वेच्छा पन्त र आपतमा अधिकारका अन्य सदस्यहरुले पनि पढाउँछन्।

उसो त नर्बदाले न्यू योर्कका बिशेषगरी नेपाली महिलाहरु बिच घटेका घटनाहरुको फेहरिस्त नै सुनाइन्। उनकाअनुसार गत बिहीवारमात्र एक जना नेपाली महिला कामबाट बिहान २ बजेतिर घर फर्किदै गर्दा अज्ञात ब्यक्तिले एक्कासी पछाडिबाट आइ कन्चटमा हिर्काएर ति महिलाको लेडिज ह्यान्ड ब्यग लिएर गएको थियो। उक्त लुटबाट ति महिलाले उनको ब्यागमा रहेको उनको पास्पोर्ट, ३ सय डलर नगद र अन्य कागजात लुटाउनु पर्‍यो।

अर्को घटनाअनुसार रिज्वूड कि एक महिला 'मर्निङ वाक' मा घर बाहिर जादा हराएपछि पुलिसले भेटाएर पछी ति अङ्ग्रेजी बोल्न नजान्ने नेपाली महिलाबाट 'नेपाल' भन्ने शब्दको आधारमा इन्टर्नेट सर्च गर्दा 'अधिकार' को वेब्साइटबाट फोन संपर्क गरेको र अन्तमा अधिकारले ति महिलासँग कुराकानी गरी रिज्वूडका नेपालीहरुसँग संपर्क गरी ति महिलाको छोरीसँग संपर्क गराउन सफल भएको नर्बदा बताउँछिन्।

एक अपुस्ट खबरअनुसार एक जना नेपाली महिलाको न्यू योर्कमा बलात्कारसमेत भएको थियो। न्यू योर्क नेपाली समाजमा कुनै पनि घटना घटे पछि प्रहरिमा खबर गर्न र मिडियामा आउन हिच्किचाउने कारण नयाँ र बेखबर नेपालीहरु यसरी पटक पटक सास्ती पाउनु पर्ने दु:खद स्थितीको अन्त्य नहुनु र ३० भन्दा बेशी नेपाली संघ सस्थाहरु न्यू योर्कमा कृयासिल हुँदा पनि समस्या ज्युका त्यु रहेको तथ्य तर्फ सबैले मनन गर्नु पर्ने देखिन्छ।

Please keep checking to get updated News about Krishnakumari Gurung.

-Pradeep Thapa Magar in New York. Comments? 917-570-1098. Or, This e-mail address is being protected from spambots. You need JavaScript enabled to view it

Read related news:

न्यू योर्कको कुइन्स शहरबाट हराइन् कृष्णकुमारी गुरुङ, खोजी जारी