Special: 26 photos: न्यू योर्क- अमेरिकामा बसोबास गर्ने मगर समुदायको साझा संगठन "मगर एसोसियसन युएसए इङ्क" (मगर संघ अमेरिका) को आयोजनामा न्यू योर्क शहरको उडसाइडस्थित सगरमाथा रेस्टुरेन्टमा मगरहरुको राष्ट्रिय पर्ब माघे संक्रान्ती धुमधामसंग मनाइएको छ।

Maghe Sankranti celebration in New York on January 16, 2011. Photo: eEyeCam.com

दुई बर्ष अघि नेपाल सरकारद्वारा मगरहरुको राष्ट्रिय पर्बको रुपमा घोषणा गरिएको माघे संक्रान्ती पर्ब नेपाल र विश्व भरका मगरहरु मात्र होइन अन्य नेपाली समुदायले पनि बिभिन्न रुपमा मनाउने प्रचलन छ।

Maghe Sankranti celebration in New York on January 16, 2011. Photo: eEyeCam.com

आइतबार न्यू योर्कमा मनाइएको उक्त पर्बमा मगर र अन्य कलाकारहरुले बिभिन्न सांगितिक कोशेली प्रस्तुत गरेर संक्रन्ती पर्बलाई अरु सार्थक बनाएका थिए भने निम्तालुहरुले सेल रोटी, तरुल, सखरखन्ड, मुलाको अचारको स्वाद चाख्न पाएका थिए।

युएस नेपाल अनलाइनले उक्त साँगितिक प्रस्तुतीको प्रतक्ष प्रसारण गरेको थियो, प्राबिधिक कारणबस उक्त लाइभ अर्काइभ राख्न सकिएन। असुबिधाकोलागि क्षमा प्रार्थी छौं।

कलाकारहरु जगदिश समाल मगर, सुमन बुढा मगर, राजेश थापा मगर, यशोदा खालिङ राइले आ-आफ्नो सुमधुर गीत प्रस्तुत गरेर पाहुनाहरुलाई नँचाएका थिए भने सुरेशा गुरुङ र रोहना चेजको संगित, माला राना मगरको न्रित्य रहेको थियो। त्यसैगरी, कुन्ती थापा र रुपा थापाद्वारा कविता पाठ गरिएको थियो।

Phoenix Rana Magar with her painting. Photo: eEyeCam.com

उक्त अबसरमा मगर बाल बालिकाहरुलाई नेपाली परम्पराको जानकारी गराउने उद्देश्यलेले चित्रकाला कार्यक्रम पनि राखिएको थियो जसमा नेपालको झन्डा, लाली गुराँस र नेपालका प्रथम शहीद कप्तान लखन थापा मगर चित्रण गर्न लगाइएको थियो।

Magar children drawing Nepal flag, Lali Guras and Nepal's first martyr Capt. Lakhan Thapa Magar.

यसै बिच, उक्त अबसरमा मगर एसोसियसन युएसए इङ्कको अनुसन्धानमुलक मुखपत्र "याँभु" (इन्द्रेणी) इ-जर्नलको प्रकाशन शुरुवात गरिएको छ। याँभु इ-जर्नलको शुभारम्भ युएस नेपाल अनलाइनका प्रधान सम्पादक तथा उक्त संस्थाका सल्लाहकार प्रदिप थापा मगरद्वारा संघको वेबसाइट www.MagarUSA.org मा याँभु इजर्नलको लिङ्कलाई अनलाइनमा क्लिक्क गरेर गरिएको थियो।

Yaanbhu इजर्नल उक्त साइटमा पिडिएफ फाइलको रुपमा पढ्न र डाउनलोड गर्न सकिन्छ:
http://www.magarusa.org/yaanbhu/yaanbhuyear1issue1january2011.pdf

प्रधान सम्पादक थापाले इ-जर्नलको शुभारम्भ गर्दै इ-जर्नलले नयाँ नेपालमा सबै जात जातिले समानरुपमा मौलाउन पाउने बातावरण हुन जरुरी भएको कुरा औंल्याउँदै इ-जर्नलभित्र बिभिन्न अनुसन्धाता लेखकहरुद्वारा प्रस्तुत गरिएको तथ्याङ्क प्रस्तुत गर्नेक्रममा नेपालका झन्डै ६ हजार प्राध्यापकहरुमा जनसंख्याको हिसाबले तेश्रो ठूलो जाति मगर समाजका जम्मा ३७ जना हुनु बिडम्बना भएको बताए।

"याँभु" (इन्द्रेणी) इ-जर्नलको प्रधान सम्पादक कान्तिपुर दैनिककि सहायक सम्पादक स्मिता मगर हुन् भने कार्यकारी सम्पादक धनबहादुर पुन मगर (सियाटल) र कला निर्देशक बिष्णुबहादुर पुन मगर ( न्यू योर्क) हुन्।

कार्यक्रमको सन्चाल्न संघका सहायक सचिब मानबहादुर राना मगरले गर्नु भएको थियो।

-Lab K. Budhamagar in New York

Read our exclusive reporting on:

Comments

Name *
Email (For verification & Replies)
URL
Code   

Submit Comment