Inside

All Time Top 75 News

न्यूयोर्कको रिजवूडमा नेपालीहरु बिच देशको वर्तमान सर्न्दर्भमा अन्तरक्रिया कार्यक्रम सम्पन्न PDF Print E-mail
Share
User Rating: / 0
PoorBest 
Written by Bedprasad Kharel   
Monday, 18 May 2009 21:42
न्यूयोर्क- रिजउड नेपलिज सोर्साईटीको आयोजनामा अमेरिका र नेपालमा देखिएको वर्तमान गतिरोध, राजनितीक सर्न्दर्भलाई लिएर नेपालीहरु बिच एक अन्तरक्रिया कार्यक्रम सम्पन्न भएको छ ।
 

Nepalese interaction in Ridgewood, New York. Photos courtesy: Bedprasad
 
मे १७ आईतबार सम्पन्न उक्त अन्तरक्रिया कार्यक्रममा सहभागीहरुले देशको वर्तमान अवस्थाका वारेमा चिन्ता व्यक्त गरेका थिए ।

रिजउड नेपलिज सोर्साईटिका अध्यक्ष श्री पराजुलिको अध्यक्षतामा सम्पन्न उक्त कार्यक्रममा हाल अमेरिका भ्रमणमा रहनु भएका राप्रपाका क्रेन्द्रीय सदस्य एंव पूर्व मन्त्री प्रेम बहादुर भण्डारी, नेपाली काग्रेसका युवा नेता डिल्ली चौधरी र पत्रकार वद्री सिग्देललाई सम्मानसमेत गरिएको थियो ।
 
 
Honourees at the event
 
कार्यक्रममा समितिका अध्य श्री पराजुलीले प्रेम भण्डारी, सोर्साईटिका पूर्व सचिव एंव समाजसेवी सरोज श्रेष्ठले डिल्ली चौधरी र नेपाली जन सर्म्पर्क समिति अमेरिकाका अध्यक्ष आनन्द विष्टले पत्रकार वद्री सिग्देललाई फुलमाल एंव दोसल्ला ओढाइ सम्मान गर्नु भएको थियो ।

कार्यक्रमलाई सम्बोधन गर्दै पत्रकार वद्री सिग्देलले आफू अमेरिका आएर रिजउडमा आउदा नेपाली गाँउमा आए जस्तो भएको अनुभव बताउदै अमेरिकामा रहेर रिजउड सोर्साईटिले नेपाल र नेपालीका लागि गरेको कामको प्रशंसा गर्नुभयो । नेताहरु पार्टी स्वार्थमा रुमलिएर माओवादीले त्यसको फाईदा उठाउदै देशलाई तहस नहस पार्यो । अव पनि नेताहरुको आँखा खुलेन भने नेपालको भविष्य अन्धकार छ भन्दै सवैले एक जुट भएर लाग्नु पर्ने बताउनुभयो ।

त्यसै गरि कार्यक्रमलाई सम्बोधन गर्दै नेपाली काँग्रेसका युवा नेता डिल्ली चौधरीले भारत-नेपालको विखण्डनको लागि लागी परेको छ भन्दै आज देशमा जातीय द्धन्दको अवस्था सिर्जना भएको छ । सदियौदेखी नेपालीहरु बिच भएको एकतालाई आज जात, जाती, भाषा, भाषीका नाममा विभाजीत गर्ने काम भएको छ । यसलाई समयमै निराकरण गरिएन भने भोलीका दिनमा देश भयकर अफ्ठया्रोमा फस्न सक्ने छ भन्दै देश शान्ती प्रक्रियामा प्रवेश गरेता पनि हामी निर्णायक अवस्थामा पुगेका छैनौ त्यसैले माओवादीलाईसमेत समझदारीमा लिएर हामी अगाडी बढ्नु पर्छ भन्नुभयो ।

अन्तरक्रिया कार्यक्रमलाई सम्वोधन गर्दै नेपाली जन सर्म्पर्क समिति अमेरिकाका महासचिव वेदप्रसाद खरेलले आज माओवादीको कारणले देश अधोगतीतर्फ धकेलिएको छ र राजनीतिक पार्टीले वढो सोच विचार गरेर अगाडि बढ्नु पर्दछ भन्दै वर्तमान असहज परिस्थितीमा नेपाली काग्रेसले देखाएको त्यागले नेपालको राजनीतिमा दुरगामी प्रभाव पर्ने छ भन्दै माओवादीले लादन खोजेको तानाशाहीबाट जनतालाई उन्मुक्त दिन र देशलाई अग्रगामी दिशामा हिडाउन वर्तमान गठवन्धनले प्रभावकारी काम गरोस भन्नु भयो ।

सभालाई सम्बोधन गर्दै राप्रपाका केन्द्रिय सदस्य प्रेम भण्डारीले आज मुलुक आन्दोलीत छ । दुई वर्ष पुग्न लाग्यो संविधान बनाउनेतर्फ कोही अग्रसर भएका छैनन् । माओवादीले देशलाई झन बढी द्धन्दमा फसायो । आफूलाइृ अनुकूल हुदा वैधानीक र आफूलाई प्रतिकूल हुँदा अवैधानीक भन्ने प्रवृत्तिले देशले निकास पाँउदैन । सवैमा राष्ट्रप्रतिको साझा सोच हुनु जरुरी छ भन्दै अमेरिकामा बसेर तपाईहरुले नेपाल र नेपालीको लागि गर्नुभएको काम सर्हानिय छ भन्नुभयो ।
 
 
Nepali Jana Samparka Samiti President Anand Bist.
 
कार्यक्रमलाई सम्वोधन गर्दै नेपाली जनसर्म्पर्क समिती अमेरिकाका अध्यक्ष आनन्द विष्टले मुलुक भयावह स्थितिमा छ । माओवादी कहिल्यै प्रजातन्त्रवादी हुन सक्दैन भन्दै आज माओवादीको सक्कली अनुहार प्रष्ट भएको छ र उसले लाद्न खोजेको तानाशाहीबाट देश बचेको र देशलाई वचाउन नेपाली काँग्रेसले खेलेको भृमिका अत्यन्त सकारात्मक भएको छ भन्दै भावी गठवन्धन सरकारले नेपालीलाई भयमुक्त कानुनी राज्यको अवस्था सिर्जना गरेर संविधान समयमै निर्माण गरि देशलाई निकास देओस भन्नु भयो ।

सभापतीको आसनबाट बोल्दै सभापति श्री पराजुलीले हामी विदेशमा बस्ने नेपालीहरु हरेक साँझ नेपाल सम्झेर निदाँउछौ, हरेक विहान नेपाल सम्झेर व्यूझन्छौ भन्दै नेपालका राजनितीक दलहरु हिजोको दिनमा चुकेकाछन् त्यही कारणले आज देशको अवस्था यस्तो भएको हो । नेपालमा वस्ने नेताहरुले आफ्नो स्वार्थ त्यागी देशलाई सहि मार्गमा लैजाउन भन्ने हाम्रो चाहना हुन् भन्दै हामी विदेशमा वस्ने नेपालीहरु नेपाललाई सुन्दर शान्त नेपालका रुपमा देख्न चाहन्छौ भन्नुभयो ।

रिजउड नेपलिज सोर्साईटिका सचिव गजेन्द्र बुढाथोकीले सञ्चालन गर्नुभएको उक्त कार्यक्रममा स्वागत भाषण रिजउड नेपलीज सोर्साईटिका सदस्य कृष्ण विष्टले गर्नुभएको थियो । कार्यक्रममा रिजउडबासी नेपालीहरुको उल्लेख्यसहभागीता थियो ।

-Bedprasad Kharel in New York.
 
 
 
 
 
Photos courtesy: Bedprasad 

Comments

Name *
Email (For verification & Replies)
URL
Code   
Submit Comment
 

Find Us at Facebook