प्रधानमन्त्रीलाई कालो झन्डा देखाउने विद्यार्थीहरुबाट धन्यवाद

Written by Erisha Suwal

Sunday, 27 September 2009 10:22

न्यू योर्क- संयुक्त राष्ट्र संघको अगाडी, शनिबार, सेप्टेम्बर २६ तारिखमा आफ्नो देशको बारेमा चिन्तित न्यू योर्कमा बस्ने बिध्यार्थिहरुबाट आयोजना गरेको बिरोध कार्यक्रममा सहभागी सबैलाई हार्दिक धन्यवाद।

यो कार्यक्रम कुनैपनि दल र वाद संग नजोडिएका स्वतंन्त्र बिध्यार्थीहरुद्वारा आयोजना गरिएको थियो।

विदेशमा बस्ने नेपालीको चाहना छ, नेपालमा लोकतन्त्र अमर रहोस।हामीलाई लाग्छ यसका लागी नागरिक सर्बोच्चता कायम गर्नु अत्यावस्यक छ। सेनाको लोकतान्त्रिकरण गर्नु जरुरी छ। सेनालाई जनताले चुनेको सरकारको मातहतमा राख्नु जरुरी छ। सेना स्वायत्त संस्था हुनुहुँदैन। नागरिक सर्बोच्चता भनेको यहि हो। नभए हामी सधैभरि सैनिक शासनको डरमा जिउन बाध्य हुनेछौं।

लोकतन्त्रिक पद्दति समयावधिक चुनावमा निर्भर रहन्छ। तर चुनाव सार्थक हुनलाई राजनैतिक पार्टिहरुले चुनावको नतिजा स्विकार गर्नुपर्छ। यो कुरा हामीले नेपाली राजनितिक पार्टीहरुलाई भनिरहनु पर्ने कुरा होईन। तर पनि, अफसोच को कुरा, चुनाबको नतिजाको मूल्य र मान्यताहरुको धज्जि उडाउने काम भईराखेको छ। चुनाब र लोकतन्त्र एउटै सिकाका दुईटा पाटा हुन्। जनताको मतको सम्मान हुनुपर्छ, यो हाम्रो माग हो।

नेपाल शासकहरुले सताब्दियौं देखि नेपाललाई स्वतन्त्र मुलुक भनि राखेका छन्। यथार्थमा बेलायति साम्राज्यबादले हामीलाई जित्न नसके पनि हामी पुरानो साम्रज्य र नयाँ साम्राज्यहरुबाट अछुत रहन भने सकेको छैनौं। एक्काईसौं सताब्दीमा आएर हामीले फेरी नयाँ सँघर्ष सुरु गर्नु परेको छ - स्वतंन्त्र नेपालको लागी।

स्वतंन्त्र नेपाल, जस्लाई आफ्न मित्रहरु रोज्ने स्वतंन्त्रता छ। उत्तर कि दक्षिण, पुर्व कि पश्चिम। यो नेपाली जनताले चुनेर छानेको सरकारले निर्णय गर्ने कुरा हो। भारत, चिन, बेलायत वा अमेरिकाले निर्णय गर्ने कुरा होईन्।

हाम्रो देश साम्रज्यहरुबिच ढुलमुल गर्ने देश हुनु हुँदैन्। हाम्रो देश आफ्नै दुई खुट्टामा अडिन सक्नुपर्छ।

हामिलाई आशा छ, देश हाँक्ने जिम्मेवारी पाएका नेताहरुले देशको स्वाभिमानको ख्याल राख्नेछन्। पुराना साम्राज्य र नयाँ साम्राज्यहरुबाट हामीलाई जोगाएर मौलीक बाटोमा डोर्याउने छन्।

शान्ति, न्याय र एकता। मधेशी, महिला, जनजाति, र दलितलाई सम्मान। सबै नेपाली एकिकृत, यि हाम्रो संघात्मक देशका आदर्शहरु हुन्। राज्य कुनै जात वा जातिको पेवा होईन्। यो हामी सबैको साझा घर हो। नया सम्बिधान यिनै भावनावाट अभिप्रेरित हुनु पर्दछ।

नेपाल अमर रहोस। लोकतन्त्र अमर रहोस। हाम्रो यहि शुभकामना।

-Erisha Suwal in New York