सन् २००० को जनगणनामा ११ हजार ७१५ अमेरिकि नेपालीहरु, सन् २०१० मा सवा लाखको अनुमान?

Updated December 9, बिशेष टिप्पणी: न्यू योर्क, November 4, 2009- हरेक १० बर्षमा हुने अमेरिकि जनगणना यसपाली आगामी बर्ष सन् २०१० को अप्रिल १ मा सम्पन्न हुँदैछ । सन् २००० को जनगणनामा ११ हजार ७१५ अमेरिकि नेपालीहरु भएको अमेरिकि जनसंख्या बिभागले जनाएकोछ भने सन् २०१० मा सवा लाख संख्याको हाराहारीमा नेपालीहरु पुग्ने अनुमान गरिएको छ।

अमेरिकि सरकारले प्रत्येक बर्ष ३०० करोड अमेरिकि डलर अर्थात झन्डै साढे २२ अर्ब रुपैयाँ बिभिन्न समुदायको बिकास र सुबिधामा जनसंख्या जनगणनाका आधारमा खर्च गर्ने भएको हुँदा यसपाली अमेरिकामा रहेका र यतै जन्मेका अमेरिकि नेपालीहरुले सकृयातापूर्वक जनगणनामा भाग लिएनन् भने त्यसको सरकारी सरसुबिधा र कार्यक्रमहरुको बाँडफाँडमा ठुलो असर पर्नेछ।

सन् २००० मा ११ हजार गन्तिमा देखिएका नेपाली यसपाली अनुमान गरिएको सवा लाख जनसंख्यालाई साँचो साबित गर्न सके अमेरिकि नेपालीहरुको शक्तीको प्रदर्सनी मात्र हुने होइन बल्की अबसरको अनेकौं ढोका पनि खुल्ने छ।

Adhikaar's Luna Ranjit who is the Coordinator of Nepali Complete Count Committee (NCCC). Photos: eEyeCam.com

त्यसैले बिना ढिला सुस्ती अब झट्ट अमेरिकि नेपालीहरुले, बिशेष गरी अमेरिकामा नेपाली समुदायको नाममा स्थापना गरिएका झन्डै २०० नेपाली अमेरिकि संघ संस्थाहरुले अमेरिकामा रहेका चाहे यही जन्मेका हुन्, चाहे पछि नागरिक बनेका हुन्, या चाहे ग्रिन कार्ड भएका हुन् अथवा भिसामा आइ "ओभर स्टे" गरेका हुन् सबै नेपालीको जनगणना गर्न अमेरिकि जनगणना बिभाग (U.S. Census Bureau) लाई होस्टेमा हैसे गर्नु पर्ने बेला भएको छ।

यो तत्परताका लागि गत ओक्टोबर २६ मा अमेरिकि नेपालीहरुको हक अधिकारका लागि बिगत ३ बर्षदेखी लड्दै आएको न्यू योर्कको कुइन्स शहरस्थित नेपाली संस्था "अधिकार" को पहलमा नेपाली जनगणना समिती (Nepali Complete Count Committee) को निर्माण प्रकृया अघी बढाइएकोछ।

अधिकार कि कार्यकारी निर्देशक लुना रन्जित संयोजक रहेको तीन सदस्यिय भेला आयोजक कमिटी उक्त दिन गठन गरिएकोछ जसले आगामी आईतवार (November 8th) बेलुकी ५:३० बजे अधिकार कार्यालय उड्साइडमा न्यू योर्कमा कृयाशिल झन्डै ३२ नेपाली संस्थाहरुको भेला डाकिएकोछ।

Note: युएस नेपाल अनलाइनले उक्त भेला र छलफलको प्रत्यक्ष प्रसारण (Live Broadcast) गर्ने योजना बनाएकोछ:

गैर कानुनी रुपमा "ओभर स्टे" गरी बसिरहेका नेपालीहरुले डराउनु पर्दैन किन, कसरी?

अमेरिकामा अहिले विश्व भरका झन्डै १२ देखी २० मिलियन अर्थात डेढ करोडदेखी २ करोड जनसंख्या बिना कानुनी कागजात (Illegally, undocumented) बसोबास गरिरहेको अनुमान गरिन्छ।

त्यसमध्ये नेपालीहरुको जनसंख्या अनुमान गरिएको सवा लाखमा झन्डै आधा जनसंख्याको हाराहारिमा बिना कुनै कागजात बस्न वाध्य भएको हुन सक्ने केही नेपाली अगुवाहरुले अड्कल काटेका छन्। उसो त अमेरिकामा अहिले बसोबास गरिरहेका नेपालीहरुको किटानी संख्या न अमेरिकि सरकारसंग छ न नेपाल सरकारको अमेरिकास्थित दुताबाससंग नै छ।

Douglas Nam Le, Partnership Specialist, NYRCC, Unites States Census 2010, US Census Bureau. Photos: eEyeCam.com

तर चाहे कागज भएका नेपाली होउन् चाहे नभएका नेपाली, सबका सबको गिन्ती अमेरिकि नेपालीको समग्र हक, अधिकार, पहिचान र अस्तित्वको लागि अत्यन्त महत्वपूर्ण भएको कुरामा गत ओक्टोबर २६ मा डाकिएको भेलामा सहभागी नेपाली र अमेरिकि जनगणना बिभागका डग्लस नाम ले (Doughlas Nam Le), जो आफै भियतनामी मुलका हुन्, ले बिशेषजोड दिएका थिए।

उक्त भेलामा अमेरिकि नेपाली मिडियाका प्रतिनिधिहरुलाई उक्त जनगणना अभियानका लागि समाचार सम्रेसण गर्न मात्र होइन बरु मिडिया पार्ट्नर बन्न भनी बोलाइएको थियो। युएस नेपाल अनलाइनले यो अभियानलाई मिडिया पार्ट्नरको रुपमा सहयोग, समर्थन गर्ने र नेपालीहरु बिच आफ्नो न्यूज पोर्टल मार्फत प्रचार प्रसार गर्ने चाँजो मिलाएको छ। हामी चाहन्छौं कि अन्य अमेरिकि नेपाली मेडियाहरुले पनि यो महत्वपूर्ण काममा होस्टेमा हैसे गरुन्।

गोप्यताको कानुन (Privacy Law/Policy) कस्तो छ?

जनगणनामा आफ्नो कागज नभएका नेपालीहरुले नाम लेखाउन आनाकानी गर्ने सम्भावना हुने उक्त भेलामा सहभागीहरुले आसंका गरेपछि जनगणना बिभागका प्रतिनिधि नाम ले ले गैर कानुनी रुपमा बसेकाहरुले डराउनु पर्ने कुनै कारण नभएको स्पस्ट पारेका थिए। उनले युएस नेपाल अनलाइनलाई उपलब्ध गराएको नागरिक गोप्यताको कानुनी प्रकृया (The Public's Privacy Policy) अनुसार जनगणनामा संकलन गरिएको सम्पूर्ण विवरण शिर्फ जनताको तथ्याङ्क आँकलन गर्न प्रयोग गरिने स्पस्ट पारिएकोछ।

जनगणना बिभागका लागि जो जस्ले जनगणना संकलन गर्छ उसले कुनै पनि ब्यक्तीको विवरण कही पनि खुलाउन (disclose) गर्न पाउने छैन यदी खुलाएमा त्यो अपराध (felony) ठहरिनेछ र सजाय स्वरुप ५ बर्ष सम्मको कैद र २ लाख ५० हजारसम्मको जरिवाना गरिने प्राबधान छ।

यहाँसम्म कि जनगणनामा संकलन गरिएको नाम लगायत सम्पूर्ण विवरण अमेरिकि सुचनाको स्वतन्त्रताको हक (Freedom of Information Act) अन्तर्गत पनि खुला गरिने छैन।

बिभागले भनेको छ- यो शिलबन्दी (airtight) कानुन अनुसार व्हाइट हाउस, सर्बोच्च अदालत, आन्तरिक लेखा बिभाग (Internal Revenue Service, इमिग्रेसन बिभाग, प्रहरी, सेना र समाज कल्याण बिभाग (Welfare Agencies) हरुलाई पनि जनगणना बिभागले संकलन गरेको ब्यक्तिगत विवरण खोज्ने अधिकार छैन।

ब्यक्तीको ब्यक्तिगत विवरण (उमेर (age), लिंग (Gender), रोजगारी (employment), जाति (Race) आदी) को बारेमा दिइएको उत्तर र नाम- ठेगाना अलग अलग रुपमा गोप्य राखिने र शिर्फ तथ्याङ्कका लागि उत्तरहरु मात्र कार्यक्रम तर्जुमा गर्न प्रयोग गरिनेछ।

Nepalese discussing about U.S. Census 2010 and Nepali Complete Count Committee. Photos: eEyeCam.com

नेपालीहरुले कुन जाति (Race/origin) लेखाउने?

नेपालीहरुले कुन जाति (Race/origin) भन्ने सोधेको प्रश्नमा के लेख्ने भन्ने प्रश्न उठ्दा गत हप्तान्तको भेलाले सम्पूर्ण नेपालीले प्रश्नावली नम्बर ८ मा सोधिएको "ब्यक्ती कुन स्थानीय मुल (Race/origin) का हुन्? भन्ने जवाफमा "नेपाली" (Nepali) लेख्नु पर्ने, प्रश्नावली ९ को "ब्यक्ती कुन जाति (Race) को हो ?" भन्दा पहिलो उत्तरमा "नेपाली" र दोश्रो उत्तरमा आफ्नो जात, जाति उल्लेख गर्दा नेपालीहरुको सिङ्गो संख्या एक मुस्ट रुपमा "नेपाली" जनसंख्या बन्न जाने अन्यथा नेपालको बिभिन्न जात, जाति अनुसारको आफ्नो जाति प्रमुख उत्तरमा उत्तर दिएमामा थोरै जनसंख्या हुन गइ अमेरिकि जनसंख्याको परिणाम आउँदा अन्य जाति (other race) भनेर गनिने र नेपाली पहिचान गुमनाम हुन जाने निस्कर्श निकालिएको थियो जुन यो पङ्क्तिकारलाई पनि मुनाशिव लाग्यो।

पाठकहरुको के राय छ? अमेरिकि जनगणना बिभागले नेपाली भाषामा प्रकासित गरेको प्रश्नावली गाइड पत्र हेरेर यो टिप्पणीको मुनी आफ्नो प्रतिकृया जनाउनुहोस्।

नमुना पत्र- पहिलो पाना  दोश्रो र पाना

युएस नेपाल अनलाइनले बेला बेलामा अमेरिकि जनगणनाबारे थप जानकारी रिपोर्टिङ गरिरहनेछ। हाम्रो होम पेजको "अमेरिकि जनगना २०१०: फैसला हाम्रो हातमा" भन्ने लिङ्कमा लगअन (क्लिक्क) गर्दै रहनुहोला।

Comments

bal krishna niroula

0

 

 

can u tell me that this cances is only for nepali american or also for bhutanese nepali americal
please send me in my email ok
thank u all

Sunday 15 November 2009, 11:07

Post Reply

Name *
Email (For verification & Replies)
URL
Code   
ChronoComments by Joomla Professional Solutions

Submit Comment

Cancel

Nepali Complete Count Committee

0

 

 

Census 2010 for everyone living in the US on April 1.
Our Campaign is for all Nepalis, not just Nepalis from Nepal - Bhutanese Nepalis are welcome to join us. Please email us at: nepaliuscensus@gmail.com or visit our blog at: http://nepaliuscensus.blogspot.com for updates.

Tuesday 17 November 2009, 04:31

Post Reply

Name *
Email (For verification & Replies)
URL
Code   
ChronoComments by Joomla Professional Solutions

Submit Comment

Cancel

Name *
Email (For verification & Replies)
URL
Code   

Submit Comment