बोष्टनको डम्फु साँझमा चर्चित दोहोरी गायक मिलन लामा

Written by Bijay Tamang

Tuesday, 30 June 2009 23:45

क्याम्ब्रीज, म्यासाचुसेट्स - अघिल्ला बर्षहरुमा जस्तै यस बर्ष पनि बोष्टन तामाङ समाजको आयोजनामा डम्फु साँझ कार्यक्रम सम्पन्न भयो अमेरिकाको बोष्टन शहरमा ।

Singers Min KC, Devika KC, Milan Lama & Nisha Sunar. Photo courtesy: Bijay (Ramjham.com)

विभिन्न लोक साँस्कृतिक नृत्य तथा गीतहरुको साथमा चर्चित दोहोरी गायक मिलन लामा, गायीकाहरु देवकी केसी र निशा सुनारको सहभागीता थियो भने बोष्टनका अर्का चर्चित दोहोरी गायक मिन केसी र गायीकाहरुको केहीबेर दोहोरीसमेत चलेको थियो ।

कार्यक्रमलाई सम्बोधन गर्दै बोष्टन तामाङ समाजका अध्यक्ष प्रेम तामाङले हाम्रो पहिचानलाई आदीवासीहरुको मुलुक अमेरिकामा स्थापना गर्न यस किसिमको कार्यक्रमले सहयोग पुरयाउने विचार ब्यक्त गर्नु भयो । यो जातीय र साँस्कृतिक पहिचान गराउने एक सशक्त माध्यम भएकोले नेपाली संस्कृतिको विकास र प्रवद्र्धनमा सहयोग पुग्ने विश्वास समेत अध्यक्ष तामाङले कार्यक्रममा व्यक्त गर्नुभयो ।

कार्यक्रमको सचालन उत्तम वावु श्रेष्ट र सुजाता श्रेष्टले गर्नुभएको थियो भने उपस्थित सबैलाई धन्यवाद ज्ञापन गर्दै आयोजक संस्थाका सदस्य सचिव बिजय तामाङले कार्यक्रमको समापन गर्नुभएको थियो । कार्यक्रम क्याम्ब्रीज म्यासाचुसेट्स स्थित ४०० कार्डिनल मेलरोइसको चर्च हलमा भएको थियो ।

-Bijay Tamang

Chairman, Online Khabar Limited Partnership (Nepali Khabar fortnightly)

Boston