संघको अन्तरराश्ट्रिय समिती आइसिसी (ICC) मा पुग्न अमेरिकि नेपाली अगुवाहरु बिच भिडन्त, अन्तररश्ट्रिय महासचिबमा बिष्णुमाया परियार र अन्तररश्ट्रिय उपाध्यक्षमा रतन झा अमेरिकाबाट उम्मेद्वार
Updated: Exclusive: 21 photos: न्यू योर्क- गैर आवासीय नेपाली संघ अमेरिका (NRN USA) को वार्षिक साधारण सभा यही सेप्टेम्बर १७ तारिख न्यू योर्क शहरको कुइन्सस्थित कुइन्स प्यालेसमा सम्पन्न हुँदैछ। साधारण सभाको मुखमा अध्यक्ष पदबाट सुमन तिम्सिनाको बहिर्गमन भाँडभैलोको झल्को मात्र रहेको र अधिबेशनको दिन असली कुरोको पर्दाफास हुने कुरा न्यू योर्कबासी नेपालीहरुले आशा गरेकाछन्।

संघको आइसिसी (ICC) मा पुग्न अमेरिकि नेपाली अगुवाहरु बिच भिडन्त

हरेक २ बर्षमा नेपालमा हुने गैर आवासीय नेपाली संघ अन्तरराश्ट्रिय समितीको विश्व सम्मेलन (global conference) यो बर्ष अक्टोबर १२ देखी १४ काठमाडौंमा हुन गैरहेको छ। उक्त सम्मेलन अघी हाल कायम ५६ देशका राष्ट्रिय समितीहरुले साधारण सभा डाकेर केन्द्रिय समिती प्रतिनिधी चुन्नु पर्ने प्राबधानअनुसार यसपाली संघको अमेरिका शाखा NRN USA ले न्यू योर्कको सभाबाट २ जना अन्तरराश्ट्रिय प्रतिनिधी (ICC अर्थात International Coordination Council Member) को छनौट गर्न लागेको हो।

संघको अन्तरराश्ट्रिय बिधानअनुसार हरेक १ हजार सदस्य रहेको शाखा को १ अन्तरराश्ट्रिय प्रतिनिधी (ICC) हुने ब्यबस्थाअनुसार हाल एनआरएन अमेरिका (NRN USA) को २१ सय सदस्य संख्या पुगेकोले दुई ICC पदमा चुनाव हुन लागेको हो। अमेरिकामा संघको वार्षिक सदस्यता शुल्क १० डलर रहेको छ। त्यस मध्ये अन्तरराश्ट्रिय समिती (आइसिसी) लाई ३ डलर बुझाउनु पर्दछ।

अमेरिकाबाट आइसिसी (ICC) प्रतिनिधीमा को को भिडन्त गर्दैछन्?

अमेरिकाबाट २  जना अन्तरराश्ट्रिय आइसिसी (ICC) प्रतिनिधी छनौटकालागि संघले गरेको उम्मेद्बारी अह्वानमा ८ जना अगुवाहरुको उम्मेद्बारी परेको छ।

प्रमुख निर्वाचन आयुक्त राजेन्द्र खतिवडाको निर्वाचन समितीले सेप्टेम्बर १० तारिख जारी गरेको अन्तिम नामावलीअनुसार छ:

राष्ट्रिय प्रतिनिधी (Country Representative) मा भिडन्त गर्नेहरु:

1. भुवानी गुरुङ (बोस्टन्), हाल एनआरएन अमेरिकाका प्रबक्ता
2. शिव प्रकाश (बोस्टन), हिमालअयन लायन्स क्लब अफ न्यू इङ्ल्यान्डका अध्यक्ष (उम्मेद्बारी फिर्ता लिईसकेको)
3. तेम्बा शेर्पा लामा (न्यू योर्क), एनआरएन अमेरिका सदस्यता बितरण समितीका संयोजक
4. राजा घले (एटलान्टा), पूर्व अध्यक्ष Nepalese Association in Southeast America (NASeA)
5. राम खरेल (भर्जिनिया), एनआरएन अमेरिका मिडिया को-ओर्डिनेटर

ICC USA candidates: Sonam Lama, Bhuwani Gurung, Aditya Maharjan, Raja Ghale, Ram Kharel & Temba Sherpa Lama. Photos: eEyeCam.com

त्यसैगरी, आइसिसी प्रतिनिधी (ICC Representative) मा भिडन्त गर्नेहरु:

1. कुलमणी आचार्य (वासिङ्गटन डिसी), अमेरिकअन सोसाइटी अफ नेपालीज इन्जिनियर्स (ASNE) का Member-at-Large
2. सोनाम लामा (न्यू योर्क) हाल अमेरिकाबाट आइसिसी प्रतिनिधी
3. आदित्य महर्जन (न्यू योर्क्), न्यू योर्क नेवा गुठी अध्यक्ष

Country Representative कि ICC Representative ?

तर संघ अन्तररश्ट्रिय समितीका महासचिब रतन झाकाअनुसार संघको बिधानअनुसार Country Representative को छुट्टै ब्यबस्था रहेको छैन। यस हिसाबले ८ जना अगुवाहरुले २ वटा अन्तरराश्ट्रिय आइसिसी (ICC) प्रतिनिधी पदकालागि भिडन्त गर्नु पर्ने देखिन्छ।

उत्तर अमेरिकाबाट क्षेत्रीय संयोजक र उपसंयोजक को को हुने?

हालसम्म उम्मेद्बारी घोषणाअनुसार क्यानाडाका डा. द्रोण रसाइली उत्तर अमेरिकाकोतर्फबाट क्षेत्रीय संयोजक (Regional Coordinator) बन्ने प्रबल सम्भावना छ।

North America Regional Coordinator & Deputy Coordinator candidates: Dr. Drona Rasaili & Mukesh Singh. Photos courtesy: NRN.org.np, eEyeCam.com

यस अघी उक्त पद अमेरिकाले सम्हालेकोले यसपाली एनआरएन अमेरिकाका पूर्व बरिस्ठ उपाध्यक्ष मुकेश सिंहले उक्त पदमा दाबी गरेपनि केही दिन अघी उनले आफ्नो उम्मेद्बारी फिर्ता लिइसकेका छन्। एनआरएन अमेरिका सम्बन्धी जानकार श्रोतका अनुसार मुकेश सिंहले अब क्षेत्रीय उपसंयोजक पदमा आफ्नो उमेद्वारी दिनेछन्।

क्षेत्रीय संयोजक (Regional Coordinator) र उपसंयोजक (Deputy Coordinator) को चुनाव भने उत्तर अमेरिकि मुलुकहरु अमेरिका र क्यानाडाबाट ५ औं विश्व सम्मेलन (5th NR Global Conference) मा भाग लिन काठमाडौं पुगेका प्रतिनिधीहरु बिचबाट चुनिनेछ।

कुन देशका प्रतिनिधी कति?

संघको अन्तररश्ट्रिय समितीको बिधानअनुसार हरेक देशबाट बढीमा १०० जनासम्म प्रतिनिधी विश्व सम्मेलनमा भाग लिन पाउँछ। हरेक १० जना सदस्यबाट एक जना प्रतिनिधी चुनिन्छ। तर सदस्य संख्या १ हजार नाघेमा पनि हरेक देशले १०० जनाभन्दा बढी प्रतिनिधी पठाउन भने पाउँदैन।

संघको ५८ देशमा शाखा गठन भईसकेको भएपनि हरेक दुई बर्षमा नेपालमा हुने विश्व सम्मेलनमा भाग लिन संसारभरका प्रतिनिधीहरु अहिलेसम्म ५ सय ननाघेको अवस्था छ।

संघको अन्तररश्ट्रिय समितीको केन्द्रिय पदाधिकारी पदहरुमा को कस्को बिच भिडन्त हुँदैछ?

यसपालीको अन्तररश्ट्रिय समितीको केन्द्रिय चुनाव निक्कै चाख लाग्दो हुने देखिएको छ। यस अघिको निर्वाचनमा अध्यक्ष पदमा सहमती कायम भएपनि आगामी निर्वाचनमा

अध्यक्ष पद र अन्य पदाधिकारी पदहरुकालागि चुनावी भिडन्त हुने सम्भावना देखिएको छ।

अध्यक्ष पदमा को को बिच भिडन्त हुँदैछ?

Devman Hirachan & Jiba Lamichhane. Photos courtesy: NRN.org.np

बर्तमान अध्यक्ष देबमान हिराचन (जापान) ले पुन: आफ्नो अध्यक्ष बन्ने चाहना ब्यक्त गरेका छन् भने उनका हालका डेप्युटी अर्थात उपाध्यक्ष जिबा लामिछाने (रसिया) ले अध्यक्षको दाबेदारी गरेकाछन्।

अध्यक्ष पदका दाबेदार रसियाका ब्याबसायी तथा बर्तमान उपाध्यक्ष जिवा लामिछानेको चुनावी तयारी मनस्थिती र लबिङ हेर्दा उनले पुन: उपाध्यक्ष पदमा चित्त बुझाउलान् भनेर धेरैले विश्वाश गर्ने ठाउँ छैन। उनलाई पूर्व अध्यक्ष तथा हाल संघको प्रमुख संरक्षाक डा. उपेन्द्र महतोको पूर्ण आशिर्बाद रहेको बताइन्छ।

श्रोतकाअनुसार गत जुलाई २३-२४ मा रसियाको मस्कोमा सम्पन्न छैठौं गैरआवासीय नेपाली क्षेत्रीय सम्मेलन (6th NRN Regional Conference) मा उपाध्यक्ष जिवा लामिछानेलाई भावी अध्यक्षकोरुपमा उभ्याउने कसरत खुब गरिएको थियो।

उता जापानका ब्याबसायी तथा बर्तमान अध्यक्ष देबमान हिराचनले आफ्नो कार्यकालमा भए गरेका कार्यहरुको लामो सूची नै तयार गरी आफ्नो पक्षमा चुनावी माह्वल तयार गर्ने प्रयास थालनी गरिसकेका छन्। उनको जापान, कोरिया, बेलायत मलेशिया, र खाडी मुलुकमा राम्रो पकड रहेको अनुमान गरिन्छ।

गैर आवसीय नेपालीहरु बिच अहिले आगामी निर्वाचनमा सहमती कम भिडन्त ज्यादा हुने चर्चा चल्न थालेको छ। "जिवा र हिरा दुई चिरा" भनेर गाँईगुँई चल्न नै चल्न थालेको छ।

दुई बर्ष अघी यसरी हिराचन सर्बसम्मत अध्यक्ष निर्बाचित भएका थिए

गैरआवासीय नेपाली संघ (एनआरएन) को अध्यक्षमा यस अघि जापानका उद्धमी देवमान हिराचन निर्विरोध निर्बाचित भएका थिए।

यसअघि अध्यक्ष पदकालागि हिराचनका अलवा रामप्रताप थापा (जर्मनी) र भीम उदास (अफ्रिकी मुलुक लेसोथो) ले उम्मेदवारी घोषणा गरेका थिए तर लामो प्रयत्नपछि अन्तत: थापा र उदास अध्यक्षको दावी छाड्न सहमत भएका थिए।

जानकारीअनुसार, सात सदस्यीय आन्तरिक कमिटीमा पनि कसलाई उम्मेदवार बनाउने भन्नेमा सर्वसम्मति हुन नसकेपछि मतदान भएको थियो । मतदानमा हिराचनलाई ३, थापालाई पनि ३ र उदासलाई १ मत परेको थियो । त्यसपछि बराबर मत ल्याएका थापा र हिराचनमध्ये कसलाई सर्वसम्मत अध्यक्ष बनाउने भनेर चिठ्ठा हालिएको थियो । चिठ्ठा थापालाई परेको थियो । यो कुरा सार्वजनिक भएपछि सम्मेलनका प्रतिनिधिहरुले आम प्रतिनिधिहरुबीच मतदान नै गर्नुपर्ने माग गरेका थिए।

मतदानमा जाँदा संगठनमा विभाजनको स्थिति सिर्जना हुने भन्दै केही प्रतिनिधिहरुले सर्वसम्मतिकालागि दबाब दिएपछि तत्कालिन अध्यक्ष डा. उपेन्द्र महतोलगायतका अगुवाहरुको प्रयासमा सर्बसम्मतीबाट अध्यक्ष पदमा हिराचनलाई चयन गरिएको थियो।

२ अन्तररश्ट्रिय उपाध्यक्ष पदमा को को बिच भिडन्त हुँदैछ?

संघको २ वटा अन्तररश्ट्रिय उपाध्यक्ष पदमा ६ जना हस्तीहरु उठ्ने चर्चा चलेको छ।

ICC VP candidates: Ratan Jha, Rameshwar Shah, Capt. Hitman Gurung, Tenzi Sherpa, Indra Ban & Dilbahadur Gurung. Photos courtesy: NRN.org.np

हालका अन्तररश्ट्रिय महासचिब रतन झा (अमेरिका) ले अन्तररश्ट्रिय उपाध्यक्ष पदमा दाबी गरेका छन् भने उनलाई चुनौती दिने अन्य दाबेदारहरुमा बर्तमान अन्तररश्ट्रिय कोशाध्यक्ष रामेस्वर शाह (कतार), बर्तमान अन्तररश्ट्रिय सल्लाहकार ईन्द्र बन (अस्ट्रेलिया), बर्तमन अन्तररश्ट्रिय सचिब तेन्जी शेर्पा (साउथ कोरिया), युरोप क्षेत्रिय संयोजक क्याप्टेन हितमान गुरुङ, (बेलायत), एनआरएन जर्मनी अध्यक्ष दिल बहादुर गुरुङ (जर्मनी) छन्।

बर्तमान अन्तररश्ट्रिय कोशाध्यक्ष शाह (कतार) र युरोप क्षेत्रिय संयोजक क्याप्टेन गुरुङ, (बेलायत) लाई बलिया उम्मेद्वार को रुपमा पर्यबेक्ष्यक हरुले लेख काटेकाछन्। तर हालका अन्तररश्ट्रिय महासचिब झा (अमेरिका) को सुझ्बुझ र फराकिलो विश्व संपर्क सन्जाललाई नजर अन्दाज गर्नु सकिन्न।

अन्तररश्ट्रिय महासचिब पदमा को को बिच भिडन्त हुँदैछ?

अन्तरराश्ट्रिय अध्यक्ष पद पछि सबैभन्दा शक्तिशाली पद मानिने महासचिब पदमा अमेरिकाका ब्याबसायी रतन झाले फेरी उठ्ने इच्छा नगरेपनि उक्त पदमा ३ जना हस्तीहरुले दाबी गरेकाछन्।

ICC General Secretary candidates: Bishnu Maya Pariyar, Dr. Kumar Basnet & Dr. Hemraj Sharma. Photos courtesy: eEyeCam.com, NRN.org.np

यसरी दाबी गर्नेहरुमा इम्पावोर दलित वोमन अफ नेपाल (EDWON) कि संस्थापक तथा एनआरएन अमेरिका कि बोर्ड अफ डाइरेक्टर बिष्णुमाया परियार (अमेरिका), संघका अन्तरराश्ट्रिय प्रबक्ता डा. कुमार बस्नेत (जापान) र बेलायत (युके) बाट हाल अन्तरराश्ट्रिय प्रतिनिधी सदस्य डा. हेमराज शर्मा (बेलायत) छन्।

पहिलो चोटि महिला उम्मेद्वारले महासचिब पदमा उम्मेद्बारी दिएकाले सहमतीमा चर्चित समाजसेवी बिष्णुमाया परियार सर्बसम्मत निर्बाचित हुने सम्भावनालाई नकार्न सकिन्न। तर आफ्नै देश (जापान) का बर्तमान अध्यक्ष देबमान हिराचनलाई नयाँ पुस्तालाई काम गर्ने मौका दिनु पर्छ भने आग्रह गर्न डा. बस्नेतले सजिलै महासचिब पद परियारको पोल्टामा हाल्ने छाँट देखिन्न।

उता बेलायतका डा. शर्माको उमेद्वारीलाई पनि कदापी कम आँक्न मिल्दैन।

अप्डेट जारी रहनेछ।

--Pradeep Thapa Magar in New York. Comments? 917-570-1098. Or, This e-mail address is being protected from spambots. You need JavaScript enabled to view it

Read our exclusive reporting on:

संघीयता | राजतन्त्र? | महिला | NRN | दलित समस्या | न्यू योर्क नेपाली | प्रबास | India

Not enough of reading us? Visit our multi-media channels:

Comments

Name *
Email (For verification & Replies)
URL
Code   

Submit Comment