Inside

All Time Top 50 News

एनआरएन अमेरिका (NRN USA) र अमेरिकि राजदूत स्कट डेलिसीबिच भेटघाट PDF Print E-mail
Share
User Rating: / 0
PoorBest 
Written by Pradeep Pariyar Thapa Magar   
Monday, 10 October 2011 21:40

नेपालका चर्चित ब्याबसायी र एनआरएनका हस्तीहरुको जम्काभेट
Exclusive: 11 photos:
काठमाडौं- गैर आवासीय नेपाली संघ (NRN USA) को ५ औं विश्व सम्मेलनको संघारमा एनआरएन अमेरिका (NRN USA) ले नेपालकालागि अमेरिकि राजादूत स्कट डेलिसी र अमेरिकाबाट विश्व सम्मेलनमा भाग लिन आएका झन्डै १०० प्रतिनिधीहरुबिच बिशेष भेटघाट भएको छ।

U.S. Ambassador Scott DeLisi at NRN USA delegates reception in Kathmandu on October 10, 2011. Photos: eEyeCam.com

उक्त कार्यक्रम NRN USA र नेपाल च्याम्बर अफ कमर्सले संयुक्त रुपमा आयोजना गरेको हो।

आईतवार बेलुकी काठमाडौंको होटेल अन्नपूर्णमा आयोजित उक्त कार्यक्रममा राजदूत डेलिसीका अलावा युएस मिसनकि उपप्रमुख प्याट्रिसिया मोहिनी पनि सहभागि बनेकी थिइन्।

उक्त कार्यक्रमलाई राजदूत डेलिसीले सम्बोधन गर्दै अमेरिकि एनआरएन डेलिगेटहरुको स्वागत गरेका थिए। उनले नेपाल र अमेरिकाबिचको द्विपक्षिय सम्बन्धको चर्चा गर्दै अमेरिकि नेपाली (नेप्रिकन) हरुले नेपालमा पुर्याउन सक्ने योगदानकोबारेमा चर्चा गरेका थिए।

NRN USA President Pralhad KC. Photos: eEyeCam.com

कार्यक्रममा नेपाल च्याम्बर अफ कमर्सका सुरेश कुमार बस्नेत,  नेपाल उद्द्योग बणिज्य महासंघका अध्यक्ष सुरज बैध्य, अमेरिकि कंग्रेसका पहिलो नेपाली उम्मेद्वार दर्शन रौनियार, एनआरएनएका प्रमुख संरक्षक तथा संघका पूर्व संस्थापक अध्यक्ष उपेन्द्र महतो, NRN USA का अध्यक्ष तथा नेपाल अमेरिका फाउन्डेसन इङ्कका प्रेसिडेन्ट प्रल्हाद केसी, नर्थ अमेरिका क्षेत्रिय संयोजक (RC) डा. अम्बिका अधिकारीले सम्बोधन गरेका थिए।

NRNA ICC Presidential candidate and NRNA ICC current VP Jiba Lamichhane. Photos: eEyeCam.com

एनआरएन उम्मेद्वारहरुले मत मागे

उक्त कार्यक्रममा गैर आवासीय नेपाली संघ अन्तरराश्ट्रिय समन्बय समिती (NRNA ICC) अध्यक्षका उम्मेद्वार तथा बर्तमान उपाध्यक्ष जिबा लामिछाने, उपाध्यक्ष पदका उम्मेद्वार तथा बर्तमान महासचिब रतन झा, महासचिब पदकि उम्मेद्वार तथा इम्पाओर दलित वुमन अफ नेपाल (EDWON) कि संस्थापक बिष्णुमाया परियार,  संघको नर्थ अमेरिका क्षेत्रिय संयोजक (RC) उम्मेद्वार मुकेश सिंह, उपसंयोजक उम्मेद्वार (DRC) तथा NRN USA का मिडिया कोअर्डिनेटर राम खरेलले सम्बोधन गर्दै आ-आफ्नो पक्षमा मत मागेका थिए।

NRNA ICC General Secretary candidate Bishnu Maya Pariyar. Photos: eEyeCam.com

कार्यक्रममा नेकपा मालेका महासचिब सिपी मैनाली, संघको अन्तरराश्ट्रिय समन्बय समिती (NRNA ICC) का संघका संरक्षक भिम उदास, संघको निर्वाचन समितिका प्रमुख निर्वाचन आयुक्त शारदाजङ्ग थापा, संघका कोशाध्यक्ष रामेश्वर शाह, संघका पूर्व कार्यकारी निर्देशकहरु हेमन्त दवाडी र होमरज आचार्य, बैंक अफ काठमाडौं लिमिटेडका प्रेसिडेन्ट तथा नेपाल युएसए च्याम्बर्स अफ कमर्सका प्रेसिडेन्ट नरेन्द्रकुमार बस्न्यात,  नेपाल च्याम्बर अफ कमर्सका पूर्व अध्यक्ष सुरेन्द्रबीर मालाकार,   सअधिबक्ता  दिनेश त्रिपाठी, कान्तिपुर टेलिभिजनका प्रमुख कार्यक्रम निर्माता भुशण दाहाललगायतका ब्यक्तित्वहरु सहभागि थिए।

कार्यक्रमको सन्चालन NRn USA कि बरिस्ठ उपाध्यक्ष डा. बिद्या रन्जितले गरेकी थिइन्।

काठमाडौंबाट अप्डेट जारी छ।

--Pradeep Thapa Magar in Katmandu. Comments? This e-mail address is being protected from spambots. You need JavaScript enabled to view it

 

NRNA ICC Chief Patron Upendra Mahato. Photos: eEyeCam.com



North America NRN Regional Coordinator candidate Mukesh Singh. Photos: eEyeCam.com













NRNA ICC VP candidate & current Gen sect Ratan Jha.


झन्डै ७ सय प्रतिनिधीहरु (delegates) निर्वाचनमा सहभागी हुने सम्भावना

हरेक २ बर्षमा नेपालमा हुने गैर आवासीय नेपाली संघ अन्तरराश्ट्रिय समितीको विश्व सम्मेलन (global conference) यो बर्ष अक्टोबर १२ देखी १४ काठमाडौंमा हुन गैरहेको छ। उक्त सम्मेलनमा ५६ देशका राष्ट्रिय समितीहरुबाट चुनिएर आएका झन्डै ७ सय प्रतिनिधीहरु (delegates) निर्वाचनमा सहभागी हुने सम्भावना छ।

हरेक दुई बर्षमा नेपालमा हुने विश्व सम्मेलनमा भाग लिने संसारभरका प्रतिनिधीहरु अहिलेसम्म ५ सय ननाघेको अवस्था छ।

कुन देशका प्रतिनिधी कति?

संघको अन्तरराश्ट्रिय बिधानअनुसार हरेक देशका राष्ट्रिय समितीबाट प्रत्येक १० जना साधारण सदस्यबाट एक जना प्रतिनिधी (delegate) पठाउन सकिन्छ। तर एक राष्ट्रिय समितीबाट १०० जनाभन्दा बढी प्रतिनिधी पठाउन बिधानत: निशेध गरिएको छ। प्रतिनिधी बन्न १०० अमेरिकि डलर डेलिगेसन शुल्क तिर्नु पर्दछ भने उम्मेद्वारलाई मत दिन विश्व सम्मेलन स्थल नेपाल मै पुग्नु पुग्नु पर्ने ब्यबस्था छ।

संघको अन्तररश्ट्रिय समितीको केन्द्रिय पदाधिकारी पदहरुमा को कस्को बिच भिडन्त हुँदैछ?

यसपालीको अन्तररश्ट्रिय समितीको केन्द्रिय पदाधिकारी पदहरुकालागि हुने चुनाव निक्कै चाख लाग्दो र कडा भिडन्त हुने देखिएको छ।

अध्यक्ष पदमा को को बिच भिडन्त हुँदैछ?


Devman Hirachan & Jiba Lamichhane. Photos courtesy: NRN.org.np

बर्तमान अध्यक्ष देबमान हिराचन (जापान) ले पुन: आफ्नो अध्यक्ष बन्ने चाहना ब्यक्त गरेका छन् भने उनका हालका डेप्युटी अर्थात उपाध्यक्ष जिबा लामिछाने (रसिया) ले अध्यक्षको दाबेदारी गरेकाछन्।

अध्यक्ष पदका दाबेदार रसियाका ब्याबसायी तथा बर्तमान उपाध्यक्ष जिवा लामिछानेको चुनावी तयारी र लबिङ हेर्दा उनले अध्यक्ष पदमा बिजय हाँसिल गर्ने सम्भावना उत्तिकै छ भने चुनावी पर्यबेक्ष्यकहरुले बर्तमान अध्यक्ष तथा जापानका ब्याबसायी देबमान हिराचनले आफ्नो कार्यकालमा भए गरेका कार्यहरुको लामो सूची नै तयार गरी आफ्नो पक्षमा चुनावी माह्वल तयार गर्ने प्रयास स्वरुप युरोप र एसियाली मुलुकहरुको दौडाहा भर्खरै समाप्त गरेकाछन्।

अध्यक्ष हिराचनको जापान, कोरिया, बेलायत मलेशिया, र खाडी मुलुकमा राम्रो पकड रहेको अनुमान गरिन्छ भने उपाध्यक्ष लामिछानेलाई पूर्व अध्यक्ष तथा हाल संघको प्रमुख संरक्षक डा. उपेन्द्र महतोको पूर्ण आशिर्बाद रहेको बताइन्छ। लामिछानेले बर्तमान महासचिब तथा उपाध्यक्ष पदका उम्मेद्वार अमेरिकाका ब्याबसायी रतन झाको समूहसमर्थन प्राप्त छ।

श्रोतकाअनुसार गत जुलाई २३-२४ मा रसियाको मस्कोमा सम्पन्न छैठौं गैरआवासीय नेपाली क्षेत्रीय सम्मेलन (6th NRN Regional Conference) मा उपाध्यक्ष जिवा लामिछानेलाई भावी अध्यक्षकोरुपमा उभ्याउने खुब कसरत गरिएको थियो।

गैर आवसीय नेपालीहरु बिच अहिले आगामी निर्वाचनमा सहमती कम भिडन्त ज्यादा हुने चर्चा चल्न थालेको छ। "जिवा र हिरा दुई चिरा" भनेर गाँईगुँई चल्न नै चल्न थालेको छ।

दुई बर्ष अघी यसरी हिराचन सर्बसम्मत अध्यक्ष निर्बाचित भएका थिए

गैरआवासीय नेपाली संघ (एनआरएन) को अध्यक्षमा यस अघि जापानका उद्धमी देवमान हिराचन निर्विरोध निर्बाचित भएका थिए।

यसअघि अध्यक्ष पदकालागि हिराचनका अलवा रामप्रताप थापा (जर्मनी) र भीम उदास (अफ्रिकी मुलुक लेसोथो) ले उम्मेदवारी घोषणा गरेका थिए तर लामो प्रयत्नपछि अन्तत: थापा र उदास अध्यक्षको दावी छाड्न सहमत भएका थिए।

जानकारीअनुसार, सात सदस्यीय आन्तरिक कमिटीमा पनि कसलाई उम्मेदवार बनाउने भन्नेमा सर्वसम्मति हुन नसकेपछि मतदान भएको थियो । मतदानमा हिराचनलाई ३, थापालाई पनि ३ र उदासलाई १ मत परेको थियो । त्यसपछि बराबर मत ल्याएका थापा र हिराचनमध्ये कसलाई सर्वसम्मत अध्यक्ष बनाउने भनेर चिठ्ठा हालिएको थियो । चिठ्ठा थापालाई परेको थियो । यो कुरा सार्वजनिक भएपछि सम्मेलनका प्रतिनिधिहरुले आम प्रतिनिधिहरुबीच मतदान नै गर्नुपर्ने माग गरेका थिए।

मतदानमा जाँदा संगठनमा विभाजनको स्थिति सिर्जना हुने भन्दै केही प्रतिनिधिहरुले सर्वसम्मतिकालागि दबाब दिएपछि तत्कालिन अध्यक्ष डा. उपेन्द्र महतोलगायतका अगुवाहरुको प्रयासमा सर्बसम्मतीबाट अध्यक्ष पदमा हिराचनलाई चयन गरिएको थियो।

२ अन्तररश्ट्रिय उपाध्यक्ष पदमा को को बिच भिडन्त हुँदैछ?

संघको २ वटा अन्तररश्ट्रिय उपाध्यक्ष पदमा ६ जना हस्तीहरु उठ्ने चर्चा चलेको छ।


ICC VP candidates: Ratan Jha, Rameshwar Shah, Capt. Hitman Gurung, Tenzi Sherpa, Indra Ban & Dilbahadur Gurung. Photos courtesy: NRN.org.np

हालका अन्तररश्ट्रिय महासचिब रतन झा (अमेरिका) ले अन्तररश्ट्रिय उपाध्यक्ष पदमा दाबी गरेका छन् भने उनलाई चुनौती दिने अन्य दाबेदारहरुमा बर्तमान अन्तररश्ट्रिय कोशाध्यक्ष रामेस्वर शाह (कतार), बर्तमान अन्तररश्ट्रिय सल्लाहकार ईन्द्र बन (अस्ट्रेलिया), बर्तमान अन्तररश्ट्रिय सचिब तेन्जी शेर्पा (साउथ कोरिया), युरोप क्षेत्रिय संयोजक क्याप्टेन हितमान गुरुङ, (बेलायत), एनआरएन जर्मनी अध्यक्ष दिलबहादुर गुरुङ (जर्मनी) छन्।

बर्तमान अन्तररश्ट्रिय कोशाध्यक्ष शाह (कतार) र युरोप क्षेत्रिय संयोजक क्याप्टेन गुरुङ, (बेलायत) लाई बलिया उम्मेद्वारकोरुपमा पर्यबेक्ष्यकहरुले लख काटेकाछन्। तर हालका अन्तररश्ट्रिय महासचिब झा (अमेरिका) को सुझ्बुझ र फराकिलो विश्व संपर्क सन्जाललाई नजर अन्दाज गर्नु सकिन्न।

अन्तररश्ट्रिय महासचिब पदमा को को बिच भिडन्त हुँदैछ?

अन्तरराश्ट्रिय अध्यक्ष पदपछि सबैभन्दा शक्तिशाली पद मानिने महासचिब पदमा उम्मेद्बारी घोषणा गर्नेहरुमा इम्पावोर दलित वोमन अफ नेपाल (EDWON) कि संस्थापक तथा एनआरएन अमेरिका (NRN USA) कि बोर्ड अफ डाइरेक्टर बिष्णुमाया परियार र संघका अन्तरराश्ट्रिय प्रबक्ता डा. कुमार बस्नेत (जापान) छन्।



ICC General Secretary candidates: Bishnu Maya Pariyar & Dr. Kumar Basnet. Photos courtesy: eEyeCam.com, NRN.org.np

पहिलो चोटि महिला उम्मेद्वारले महासचिब पदमा उम्मेद्बारी दिएकाले सहमतीमा चर्चित समाजसेवी बिष्णुमाया परियार सर्बसम्मत निर्बाचित हुने सम्भावनालाई नकार्न सकिन्न। तर आफ्नै देश (जापान) का बर्तमान अध्यक्ष देबमान हिराचनलाई नयाँ पुस्तालाई काम गर्ने मौका दिनु पर्छ भन्ने डा. बस्नेतले सजिलै महासचिब पद परियारको पोल्टामा हाल्ने छाँट देखिन्न।

महासचिब पदकि उम्मेद्वार परियारले संघले अघी सार्दै आएका दोहोरो नागरिकता, ब्यापार प्रबर्धन, खुल्ला विश्व बिद्यालयलगायतका कामहरुबाहेक काठमाडौंमा हट लाइनको ब्यबस्था गर्ने, महिला नेत्रित्वको बिकास र शसक्तिकरण, सुरक्षित आप्रबासन, नेपाली बास्तुकालाको प्रबर्धन, नेपालमा समाजसेवामा बढोत्तरी र आगामी निर्वाचनमा अनलाइन भोटिङ (मतदान) को ब्यबस्था गर्ने एजेन्डा अघी सारेकिछिन्।

परियारको उम्मेद्बारीलाई २० भन्दा बढी संघ संस्थाहरुको समर्थन

महासचिब पदकि उम्मेद्वार परियारलाई उनको होम टाउन बोस्टन शहरस्थित 'ग्रेटर बोस्टन नेपालीज कम्युनिटी' (GBNC) ले समर्थन गरेको छ। साथै, १९ वटा आदिबासी संस्थाहरु सम्मिलित 'नेपाल आदिवासी जनजाति महासंघ अमेरिका' (फिप्ना) ले पनि उनको उम्मेद्बारीलाई समर्थन गरेको छ।

उनको उमेद्वारीलाई समर्थन (इन्डोर्स) गर्ने एनआरएन अगुवाहरुको त निक्कै लामो लिस्ट बनेको छ। उम्मेद्वार परियारकाअनुसार उनले सबैका माग र आकाँक्षालाई पुरा गर्न आफूले सबैसंग हातेमालो गरेर काम गर्ने बताएकिछिन्।

डा. बस्नेत २४ घण्टामा १२ घण्टा आफूले एनआरएनकोलागि संपर्कमा रहेर काम गर्ने?

उता डा. बस्नेतले आफूले संघले अघी सरेका मागहरुलाई प्रभाबकारी ढङ्गले अधी बढाउने जनाउँदै आफू अनलाइन मै ज्यादा समय बिताउने हुनाले एक दिनको २४ घण्टामा १२ घण्टा आफूले एनआरएनकोलागि संपर्कमा रहेर काम गर्ने बताएकाछन्।

एनआरएन अमेरिकाका मिडिया को-अर्डिनेटर राम खरेलकाअनुसार संघको प्रबक्ता र मिडिया एन्ड कम्युनिकेसन टाक्स फोर्सको संयोजकसमेत रहेका डा. बस्नेतले उक्त टाक्स फोर्सको सदस्य आफूलाई दुई बर्षको अबधीमा शिर्फ एक पटक ईमेल संपर्क गरेको बताउँदै १२ घण्टा कसरी उपलब्ध होलान् भन्दै आश्चर्य ब्यक्त गरे।

तर डा. बस्नेतले जारी गरेको प्रतिवद्धता पत्रमा यस्तो उल्लेख छ:

"सूचना प्रविधीलाई पूर्ण रुपमा सदुपयोग गर्दै म, १ दिनमा १२ घण्टाभन्दा बढि संघका कामहरुलाई प्रत्यक्ष रुपमा रेस्पोन्स गर्न सक्ने महासचिवका रुपमा आफुलाई अघि बढाउने छुँ । अहिले मेरा अधिकांस समय कम्यु्रटर, इन्टरनेट, मेल, फेसबुक, स्काईप, आईफोन आदिको बीचमा बित्ने गरेको छ, त्यसैले गर्दा यो संवभ छ । म कुनै साथीहरुलाई पनि महासचिवसंग संवाद गर्न नपाएको कुराको आभाष नहुने तरिकाबाट काम अघि बढाउँने छु ।"

उत्तर अमेरिकाबाट क्षेत्रीय संयोजक र उपसंयोजकमा क कस्ले भिड्दै छन्?

हालसम्म उम्मेद्बारी घोषणाअनुसार एनआरएन अमेरिकाका पूर्व बरिस्ठ उपाध्यक्ष मुकेश सिंह र क्यानाडाका हालका क्षेत्रीय उपसंयोजक (Deputy Coordinator) डा. द्रोण रसाइली उत्तर अमेरिका क्षेत्रीय संयोजक (Regional Coordinator) पदमा दाबी गरेकाछन्।


North America Regional Coordinator candidate Dr. Drona Rasaili & Mukesh Singh. Photos courtesy: NRN.org.np, eEyeCam.com

उत्तर अमेरिकाको क्षेत्रिय संयोजकमा उठ्न मुकेश सिंहलाई दबाब

अमेरिका र क्यानाडाको 'अलिखित सम्झौता' (unwritten agreement) रहेको भन्दै हालको क्षेत्रिय संयोजक (RC) रहेका अमेरिकि प्रतिनिधी डा. अम्बिका अधिकारीको कार्यकालपछि क्यानाडाको पालो आएको भन्दै चर्चा चलेपनि यसपाली अमेरिकाले सहमतीको नाममा क्षेत्रिय संयोजक पदमा क्यानाडालाई नछोड्ने भएको छ।

एनआरएन अमेरिकाका प्रतिनिधीहरुको दबाबपछि अमेरिकाका मुकेश सिंहले आफ्नो एजेन्डाहरु अघी सार्दै अमेरिका र क्यानाडाका डेलिगेट्सहरुको मत माग्न शुरु गरेकाछन् भने नआरएन क्यानाडाको वार्षिक साधारण सभाबाट सर्बसम्मतरुपमा यसपालिको RC कोरुपमा उम्मेद्वार तोकिएका डा. द्रोण रसाइली चुनाव आफ्नो पक्षमा पार्न कस्सिएर लागेकाछन्।


North America Regional Coordinator candidate Mukesh Singh. Photo courtesy: Mukesh Singh

मुकेश सिंहका एजेन्डाहरु

उम्मेद्वार सिंहले झन्डै लाखको संख्यामा माओवादी जनयुद्धका बेला अमेरिका छिरेर गैर कानूनीरुपमा अमेरिकामा रहेका नेपालीहरुकोलागि अस्थाई राजनितिक शरण ('TPS' or Temporary Protection Status) दिलाउने आफ्नो प्रमुख एजेन्डा बनाएका छन्। सिंह NRN क्षेत्रिय संयोजक (RC) भएको खन्डमा उक्त माग अमेरिकि सरकारसंग पुरा गराउन पहल गर्न सजिलो हुने छ।

उनले युएस नेपाल अनलाइनसंगको टेलिफोन वार्तामा आफ्नो अर्को एजेन्डामा अमेरिका र नेपाल बिचको द्विदेशीय ब्यापार सन्धी सम्बन्धी कामलाई पूर्णता दिने रहेको बताए। उनले सोकोलागि काम थालनी गरिसकेको पनि उल्लेख गरे।

सिंह अमेरिकाबाट बिजिनेश र ट्याक्सेसन तथा बिजिनेस एड्मिनिट्रेसनमा डबल मास्टर्स डिग्री गरेका सबल ब्यक्तित्व हुन्।

डा. द्रोण रसाइलीका एजेन्डाहरु

उता उम्मेद्वार डा. रसाइलीले गैर-आवासीय नेपाली संघका फ्लागशिप परियोजना खुल्ला विश्व-विद्यालय (Open University) को पहल, शिप, ज्ञान र नवीनतम खोजको आदान-प्रदान गर्ने र नेपाली उत्पादनको उत्तर अमेरिकामा प्रबर्धन गर्ने रहेको छ।

क्षेत्रिय संयोजक (RC) को निर्वाचन हरेक दुई बर्षमा विश्व सम्मेलनको बेला नेपाल गएका प्रतिनिधीहरुबिच हुने भएकोले आगामी ओक्टोबर १२ देखी १४ तारिख काठमाडौंमा हुने विश्व सम्मेलनसम्म सहमतीको बिन्दु नभेटिएला भनेर निराश भईहाल्नु पर्ने स्थिती भने छैन।

क्षेत्रीय उपसंयोजक (Regional Deputy Coordinator) पदका उमेद्वार को को हुन्?

क्षेत्रीय उपसंयोजक (DRC) पदमा एनआरएन अमेरिकाका मिडिया को-अर्डिनेटर राम खरेलले औपचारिकरुपमा उम्मेद्बारी घोषणा गरेका छन्।

अमेरिकाका कै अन्जन श्रेष्ठको नाम पनि DRC को उम्मेद्वारकारुपमा चर्चामा छ भने क्यानाडाबाट पनि उम्मेद्बारी पर्ने सम्भावनालाई नकार्न सकिदैन। अक्टोबर १२ तारिख काठमाडौंमा हुने विश्व सम्मेलनमा नपुग्दासम्म क कस्ले उम्मेद्बारी दिन्छन् यसै ठोकुवा लगाउन गाह्रो हुने अमेरिकाबाट प्रतिनिधीकोरुपमा नेपाल जान लागेका एक अगुवाले युएस नेपाल अनलाइनलाई जानकारी गराए।

अप्डेट जारी छ। युएस नेपाल अनलाइनले काठमाडौंबाट लाइभ रिपोर्टिङ गर्दैछ।

--Pradeep Thapa Magar in New York. Comments? 917-570-1098. Or, This e-mail address is being protected from spambots. You need JavaScript enabled to view it

 

Read related news:

-For exclusive reporting on NRN Issue, go to:

-http://usnepalonline.com/nrn-issues/ Or, www.NRNToday.com

-गैर आवासीय नेपाली संघ (NRNA) को ५ औं विश्व सम्मेलन (5th Global Conference) मा उम्मेद्वारहरुको रोचक भिडन्त हुँदै
एनआरएन अन्तरराश्ट्रिय अध्यक्षमा हिराचन कि लामिछाने?
अन्तरराश्ट्रिय महासचिबमा पहिलो महिला उम्मेद्वार अमेरिकाकि बिष्णुमाया परियार र जापानका डा. कुमार बस्नेतबिच भिडन्त
उत्तर अमेरिकाको क्षेत्रीय संयोजकमा अमेरिकाका वकिल मुकेश सिंह र क्यानाडाका डा. द्रोण रसाइली  प्रतिस्पर्धी

-न्यू योर्कमा गैर आवासीय नेपाली संघ अमेरिका (NRN USA) को प्रथम वार्षिक साधारण सभा सम्पन्न

-गैरआवासीय नेपाली संघ (NRNA) को छैठौ क्षेत्रीय सम्मेलन मस्कोद्धारा जारी घोषणा पत्रमा के के माग गरिएको छ?

-गैर आबासीय नेपाली संघ (NRNA) को ५ औं क्षेत्रीय सम्मेलन १२ बुँदे दुबइ घोषणा पत्र जारी गर्दै समापन

-गैरआवासीय नेपाली संघ (NRN Europe) युरोपीयको चौथो बैठक फ्रान्सको राजधानी पेरिसमा सम्पन्न

-अमेरिकामा सम्पन्न गैरआवासीय नेपाली क्षेत्रीय सम्मेलन- २०१० द्वारा १४ बूँदे ह्युस्टन घोषणा पत्र जारी

-गैरआवासीय नेपाली संघद्वारा खुल्ला विश्वविद्यालयको अवधारणा सार्वजनिक

-गैरआवसीय नेपालीहरुले नेपाल सरकारबाट विशेष सुविधायुक्त परिचयपत्र पाउन थाले

 

Read our exclusive reporting on:

संघीयता | राजतन्त्र? | महिला | NRN | दलित | न्यू योर्क नेपाली+USA | प्रबास | आदिवासी | साहित्य

Not enough of reading us? Visit our multi-media channels:

 

Be the first to know

Member Login





OUR COMMITMENT

USNepalOnline.Com is a New York-based popular community news portal dedicated to the Nepalese community in New York and around the world. We bring news and views from Nepal and from the Nepalese Diaspora. We are committed to providing a wide array of international features relating to Nepalese politics, people, lives, culture and so on. Our dedicated editors, representatives, and contributors in New York, Nepal and from elsewhere work to bring Nepal and the Nepalese into the cyber-world as it happens. We operate as a primary news source that touches the lives of the Nepalese community in ways that matter most to our readers. Our mission is to provide quality news and educational resources about Nepalese culture and its people within and beyond the Nepalese-American community.