काठमाडौ- नेपालमा सूचना प्रविधिको महाकुम्भ मेलाको रुपमा लिईने १६ औं क्यान ईन्फोटेक (16th CAN INFO-TECH 2010) राजधानी काठमाडौमा सुरु भएको छ ।

चार दिनसम्म चल्ने मेला पुस २९ (जनवरी १३) गते भृकुटी मण्डपमा शूरु भएको हो । सुचना प्रविधि मेलामा एक सय ब्यवसायीहरुका दुईसय सत्तरी स्टल राखिएको मेला आयोजक कम्प्यूटर एसोसिएसन अफ नेपाल (क्यान) ले जनाएको छ ।

मेलाको उदघाटन प्रधानमन्त्री माधवकुमार नेपालले राष्ट्रिय सभा गृहमा एक कार्यक्रमका बीच गरेका छन् । मेलाको क्रममा सूचना प्रविधिको क्षेत्रमा विकास भएका नयाँ नयाँ प्रविधिको प्रदर्शन र त्यसबारे जानकारी दिनुका साथै सामाग्रीहरुको विक्री वितरणसमेत गरिने छ ।

क्यानले मेला अवधि भर ४ लाखले मेलाको अवलोकन गर्ने अपेक्षा गरेको छ । मेलामा नयाँ प्रविधिबारे जानकारीसँगै प्राविधिक सामग्रीहरु सस्तो दरमा किन्न पाईन्छ ।

विश्व सूचना प्रविधिकै वरीपरी घुमीरहेको बेला यस्तो मेलाले नयाँ इँटा थप्ने काम गरेको आयोजक क्यानले जनाएको छ ।

-Santa Bagam in Kathmandu

Comments

Name *
Email (For verification & Replies)
URL
Code   

Submit Comment