पोखरा- कास्कीको पोखरा नगरपालिका नजिकैको लेखनाथ नगरपालिका अन्तर्गतको लेखनाथ उद्योग वाणिज्य संघद्धारा माघ १४-२३ सम्म 'राष्ट्रिय उपयुक्त र ग्रामिण प्रविधी प्रदर्शनी तथा लेखनाथ महोत्सव २०६७' हुने भएकोछ।

प्रेश विज्ञप्ती
२०६७ माघ १२ गते

लेखनाथ उद्योग वाणिज्य संघद्धारा नागरिक समाज एवं विभिन्न संघ संस्थाको सहयोग र व्यवसायीक प्रतिष्ठानहरुको सहभागितामा वि.सं. २०६१ सालदेखि निरन्तररुपमा लेखनाथ महोत्सवको आयोजना गर्दै आईरहेको छ । यस क्षेत्रको आर्थिक, सामाजिक विकास एवं देशभरिका उद्योगी व्यवसायीहरुवाट उत्पादित वस्तुहरुको प्रवद्र्धन एवं प्रदर्शनीकालागि यहि माघ १४ गतेबाट शुरु हुने राष्ट्रिय उपयुक्त र ग्रामिण प्रविधी प्रदर्शनी तथा लेखनाथ महोत्सव २०६७ (National Exhibition of Appropriate and Rural Technologies and Lekhnath Festival 2011)  को तयारी अन्तिम चरणमा भएको कुरा अवगत गराउन चाहन्छु ।

यस वर्ष गरिने प्रदर्शनी तथा महोत्सवमा मुलुकका विभिन्न जिल्लाहरुमा स्थानीयस्तरमा उत्पादित उपयुक्त र ग्रामिण प्रविधिको प्रयोग, उत्पादित बस्तुको बजार प्रवद्र्धन साथै सोको पहिचान गर्ने र वस्तु/सेवाहरु उपभोक्तासम्म पुर्याउने उपयुक्त ग्रामीण प्रविधि सम्वन्धि प्रचारप्रसार र थप टेवा पुर्याउने, कृषि जन्य लघु घरेलु तथा साना उद्योगहरु प्रबद्र्धन गर्ने, आवश्यक ज्ञान उद्यमशिलता र प्रविधि हस्तान्तरण गर्न सहयोग पुर्याउने र स्वदेशी तथा बिदेशी बजार प्रवद्र्धनमा सहयोग पुर्याउने, स्थानीय राष्ट्रिय तथा छिमेकी मुकुकहरुमा उत्पादित औद्योगिक एवं दैनिक उपभोग्य वस्तु तथा सेवाहरुका साथै कृषिजन्य तथा हस्तकलाका सामानहरु जनसमक्ष परिचित गराई व्यवसाय विस्तार एवं प्रवद्र्धनमा टेवा पुर्याउने साथै आन्तरिक एवं वाह्य कृषि पर्यटक प्रवद्र्धन गर्ने प्रमुख उद्देश्य रहेको छ ।

लेखनाथ महोत्सवलाई विगत बर्षकोभन्दा अझ व्यवस्थित र गुणात्मक रुपमा स्तरिय बनाउनकालागि लेखनाथ उद्योग वाणिज्य संघको संयोजकत्वमा २१ सदस्यीय कार्यसम्पादन समिति, ३ सदस्यीय निर्देशक समिति, कार्य प्रकृतिको आधारमा ५३ वटा उपसमिति विभिन्न आमा-महिला समुहहरु उपसमिति रहनेगरी ९ सदस्यीय सल्लाहकार समिति गठन गरिएको छ ।

नेपाल सरकार विज्ञान तथा प्रविधी मन्त्रालय, लेखनाथ उद्योग वाणिज्य संघ, नेपाल उद्योग वाणिज्य महासंघ र लिवर्डको संयुक्त आयोजना तथा नेपाल सरकार वाणिज्य तथा आपुर्ती मन्त्रालय, व्यापार तथा निकासी प्रबद्र्धन केन्द्र, नेपाल सरकार संस्कृति मन्त्रालय अन्तर्गत पूरातत्व विभाग, नेपाल सरकार कृषि मन्त्रालय अन्तर्गत कृषि व्यवसाय प्रवद्र्धन कार्यक्रम, पशुपंक्षी बजार प्रवद्र्धन निर्देशनालय र लेखनाथ नगरपालिकाको सहआयोजना रहने र जिल्ला विकास समिति कास्की, पोखरा उपत्यका नगर विकास समिति, घरेलु तथा साना उद्योग कार्यालय कास्की, कृषि उद्यम केन्द्र, एक गांउ एक उत्पादन कार्यक्रम कास्की, क्षेत्रिय पशु सेवा निर्देशनालय पोखरा, जिटिजेड तथा जनप्रकाश उच्च मा.वि., आर्दश युवा क्लबलगायत लेखनाथका स्थानीय संघ संस्थाहरु एवं महिला समुहहरु सहयोगी संस्थाको रुपमा रहेका छन् भने प्रवद्र्धकमा नेपाल पर्यटन वोर्ड र मुख्य प्रायोजकमा डिस नेपाल रहेकॊ छ भने अफिसियल मिडियाको रुपमा एभिन्यूज टेलिभिजन र अन्नपूर्ण पोष्ट रहेको छ ।

सामाजिक उत्तरदायित्व वहन गर्नकालागि महोत्सवको प्रवेश प्रति टिकट को रु ३० मध्येवाट दमकल खरिदकालागि ५० पैसा, पत्रकार महासंघको भवन निर्माणका लागि ५० पैसा, खुल्ला दिशामुक्त क्षेत्रकालागि रु १, सामुदायिक क्याम्पसकालागि रु १, लेखनाथमा राष्ट्रिय स्तरको खेलकुदका लागि रु १ र आर्थिक तथा सामाजिक कार्यकालागि रु १ छुट्टाईएको व्यहोरासमेत यहां जानकारी गराउन चाहन्छौं ।

यस वर्ष राष्ट्रिय उपयुक्त र ग्रामिण प्रविधी प्रदर्शनी, पर्यटकीय ऐतिहासिक धार्मिक प्रदर्शनी, सांस्कृतिक स्थल एवं पुरातात्तीक महत्वको प्रदर्शनी, जोडि गण्डकी तारा अन्तर्गत श्रीमान् श्रीमती जोडी नृत्य प्रतियोगिता, लोक दोहोरी प्रतियोगिता, बिभिन्न राष्ट्रिय ख्याती प्राप्त कलाकारबाट हाश्य प्रहशन, विद्यालय स्तरिय नृत्य प्रतियोगिता, सांस्कृतिक कार्यक्रम, पप कन्सर्ट, आदिवासी जनजातिको भेषभुषा प्रदर्शनी, चिल्डेन पार्क, वन्जी जम, अन्तरकि्रया कार्यक्रम, घरेलु तथा साना उद्योग कार्यालयबाट हुने सम्पूर्ण सेवा तथा सुविधा लगायतका कार्यक्रमहरु रहेका छन् ।

महोत्सवकालागि तयार गरिएको स्टल उपयुक्त र ग्रामिण प्रविधी प्रदर्शनीतर्फ ५० वटा, कृषि प्रदर्शनीतर्फ ४० स्टल, डेरी प्रदर्शनीतर्फ २२, फूडफेस्टिवलतर्फ २०, अटोतर्फ १२, मेशेनरी फूड एण्ड वेभरेज, साधारण गार्मेन्ट र कर्पोरेटआदितर्फ २०६ स्टल गरि जम्मा ३५० स्टल रहेका छन् । १५ करोड बरावरको आर्थिक कारोवार हुने र ३ लाखभन्दा बढी दर्शकहरुलॆ महोत्सवको अवलोकन गर्ने र करिव आम्दानी ७० लाख पचास हजार र खर्च ५५ लाख हुने अनुमान गरिएको छ ।

महोत्सवका सम्पूर्ण तयारी पूरा भएको छ भने महोत्सवको समुद्घाटन माघ १४ गते विहान ११ वजे सम्माननिय प्रधानमन्त्री माधवकुमार नेपालज्यूवाट समूद्घाटन हुने पनि यसै अवसरमा यहांहरु समक्ष जानकारी गराउन चाहान्छौं ।

अन्तमाः राष्ट्रिय उत्कृष्ट प्रदर्शनी एवं महोत्सवको रुपमा सफल पार्न संचार माध्यम, पत्रकार, नागरिक समाज, बुद्धिजिवि, उद्योगी, व्यवसायी, राजनैतिक पार्टीहरु, शैक्षिक संघसंस्था, राष्ट्रिय तथा अन्तराष्ट्रिय सरकारी तथा गैह्र सरकारी सघ संस्थाहरु, महिला समुह, युवा क्लव एवं स्थानिय सामाजिक संघ संस्था, कलाकार तथा कला संस्कृतिसंग सम्वन्धित संघ संस्थालगायत सम्पुर्ण महानुभावहरु तथा शुभेच्छुक सम्पूर्णमा विगतकोभन्दा वढि सहयोगकालागि हार्दिक आग्रह गर्दछौं ।

बाबुराम जमरकट्टेल
मूल संयोजक

Comments

Name *
Email (For verification & Replies)
URL
Code   

Submit Comment