संरासं महासचिब मुन नेपालको शान्ती प्रकृयाप्रति चिन्तित

Written by Sitaram Baral

Saturday, 30 April 2011 13:26

काठमाडौँ- नेपालको शान्ति प्रकृया एकदमै गम्भीर मोडमा पुगेको ठहर संयुक्त राष्ट्र संघले गरॆको छ ।

शान्ति प्रकृयालाई सफल बनाउन र पूर्णता दिन जिम्मेवार पक्षहरुले अधिकतम लचकता अपनाउनुपर्ने कुरामा संयुक्त राष्ट्र संघका महासचिव वान की मुनले जोड दिएका छन् । महासचिव मुनले शान्ति प्रकृयालाई्र सफलतापूर्वक पूर्णता दिन नेपालका राजनीतिक दलहरुसित आह्वानसमेत गरेका छन् ।

महासचिव मुनले जारी गरेको विज्ञप्तिमा निर्धारित समयमा संविधान निमार्णकालागि तत्परता देखाउन आग्रह गरिएको छ । संविधान जारी गर्नु पर्ने समय आउन एक महिना पनि नभएकोमा स्मरण गराउँदै मुनले सम्बिधान निर्माण र शान्ति प्रकृया सम्पन्न गर्नुपर्ने सम्बन्धका विवादित मुद्धाहरुमा सहमतिकालागि अधिकतम प्रयास गर्नपनि महासचिव मुनले नेपालका राजनीतिक दलहरुसँग आग्रह गरेका छन् ।

एक दशक लामो माओवादी विद्रोहपछिको निर्णायक क्षणमा रहेको बताउँदै राष्ट्र संघीय महासचिव मुनले माओवादी सेनाका लडाकुहरुको समायोजन र व्यवस्थापनसहित संविधान जारी गर्ने दिशामा अधिकतम लचकता अपनाउन र यी बिषयमा साझा धारणा बनाउन राजनीतिक नेतृत्वलाई सुझाव दिएका छन् । स्मरणीय छ, राष्ट्रसंघीय महासचिव मुनले नेपालको शान्ति प्रकृयाको सम्बन्धमा विशेष चासो देखाउँदै आएका छन् ।

-Sitaram Baral in Kathmandu

Read our exclusive reporting on: