न्यू योर्कमा नेपालको ६२ औं प्रजातन्त्र दिवस तथा त्रिभुवन जयन्ती यसरी मनाईयो

न्यू योर्कमा नेपालको ६२ औं प्रजातन्त्र दिवस तथा त्रिभुवन जयन्ती यसरी मनाईयो

Written by Pradeep Thapa Magar

Monday, 20 February 2012 13:43

Article Index
न्यू योर्कमा नेपालको ६२ औं प्रजातन्त्र दिवस तथा त्रिभुवन जयन्ती यसरी मनाईयो
More photos from the 62nd Democracy Day New York 2012
All Pages

Page 1 of 2

वक्ताहरुद्वारा पूर्व राजा ज्ञानेन्द्रलाई आदर्श पुरुष मान्दै बिना रक्तपात राजागद्दी त्याग गरेकोमा धन्यवाद ब्यक्त
Special: 1 video, 28 photos: न्यू योर्क- 'राष्ट्रिय एकता र मेल मिलाप नेपाल' संस्थाद्वारा नेपालको ६२ औं प्रजातन्त्र दिवस तथा त्रिभुवन जयन्ती मनाईएको छ।

The 62nd Democracy day of Nepal and late king Tribhuvan Jayanti celebrated by Coalition for National Unity & Reconciliation in Nepal in New York on February 19, 2012. President Vijay K. Sigdel of the coalition delivering his speech. Photos: eEyeCam.com

तर प्रजातन्त्र दिवस मनाउने निहुँमा आईतवार दिउँसो न्यू योर्कको कुइन्सस्थित हिमालयन याक रेस्टुरेन्टमा आयोजित उक्त कार्यक्रममा वक्ताहरुले माओवादी, काँग्रेस र एमालेलाई देशमा अशान्ती, बेथिती र अस्थिरता श्रीजना गरेको र नेपाललाई भारतका सामू बेचेको आरोप लगाउँदै ति पार्टी र तिनका नेताहरुको सत्तोसराप गरेका थिए।

उक्त संस्थाका अध्यक्ष बिजय सिग्देलको सभापतित्वमा सम्पन्न कार्यक्रममा 'संयुक्त राष्ट्रबादी नेपाली' संस्थाका सल्लाहकार बिशालबिक्रम शाहले स्वागत मन्तब्य ब्यक्त गरेका थिए।

हेर्नुहोस् युएस नेपाल अनलाइनले उक्त कार्यक्रमबारे तयार गरेको बिशेष भिडियो रिपोर्ट:

62nd Democracy Day of Nepal & King Tribhuvan Jayanti, New York, Feb 19, 2012

कार्यक्रमको शुभारम्भमा पन्च कन्याहरु र अतिथीहरुद्वारा निरंकुश राणा शासकहरुद्वारा मारिएका ४ शहीदहरु शुक्रराज शास्त्री, धर्म भक्त माथेमा, दशरथ चन्द र गंगालाल श्रेष्ठ तथा राजा त्रिभुवनको तस्बिरमा माल्याणपण गरिएको थियो ।

त्यस लगत्तै ज्ञात अज्ञात शहीदहरुको सम्झनामा १ मिनेट मौन धारणसमेत गरिएको थियो भने गायिका सपना श्री र उनको गायन समूहद्वारा राष्ट्र गान र भजन प्रस्तुत गरिएको थियो।

Nepal's prominent singer Sapana Shree and her troupe performing national song at the event. Photos: eEyeCam.com

उक्त सभामा मन्तब्य ब्यक्त गर्नेहरुमा "संयुक्त राष्ट्रबादी नेपाली" (United Nationalist Nepalese-UNN) का सल्लाहकार डा. कमल पाण्डे (न्यू योर्क), महासचिब आशुतोष श्रीवास्तब (बोस्टन), पूर्व सचिब (नेपाल सरकार) दिवाकर पन्त, प्रकाश तिवारी, पत्रकार दुर्गा पुनम पाण्डे र अमेरिकि लेखक आलेक्स गार्गिलिस थिए।

United Nationalist Nepalese (UNN) adviser Dr, Kamal Pande.

मन्तब्यकोक्रममा डा. पाण्डेले प्रधानमन्त्री डा. बाबुराम भट्टराईको राजिनामा माग गर्दै ६०१ सदस्यिय संबिधान सभा औचित्यहिन ठहरेकोले तत्काल बिघटन गर्नु पर्ने माग गरे।

उता UNN का महासचिब श्रीवास्तवले पूर्व राजा ज्ञानेन्द्रलाई आफ्नो आदर्श पुरुष (आईडल) भन्दै उनको जन्म दिवस पनि मनाइने योजना सुनाए।

United Nationalist Nepalese (UNN) general secretary Ashutosh Shrivastav.

स्मरण रहोस्, यो संस्थाले सन् २०१० अप्रिल महिनामा विश्वभर "घन्टी बजाउँ, हिन्दू राष्ट्र फर्काउँ" अभियान चलाएको थियो।

सभामा गायक तिलक श्रेष्ठले राष्ट्रगान प्रस्तुत गरेका थिए भने सेनेका प्रधान, दिवांशु घिमिरे, समिता थापा र सलीना थापाको न्रित्य रहेको थियो।

कविता बाचन गर्ने कविहरुमा बिनोद रोका, कमला प्रसाई, पुनम काफ्ले, रामचन्द्र थापा, निशेश कार्की, तीर्थराज बराल थिए।

सभामा धन्यवाद ज्ञापन संस्थाका सदस्य कुबेर थापाले गरेका थिए भने कार्यक्रमको सन्चालन महासचिब बन्दना कोइरालाले गरेकी थिइन्।

-Pradeep Thapa Magar in New York. Comments? 917-570-1098 . Or, This e-mail address is being protected from spambots. You need JavaScript enabled to view it