Inside

All Time Top 50 News

इन द नेम अफ डेमोक्रेसी: ओबामाले जितेको त्यो दिनको स्मरण PDF Print E-mail
Share
User Rating: / 0
PoorBest 
Written by Diwakar Bagchand   
Tuesday, 06 November 2012 08:12

Special: 2 photos: न्यू योर्क- राष्ट्रपति चुनाव भएपछि बराक ओबामाले एउटा अत्यन्त महत्वपूर्ण सम्बोधन गरेका थिए । यो ४ नोभेम्बर २००८ को दिन थियो । सिकागोको ग्रान्ट पार्कमा दुई लाख मानिसहरु जम्मा भएका थिए । यो एउटा ऐतिहासिक दिन थियो । राष्ट्रपति चुनावको नतिजा आउन आरम्भ भईसकेको थियो ।


President Barack Obama during his 2008 election campaign. Barack Obama. Photo courtesy:WashingtonPost.Com

राष्ट्रपति चुनावका अर्का प्रत्यासी जोन मकेनले शुरुवाती बढत लिई रहेका थिए । भिडमा बेचैनी स्पष्ट देखिन्थ्यो । त्यो भिड कुनै चमत्कारी नतिजाको आशा लिएर जम्मा भएको थियो । जुन सूर्यको उदयसँगै रिपब्लिकन पार्टीको उत्साह बढ्दै थियो, सूर्य ढल्न लाग्दा उत्साहमा क्रमिकरुपमा ह्रास आईरहेको थियो । साँझको अंधकारले अश्वेत ओबामाको स्वागत गर्दै परिणामको दिशा परिवर्तन गरिदियो । ओबामाले बढत लिन थाले । यो बढत यति विशाल हुन थाल्यो कि त्यहाँ उपस्थित मान्छेका आँखामा आँशु छल्कन थाले । जब ओबामाले २७० को जादुयी आँकडा स्पर्स गर्न थाले, त्यहाँ उपस्थित सर्वसाधारण हर्षले भावविभोर हुनपुग्यो । २५० वर्ष पुरानो शोषित पिडितहरुको आशा आज पूरा हुन गई रहेको थियो । चुनावकोलागि आवश्यक २७० को अंक पार हुने बित्तिकै त्यहाँ उपस्थित अश्वेत नेता जेसे ज्याक्सनले आँशु रोक्न सकेनन् । अमेरिकी जनताले फैसला सुनाई सकेका थिए ।

बराक हुसैन ओबामा अमेरिकाको ४४ औं अफ्रिकी अमेरिकी राष्ट्रपति चुनिए । बुलेट प्रुफशिसाको पछाडि ओबामा नयाँ युगको सुत्रपात भएको हेरि रहेका थिए । उनले राष्ट्रको नाममा पहिलो सम्बोधन गरे । ओबामाले भने-
"यदि अझपनि कसैलाई अमेरिकामा केही असम्भव छैन भन्ने कुरामा सन्देह छ, अमेरिकी राष्ट्र निर्माताहरुको सपनाको जिवन्तताप्रति आशंका छ र हाम्रो लोकतन्त्रको तागतमाथि प्रश्न चिन्ह उठाउँछ भने यो हाम्रो जवाफ हो । यो जवाफ यस राष्ट्रका असङ्ख्यक स्कूल र चर्चहरुमा पंक्तिदरपंक्ति फैलिएको छ । यो जवाफ हो यूवा र बृद्धहरुको, धनी र गरीवहरुको, डेमोक्रेट र रिपब्लिकनहरुको, अश्वेत र श्वेतहरुको, ल्याटिन अमेरिकी र एसियायीहरुको, मूल अमेरिकी, समलिङ्गी र अपाङ्गहरुको । यो असङ्ख्य अमेरिकीहरुको जवाफ हो, जसले सन्देश दिएका छन् हामी रातो र निलो रङ्गका राज्यका समूह हैनौं । हामी एक हौ, सदा एक रहने छौं ।"

संयुक्त राज्य अमेरिका पुँजिवादको प्रयाय बनेको संयुक्त राज्य अमेरिकाले प्रजातान्त्रिक समाजवादको उत्कृष्ट नमूना विश्व सामू प्रस्तुत गरेको मैले महशुस गरे ।

प्रजातान्त्रिक समाजवादको विद्यार्थीको हैसियतले यो घटनाक्रम मेरालागि निकै अर्थपूर्ण थियो । २१ औंशताब्दीको अद्भूत राजनीतिक परिवर्तन थियो यो । आजको दिनसम्म प्रजातान्त्रिक समाजवाद गरीव र शोषितहरुको एक मात्र राजनी्तिक सिद्धान्त हो जस्तो मलाई लाग्छ । आज कुनै राजनीतिक पार्टीले गरीव जनताको सेवा गर्न चाहन्छ भने त्यसले प्रजातान्त्रिक समाजवादको सिद्धान्तलाई स्वीकार गर्न आवश्यक छ । सम्पन्नहरुको राजनीति सत्तामा पुग्नकालागि मात्र हुन्छ । गरीवको राजनीति सिमित हन सक्दैन । गरीवले आफ्नो राजनीतिक उद्देश्य सुधार्न पूरा देशको दशा सुधार्न पर्छ । प्रजातान्त्रिक समाजवादकाअनुसार देशको मूख्य रोग नै असमानता हो । असमानताले नेपालको प्राण नै चुसेको छ । असमानताले गर्दा नेपालको ठुलो समूह ज्ञान र कौशलविहिन भएको छ । हाम्रो समाजमा नविन काम हुन सकेका छैनन् । नैराश्यता व्यापत छ । प्रजातान्त्रिक समाजवादले आर्थिक र सामाजिक शोषणको अन्त्य गर्ने वकालत गर्छ । नेपालमा जल, जंगल र जमिन आदिको समाजिक व्यवस्थापन गर्नु पर्ने देखिन्छ । हरेक क्षेत्रमा बढिभन्दा बढि उत्पादन हुनु पर्छ । राजनीतिको फैसला जनताले नै गर्नु पर्छ । प्रजातान्त्रिक समाजवाद भाषणमा पाएँ, किताबमा पाएँ र नारामा पाएँ । राजनीतिक व्यवस्था परिवर्तनले नेपाली समाजको सोच परिवर्तन हुन सकेन । आफुभन्दा ठुलोको बराबर बन्न चाहने तर आफुभन्दा कमजोरलाई आफ्नो बराबर हुन नदिने सोचले सिचिएको माटोमा प्रजातान्त्रिक समाजवादको उन्नत विरुवा फस्ट्याउन सकेन ।

Diwakar Bagchand. Photo courtesy: Pabita Bagchand Pariyar

२००८ को युगान्तकारी अमेरिकी राष्ट्रपति चुनावले मलाई लोकतन्त्रको सहि अर्थ बुझाई दियो । यो ‘वैचारिक परिवर्तनको क्रान्ति’को जित थियो । यो मानव समभाव र समानताको जित थियो । यो जित एउटा सर्वसाधारण मानवको जित थियो जसले संसारको सबभन्दा शक्तिशाली राष्ट्रको राष्ट्रपति बन्ने सपना देखेको थियो । ४ नोभेम्बर २००८ का दिन अमेरिकाले जातिवाद, नस्लवाद, धनी र गरीवको विभेद, रङ्गभेद र असंवेदनाको विरुद्ध एउटा सन्देश दियो ।

आज करिब चार वर्ष बितिसक्दा यही नोभेम्बर ६ तारिखका दिन हुन गई रहेको राष्ट्रपति चुनावलाई प्रत्यक्ष अमेरिकी माटोमा बसेर हेर्ने अवसर पाएको छु । ओवामा दोश्रो कार्यकालकालागि रिपब्लिकन उमेदवार मिट रोमनीसंग भिड्दैछन । हेरौं, अमेरिकी प्रजातन्त्रले कसलाई रोज्छ ।

-Diwakar Bagchand in New York

Note: दिवाकर बागचन्द "जन सेवा श्री" चतुर्थ (२०६९) द्वारा सम्मानित नेपाल टेलिभिजनका पत्रकार हुन्।

Read our special reporting section for US Presidential Election:

-http://usnepalonline.com/us-presidential-election/

-अमेरिकि राष्ट्रपति चुनावमा नेपालीको कस्लाई समर्थन: ओबामा कि रोम्नी? ओबामा (१०१) vs रोम्नी (१५)?

Read our exclusive reporting on:

संघीयता | महिला | NRN | दलित | न्यू योर्क नेपाली+USA | प्रबास | आदिवासी | साहित्य


Not enough of reading us? Visit our multi-media channels:

 

Comments

Please login to post comments or replies.
 

Be the first to know

Member Login





OUR COMMITMENT

USNepalOnline.Com is a New York-based popular community news portal dedicated to the Nepalese community in New York and around the world. We bring news and views from Nepal and from the Nepalese Diaspora. We are committed to providing a wide array of international features relating to Nepalese politics, people, lives, culture and so on. Our dedicated editors, representatives, and contributors in New York, Nepal and from elsewhere work to bring Nepal and the Nepalese into the cyber-world as it happens. We operate as a primary news source that touches the lives of the Nepalese community in ways that matter most to our readers. Our mission is to provide quality news and educational resources about Nepalese culture and its people within and beyond the Nepalese-American community.