Inside

All Time Top 50 News

न्यू योर्कमा नेका काबा सभापति शुशिल कोइरालाद्वारा एकताको अह्वान PDF Print E-mail
Share
User Rating: / 4
PoorBest 
Written by Pradeep Thapa Magar   
Wednesday, 08 July 2009 03:58

तर देबकोटा पक्षको बहिस्कारका कारण चिरा परेको घाऊ अझ गहिरिदो
न्यू योर्क- आफ्नो जिब्रोमा भएको क्यान्सर उपचार शिलशिलामा अमेरिका भ्रमणमा रहनु भएका नेपाली काँग्रेसका कार्यबाहक सभापति शुसिल कोइरालाले विश्वको राजधानी मानिने न्यू योर्क शहरका कांग्रेस समर्थकहरु बिच मंगलबार साँझ बिशेष अन्तर्कृया गर्नु भएको छ। अमेरिकामा काँग्रेसीहरु बिच चरम गुटबन्दी भएको थाहा पाएपछि र त्यसको आरोप आफुलाई पनि लागेपछि उहाँले गम्भिर हुँदै भन्नु भयो- "ब्यक्ती त मरेर जान्छ, सुशिल कोइराला मरेर जान्छ, संस्था त सधैं भरी रही रहन्छ। बिपी जि, गणेशमान जिले यत्रो पार्टी स्थापित गरेर जानु भो। उहाँहरु त जानु भो तर नेपाली कांग्रेस त बाँची रहेको छ।"

Nepali Congress Acting President Sushil Koirala in New York interaction program on Tuestday. Photos: eEyeCam
झन्डै ८० जना न्यू योर्कबासि काँग्रेसी बन्धुहरु र पत्रकारहरुको भेलालाई सम्बोधन गर्दै सभापति कोइरालाले एकता होस् भनेर नै सबै साथीहरुसँग सल्लाह गरेर समिती बिघटन गरेको दाबी गर्नु भएको छ। "कति साथीहरुलाई भ्रम भएछ कि संस्था नै बिघटन भएको हो कि भन्ने तर संस्था बिघटन भएको होइन कमिटी बिघटन गरेको हो। एकता अधिबेसन गर्ने जुन निर्णय भएको छ, अब तपाईंहरु नै बातावरण श्रीजना गर्ने प्रयास गर्नुहोस्। यो बिघटन कसैलाई गिराउने, होच्याउने उद्धेस्यले गरिएको होइन।"
काबा सभापति कोइरालाले  पार्टी भित्र र यसका नेताहरु बिच कमी कम्जोरीहरु रहेको तथ्यलाई स्विकार्दै पार्टीमा अनुशासन र संस्थागत निर्णय गर्नेबारे 'प्रोसेस' शुरु भई सकेको छ भनेर आक्रोसित केही उपस्थित काँग्रेसी बन्धुहरुलाई थम्थम्याउने प्रयास गर्नु भयो।
NC Leader Koirala at the event.
आफुलाई लागेको गुटबन्दीको फगत आरोपप्रति मर्माहत हुँदै सभापति कोइरालाले आरोपिहरु प्रति प्रश्न गर्नु भयो- "मैले किन गुट बन्दी गर्नु पर्‍यो? मैले के लिएको छु भन्नुस् त? मैले पाएको कुरा पनि छोडेको छु। सरकारमा त मलाई २०४७ साल देखिन् नै उपप्रधानमन्त्रीसम्म अफर आएको हो। साथीहरुले सोच्नु पर्‍यो मैले के का निम्ती गुटबन्दी गर्ने? मैले पार्टी उपसभापति, महामन्त्रीबाट यस्तै इस्स्युमा राजिनामा गरेको थिएं भन्देखिन् यहाँ पदको लागि कत्रो झगडा हुन्छ। मैले त छोडेको ब्यक्ती हुँ।"
काबा सभापति कोइरालाले संस्थाभन्दा नेताका पछि हिंड्ने काँग्रेसीहरुतिर बचन बाँड हान्दै अगाडि भन्नु भयो-
"गुटबन्दी त त्यसले गर्छ जसले चाँही एउटा गुट बनाएर आफ्नो पकड बनाएर जाउँ भन्छ। मेरो त त्यो आकांशा पनि होइन अभिलाषा पनि होइन। मैले त यहाँ आउँदा खेरी जहिले पनि हाम्रो पार्टी एक भएर जाओस् भन्ने चाहन्छु। त्यसैले म त भन्छु कि कसैले पनि नेपाली कांग्रेस आपसमा गुट बन्दी छ भन्न नपाओस्। हामीमा यस्तो भएको सिस्टम नअपनाएकोले गर्दा हो। म त्यसलाई मेटाउन चाहन्छु। यो सुशिलको मान्छे, यो शेरबहादुरको मान्छे, यो रामचन्द्रको मान्छे, यो फलानोको मान्छे भन्ने कुरा मेटिनु पर्छ। हामी ब्यक्तीसंग आबद्ध भएको होइन। आज संस्था दुर्बल भएको कारण यही हो।"
काबा सभापति कोइरालाले निक्कै लामो समय काँग्रेस एकता र अनुशासनको बिषयमा खर्चे पनि केही राष्ट्रिय महत्वका बिषयमा बोल्न भने चुक्नु भएन।
माओवादीलाई जंगलबाट शहरमा ल्याउन नेपाली काँग्रेस पार्टी र सभापति गिरिजाप्रशाद कोइरालाले खेलेको भूमिकालाई स्मरण गर्दै आफु र आफ्नो पार्टीले आधुनिक नेपाल निर्माण गर्न सबै एक भएर लागौं भनेर सबै दलहरुसंग सहमती र सहकार्य गर्न बारम्बार प्रयास गरिरहेको बताउनु भयो।
उहाले भन्नु भयो- "प्रजातन्त्र को बिकल्प छैन। प्रजातन्त्रको सम्ब्रिद्धता भएमा नेपाल स्वर्ग बन्न सक्छ।"
मुलुक अहिले पनि संक्रमणकालिन अवस्थाबाट गुज्री रहेको बताउँदै काबा सभापति कोइरालाले माओवादीहरु पनि देश बनाउने कुरामा सहमत हुने आशा गर्नु भयो।
सेनामा माओवादी लडाकुलाई एकै पटक हुल्न नसकिने स्पस्ट पार्दै कोइरालाले बरु औधोगिक, बन लगायतका सुरक्षामा लगाउन सकिने अथवा एक मुस्ट रकम दिएर रोजगारी गर्न प्रोत्साहन गर्ने र बैदेशिक रोजगारीमा पठाउन सकिने बताउनु भयो।
संबिधान सभाप्रति नेपाली काँग्रेस सम्बेदनशील छैन भन्ने आरोपप्रति कोइरालाले भन्नु भयो-
"संबिधान सभाप्रति नेपाली कांग्रेसलाई जति अरु पार्टीलाई छैन। हामीलाई चाहिएको हो वास्तवमा। प्रजातन्त्रवादीहरुलाई वास्तबमा यो संबिधान सभा चाहिएको हो। संबिधान सभाका बारेमा नेकाको अहिले देखिन् को कमिट्मेन्ट होइन २००७ देखिन् कै हो। त्यो एउटा प्रोसेसमा जानु पर्थ्यो तर आज त्यो साकार भएको छ। त्यस कारण नेका संबिधान सभाको पक्षमा छैन भन्ने कुरा गलत हो।"
Mridula Koirala welcoming NC leader Sushil Koirala. Photos: eEyeCam
कार्यक्रमको शुरुमा नेपाली काँग्रेस केन्द्रिय प्रतिनिधि तथा न्यू योर्ककि नेत्री म्रिदुला कोइरालाले छोटो मन्तब्य र काबा सभापतिको स्वागत पछी माइक सिधै सभापति कोइरालालाई थमाइदिएकी थिइन्।
Lawyer Khagendra GC at the program. Photos: eEyeCam
उता कार्यक्रममा न्यू योर्कका बरिस्ठ वकिल तथा केन्द्रिय पार्टीद्वारा नियुक्त देबकोटा समुहको हार्ट्फोर्ट, कनेक्टिकटमा सम्पन्न अधिबेशन आयोजक समितीको संयोजक खगेन्द्र जिसीले सभापति कोइरालालाई अमेरिकि काँग्रेसीहरु आँफै मिल्न सक्दै नसक्ने स्थिती श्रीजना भएकोले केन्द्रबाटै ठोस समाधानको बाटो सुझाइनु पर्ने अनुरोध र अमेरिकि नेपाली काँग्रेसीहरुको मुख बाराबार अवस्थाको "यथार्थता" जानकारी गराउनु भएको थियो।
Ambassador Madhuraman Acharya with Congress leader Koirala. Photos: eEyeCam
कार्यक्रममा संयुक्त राष्ट्र संघका लागि नेपाल स्थाई नियोगका स्थाई प्रतिनिधि तथा महामहिम राजदूत मधुरमण आचार्य उपस्थित हुनुहुन्थ्यो । उहाले एक प्रश्नकर्ताले दूताबासले नेपालीलाई आपत पर्दा सहयोग गर्ने सरकारको कोश छ कि छैन भन्ने प्रश्नको जवाफ दिदै सरकारको तर्फबाट त्यस्तो ब्यबस्था नभएको जानकारी गराउनुभएको थियो। उहाँले काबा सभापति कोइरालाको बारेमा पनि आफ्ना निजी धारणा ब्यक्त गर्नु भएको थियो।
Former central Acting President of Nepal Student Association, Nripbahadur Bista.
कार्यक्रममा नेबी संघका केन्द्रिय पूर्व काबा अध्यक्ष न्रिपबहादुर बिष्टले भारतले नेपालको सिमाना मिच्दा सरकार र नेपाली कांग्रेस चुप लागेर बसेको प्रति कडा शब्दमा प्रतिबाद गर्नु भएको थियो भने मुनिन्द्रा नेम्वाङ, दुर्गेस कार्की, प्रमोद सिटौला, दिपेस लिम्बु, पेमा ह्योल्मो, इन्दिरा बिष्ट लगायतले काँग्रेस बिभाजनको बारेमा प्रश्न उठाउनु भएको थियो।
त्यसै गरी डा. बिनोद शाहले एनारएनको बिषयमा र बंशलाल तामाङले संघियताबारे नेपाली काँग्रेसको स्पस्ट धारणा आउनु पर्ने सुझाब राख्नु भएको थियो।
कार्यक्रमको मैझारो चाँही सांग्रिला रेस्टुरेन्टले पस्केको नेपाली परिकारको रात्री भोज खाएर भएको थियो।
गत जून २३ तारिख अमेरिका आइ पुग्नु भएका कोइरालाले जुलाई ३ तारिख क्यालिफोर्नियामा सम्पन्न एसोसिएसन अफ नेपालीज इन अमेरिका (ANA) को २७ औं वार्षिक सम्मेलनको उत्घाटन गर्नु भएको थियो।
काबा सभापति कोइराला भोली नेपाल फर्किदै हुनुहुन्छ।
-Pradeep Thapa Magar. Comments? 917-570-1098. Or,  This e-mail address is being protected from spambots. You need JavaScript enabled to view it
Read related news:
Star leader ! Nepalese taking snaps from their iPhone to NC leader Koirala and Ambassador Acharya. Photos: eEyeCam
Pramod Sitaula, President Nepalese Democratic Youth Council in USA. Photos: eEyeCam
Bamsalal Tamang. Photos: eEyeCam
Munindra Nembang. Photos: eEyeCam
Dr. Binod Shah.
Pemba Sherpa Yolmo, Janasampaka New York Chapter Ex-Vice President. Photos: eEyeCam
Durgesh Karki. Photos: eEyeCam
Indira Bista. Photos: eEyeCam
NC leader Koirala with Nepalese in New York. Photos: eEyeCam
Read more featured news:

-जजमानको छोरो विश्व कै उत्कृष्ट विश्वबिद्यालयको हिरो

न्यू योर्कमा नेपाल र न्यू योर्कका नेपाली महिला हस्तीहरुको जम्काभेट

-Adhikaar: Nepalese Women's Voice in New York (25 photos)

-सपनाले देखेका सपनाहरु अब बिपना बन्दैछन्‌ (24 Photos)

Comments

Please login to post comments or replies.
 

Be the first to know

Member Login





OUR COMMITMENT

USNepalOnline.Com is a New York-based popular community news portal dedicated to the Nepalese community in New York and around the world. We bring news and views from Nepal and from the Nepalese Diaspora. We are committed to providing a wide array of international features relating to Nepalese politics, people, lives, culture and so on. Our dedicated editors, representatives, and contributors in New York, Nepal and from elsewhere work to bring Nepal and the Nepalese into the cyber-world as it happens. We operate as a primary news source that touches the lives of the Nepalese community in ways that matter most to our readers. Our mission is to provide quality news and educational resources about Nepalese culture and its people within and beyond the Nepalese-American community.