Updated: Exclusive: 99 photos: न्यू योर्क- युएसनेपालअनलाइन डट कमको आज कै दिन अर्थात डिसेम्बर ३ तारिख सन् २००७ मा प्रकाशन शुरु भएको थियो। यो बर्ष युएसनेपालअनलाइनले आफ्नो आठौं वार्षिकोत्सब यही डिसेम्बर ६ तारिख आईतबार दिउँसो १२ बजे न्यू योर्कको कुइन्स ज्याक्सन हाइट्स ४१-०१, ७५ स्ट्रिटस्थित शेर्पा किदुग युएसएको आफ्नै भवनको सभा कक्षमा मनाउँदैछ।

यसपाली पनि बिगतका वर्षहरुमा जस्तै समाजमा योगदान पुर्याएका ब्यक्तित्व र संस्थाहरुलाई 'अतिथी सम्मान' (Guest of Honor) द्वारा कदर गरिने छ भने युवा प्रतिभाहरुलाई 'युथ रिकगनिसन अवार्ड' (Youth Recognition Award) द्वारा सम्मान गरिनेछ । हरेक बर्शका सम्मानित ब्यक्तित्वहरु को को हुन् भन्ने कुराको सार्वजनिकिकरण वार्शिकोत्सव समारोहमा मात्र गरिने परम्परा रहिआएकोछ ।

गत वर्ष सन् २०१४ मा सम्मानित ब्यक्तित्वहरुमा Guest of Honor वरिश्ठ नायिका कृश्टी मैनाली, नेपाली कला जगतका मुधन्य ब्यक्तित्व चित्रकार उत्तम नेपाली, संगीतकार त्रय शिशिर श्रेष्ठ, न्हुछेनारायण डङ्गोल र एलजि खम्बाचे शेर्पा, एनआरएन अमेरिकालाई सफलतापूर्वक चुनावी प्रकृयामा लैजान सफल भएका न्यू योर्कका वकिल द्वय बिनोद रोका र दुर्गाप्रशाद भूर्तेल, बहुप्रतिभाकि धनी गायिका, नृत्याङ्गना यशोदा खालिङ राई र संस्थागतमा सिन्धु-युएसए वेलफेयार सोसाईटी थिए । त्यसैगरी, 'युथ रिकगनिसन पुरस्कार' द्वारा सम्मानित हुनेहरुमा न्यू जर्सी राज्यको रटगर्स बिश्वबिद्यालयमा अध्यायनरत शैक्षिक जागरण र लिडरशिपमा अगुवा युवा एश्वर्या शर्मा, रिभर्स स्पेलिङमा गिनिज बूक अफ वर्ल्ड रेकर्ड कायम गरेका कृष्ण पान्डे र न्यू योर्कको नर्मल एकेडेमी म्यूजिक ब्याण्डका संस्थापक गायक एबं संगितकार युगेस लिम्बु थिए ।

The honorees of USNepalOnline's 'Guest of Honor' and 'Youth Recognition Award' winners 2009-2014. Photos archive: USNepalOnline

युएसनेपालअनलाइनको बिगतका बर्षहरुको वार्षिकोत्सब समारोह र सम्मानित ब्यक्तित्वहरु र संस्थाहरुकोको समाचार यो लिङ्कमा गएर पढ्नुहोस्: युएस नेपाल अनलाइनले यस अघी सन् २००८ मा प्रथम (पढ्नुहोस्), सन् २००९ मा दोश्रो (पढ्नुहोस्), सन् २०१० मा तेश्रो (पढ्नुहोस्), सन् २०११ मा चौंथो (पढ्नुहोस्), सन् २०१२ मा पाँचौं (पढ्नुहोस्) र सन् २०१३ मा छैठौं (पढ्नुहोस्) र सन् २०१४ मा सातौं (पढ्नुहोस्) वार्षिकोत्सब मनाइसकेको छ।

यसपालीको वार्षिकोत्सबमा प्रतिभाशाली बालिका कलाकारहरु शृताश्मा ढुङेल, सिम्रन अधिकारी र एन्जिला राईको सुनौलो कला प्रस्तुती रहने छ भने नेपाली गायक गायिकाहरुले आ-आफ्नो गीत प्रस्तुत गर्ने छन् ।

समारोहमा पाहुनाहरुलाई युएसनेपाल अनलाइनका आजीवन सदस्य दिदि-बहिनीहरुले आ-आफ्नो घरमा तयार पारेको 'होम मेड' नेपाली परिकार खुवाउने छन्।

यसरी शुरु भयो युएसनेपालअनलाइन

युएसनेपालअनलाइन डट कम सन् २००७ को डिसेम्बर ३ तारिखदेखि प्रकाशन शुरु भएको हो । युएसनेपालअनलाइनका प्रधान सम्पादक प्रदीप थापा मगर हुन् । साहित्य सम्पादक नगेन्द्र ईङ्नाम हुन् भने अतिथी सम्पादक बिजय थापा रहेका छन् । युएसनेपालअनलाइन डट कमका अध्यक्ष पासाङ दोर्ची शेर्पा हुन् । युएसनेपालअनलाइनका ४५ हजार रजिस्टर्ड सदस्यहरु र ९७ जना अनरेरी आजिवन सदस्यहरु छन् ।

युएसनेपालअनलाइन डट कम हालसम्म ७५ लाखभन्दा बेशी पाठकहरु माझ पुग्न सफल भएको छ भने दैनिक डेढ लाखभन्दा बेशी पटक युएसनेपालअनलाइनका समाचारका पृश्ठहरु पढिन्छ । सन् २००७ देखि हालसम्म ३५ करोड पटक यसको साइट हेरिसकिएको छ ।

नि:शुल्क आईफोन र एन्ड्रोईड एप्स

गत अक्टुबर महिनादेखि युएसनेपालअनलाइनले आफ्नो एप्स जारी गरी "USNepalOnline" एप्स मार्फत पनि लाईभ रिपोर्टिङ गर्दै आएको छ । एप्पल आईट्यून्स र गुगल प्ले स्टोरबाट "USNepalOnline" एप्स नि:शुल्क डाउन्लोड गरी समाचार अप्डेट पढ्न सकिन्छ ।

युएसनेपालअनलाइन र यसका प्रधान सम्पादक प्रदीप थापा मगरले निश्पक्ष, निडर र स्वतन्त्र प्रकारिता र समाचारकोलागि बिभिन्न पुरस्कार प्राप्त गरेकाछन्। ति मध्ये अन्तर्राष्ट्रिय नेपाली साहित्य समाज (अनेसास) द्वारा 'अनेसास अन्तरराश्ट्रिय सामाजिक हिरो पुरस्कार' (२०१३), न्यू योर्क कला मन्चद्वारा 'डिस्टिङ्गुईस्ड सर्भिस अवार्ड' पुरस्कार' (२०१२), रिज्वूड नेपालीज सोसाइटीद्वारा 'प्रेसिडेन्सियल अवार्ड' (२०१०) र 'अधिकार' द्वारा 'कम्युनिटी लिडर्शिप अवार्ड' पुरस्कार (२०१०) आदि छन्।

Read our last year's anniversary celebration news:

Read news on all previous anniversaries:

http://www.usnepalonline.com/anniversary/